ព័ត៌មានអន្ដរជាតិ

រុស្ស៊ី និងទួរគី វាយប្រហារជុំរុំក្រុមបះបោរស៊ីរី សម្លាប់មនុស្សជាង ៣០នាក់

បានផុស

៤ years មុន

នៅ

ថ្ងៃចន្ទ ២៦ តុលា ២០២០

ដោយ

យន្តហោះចម្បាំងរបស់ទួរគី នៅរសៀលថ្ងៃច័ន្ទនេះ បានបើកការវាយប្រហារលើមូលដ្ឋានទ័ពមួយកន្លែងរបស់ពួកបះបោរស៊ីរី ដែលស្ថិតនៅភាគខាងជើង ឈាងខាងកើតប្រទេសនេះ នាំឲ្យមនុស្សយ៉ាងហោចណាស់ ២០នាក់ស្លាប់។ នេះបើតាមប្រភពព័ត៌មានពីក្រុមបះបោរ និងអ្នកឃ្លាំមើលសង្គ្រាមនៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីក្រុមបះបោរស៊ីរី និយាយថា យន្តហោះរុស្ស៊ី ជាមួយទួរគី បានវាយប្រហារជំរុំទ័ពរបស់ខ្លួននៅឯ Kafr Takharim ក្នុងខេត្ត Idlib ប្រមាណ ១០គីឡូម៉ែត្រ ពីព្រំដែនទូរគី នាំឲ្យមនុស្ស ២០នាក់ស្លាប់។ ប៉ុន្តែបើតាមព័ត៌មានពីអ្នកឃ្លាំមើលសិទ្ធិមនុស្សរបស់ចក្រភពអង់គ្លេស មានមូលដ្ឋាននៅស៊ីរី ចំនួនអ្នកស្លាប់ក្នុងការវាយប្រហារពីដែនអាកាស គឺមានដល់ ៣៤នាក់។

ចាប់តាំងពីមានការតវ៉ាប្រឆាំងប្រធានាធិបតី Bashar al-Assad និងការបះបោរមក សង្គ្រាមស៊ីរី បានអូសបន្លាយអស់រយៈពេលជាង ៩ឆ្នាំហើយ ដោយរដ្ឋភិបាលរបស់លោក Bashar al-Assad ដែលគាំទ្រដោយរុស្ស៊ី បានប្រើប្រាស់សព្វាវុធដែនអាកាស វាយបណ្តេញក្រុមបះបោរចូលទៅគៀកនិងព្រំដែនទួរគី មកទល់នឹងពេលនេះ៕

ប្រែសម្រួល៖ សុភា
ប្រភព៖ Reuters

ចុចអាន៖