ព័ត៌មានអន្ដរជាតិ

សហរដ្ឋអាមេរិករង់ចាំអនុម័តវ៉ាក់សាំង ខណៈ ការស្លាប់ប្រចាំថ្ងៃកើនឡើងដល់ ៣ពាន់នាក់

បានផុស

៤ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

ករណីស្លាប់ប្រចាំថ្ងៃដោយសារជំងឺកូវីដ១៩នៅសហរដ្ឋអាមេរិកបានកើនឡើងដល់ ៣ ពាន់នាក់ ខណៈពេលដែលមន្ត្រីសុខាភិបាលសាធារណៈ បានបង្កើនការរៀបចំសម្រាប់យុទ្ធនាការចាក់វ៉ាក់សាំងមុនការអនុម័តបទប្បញ្ញត្តិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា ករណីអ្នកជំងឺឆ្លងកូវីដ១៩ដែលសម្រាកនៅមន្ទីពេទ្យទូទាំងប្រទេស បានកើនឡើងសរុប ១០៥,៨០៥នាក់ ដោយគិតត្រឹមថ្ងៃពុធគឺកើនឡើង ១៨ ភាគរយក្នុងរយៈពេលពីរសប្ដាហ៍មុន។

សហរដ្ឋអាមេរិកក៏បានបង្ហាញពីចំនួនអ្នកស្លាប់ជាមធ្យម ២,២៥៩ នាក់ និងការឆ្លងថ្មីចំនួន ២០៥,៦៦១ នាក់ជារាល់ថ្ងៃក្នុងរយៈពេលមួយសប្តាហ៍កន្លងមកនេះ។ ចំនួនអ្នកស្លាប់ដែលមន្ត្រីសុខាភិបាលអាមេរិកព្រមាន ទំនងជានឹងបង្កើនល្បឿននៅប៉ុន្មានខែខាងមុខ មុនពេលចាក់វ៉ាក់សាំង បានទៅដល់សាធារណជន។

ស្របពេលនោះដែរ ក្រុមអ្នកជំនាញផ្នែកវេជ្ជសាស្ត្រឯករាជ្យ បានជួបប្រជុំគ្នា នៅថ្ងៃព្រហស្បតិ៍នេះ ដើម្បីសម្រេចថា តើត្រូវទទួលយកវ៉ាក់សាំងពីក្រុមហ៊ុន Pfizer / BioNTech ប្រើជាបន្ទាន់ឬយ៉ាងណា។

ទោះបីជាមានប្រជាជនអាមេរិកជាច្រើន បានសម្ដែងការងឿងឆ្ងល់អំពីការចាក់វ៉ាក់សាំងនេះក្ដី តែ លោក ប៉ៃដិន ក៏បានកំណត់គោលដៅចាក់វ៉ាក់សាំងជូនប្រជាជន ១០០ លាននាក់ ជិតមួយភាគបីនៃចំនួនប្រជាជនអាមេរិក ក្នុងរយៈពេល ១០០ ថ្ងៃដំបូងនៃរដ្ឋបាលរបស់លោក ឬចាំឲ្យដល់ថ្ងៃទី ២៩ ខែ មេសា ខាងមុខនេះតែម្ដង៕

ប្រែសម្រួល៖ សាង ស្រីល័ក្ខ

ប្រភព៖channelnewsasia

ចុចអាន៖ទិន្នន័យវ៉ាក់សាំងកូវីដរបស់ក្រុមហ៊ុន Pfizer / BioNTech ត្រូវបានគេលួច

ចុចអានទោះបីកូវីដមិនអាចចម្លងតាមរយៈទឹកកាមមែន ប៉ុន្តែអ្នកជំនាញព្រមានកុំធ្វេសប្រហែស

Related Topics:សហរដ្ឋអាមេរិក