អាមេរិករកឃើញករណីឆ្លងវីរុសកូរ៉ូណាលើកដំបូងនៅក្នុងសត្វព្រៃមួយប្រភេទ

ក្រសួងកសិកម្មសហរដ្ឋអាមេរិក (USDA) បាននិយាយកាលពីថ្ងៃចន្ទថា ខ្លួនបានបញ្ជាក់ពីករណីដំបូងនៃវីរុសកូរ៉ូណានៅក្នុងសត្វព្រៃមួយប្រភេទនៃរដ្ឋ Utah ។

ការរកឃើញនេះកើតឡើងក្នុងសត្វសំពោច ខណៈវីរុសនេះបានសម្លាប់សំពោចជាង ១៥,០០០ ក្បាលនៅកសិដ្ឋាននៅក្នុងសហរដ្ឋអាមេរិកចាប់តាំងពីខែសីហា ។

មន្ត្រីសុខាភិបាលពិភពលោកកំពុងធ្វើការស៊ើបអង្កេតលើហានិភ័យដែលសត្វនេះអាចបង្កដល់មនុស្ស បន្ទាប់ពីប្រទេសដាណឺម៉ាកកាលពីខែមុនបានចាប់ផ្តើមផែនការដើម្បីកម្ចាត់កសិដ្ឋានចិញ្ចឹមសត្វសំពោចចំនួន ១៧ លានក្បាលដោយព្រមានថាវីរុសកូរ៉ូណាអាចចម្លងទៅមនុស្សបាន ។

ក្រសួងកសិកម្មបាននិយាយនៅក្នុងសេចក្តីជូនដំណឹងមួយថា ខ្លួនបានបញ្ជាក់ពីករណីនេះនៅក្នុងព្រៃមួយដែលស្ថិតនៅក្នុងរដ្ឋ Utah ដែលជាផ្នែកមួយនៃការឃ្លាំមើលសត្វព្រៃជុំវិញកសិដ្ឋានដែលមានមេរោគ ។

ក្រសួងកសិកម្មអាមេរិកបានបន្ថែមថា ចំណែកសត្វមួយចំនួនផ្សេងទៀតមកពីប្រភេទសត្វព្រៃខុសៗគ្នាត្រូវបានយកសំណាកទៅធ្វើតេស្ត ហើយការធ្វើតេស្តនោះគឺអវិជ្ជមាន ។

ទីភ្នាក់ងារនេះបាននិយាយថា ខ្លួនបានជូនដំណឹងដល់អង្គការសុខភាពពិភពលោកអំពីករណីថ្មីនេះ ប៉ុន្តែបាននិយាយថាមិនមានភ័ស្តុតាងណាមួយដែលថាវីរុសបានរីករាលដាលនៅក្នុងប្រជាជនក្នុងព្រៃដែលនៅជុំវិញកសិដ្ឋានចិញ្ចឹមសត្វសំពោចដែលផ្ទុកវីរុសនោះទេ ។

ក្រសួងការពារជាតិអាមេរិកបាននិយាយនៅក្នុងសេចក្តីជូនដំណឹងមួយទៀតថា “សត្វសំពោចទាំងនោះត្រូវបានបញ្ជាក់ថាមានវីរុស SARS-CoV-2 ។ វីរុសនេះក៏ត្រូវបានគេរកឃើញនៅក្នុងសួនសត្វខ្លា ឆ្មា និងឆ្កែផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ រដ្ឋមន្ត្រីម្នាក់ទៀតរបស់លោក Trump លាលែងពីតំណែង មុនថ្ងៃណូអែល

ចុចអាន ៖ ដបវ៉ាក់សាំងកូវីដដែលចាក់ឲ្យមនុស្សដំបូងគេលើលោកនឹងយកទៅដាក់នៅសារមន្ទីរវិទ្យាសាស្ត្រ