ផ្ទុះជំងឺថ្មី “កូវីដក្លាយពូជ” ដែលឆ្លងខ្លាំងជាងកូវីដ១៩ទៅទៀត

មានការព្រួយបារម្ភជាអន្តរជាតិកាន់តែខ្លាំងឡើងចំពោះការវិវត្តថ្មីនៃវីរុសកូរ៉ូណានៅក្នុងចក្រភពអង់គ្លេសស្របពេលបច្ចុប្បន្នប្រទេសជាច្រើនបានដាក់បម្រាមលើការធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសជាង៤០បានរារាំងការមកដល់របស់ចក្រភពអង់គ្លេសខណៈដែលសហភាពអឺរ៉ុបបានធ្វើកិច្ចចរចាស្តីពីការបង្កើតគោលនយោបាយរួមមួយ។

ប្រទេសស៊ុយអែតបានហាមឃាត់ភ្ញៀវទេសចរបរទេសមកពីប្រទេសដាណឺម៉ាកបន្ទាប់ពីករណីនៃវីរុសថ្មីឬគេហៅថា “កូវីដក្លាយពូជ” ត្រូវបានរកឃើញនៅទីនោះ។

វីរុសថ្មីនេះគឺអាចឆ្លងខ្លាំងជាងជំងឺកូវីដ១៩ទៅទៀតប៉ុន្តែមិនទាន់មានភស្តុតាងណាមួយដែលបង្ហាញថា វាអាចសម្លាប់មនុស្សខ្លាំងជាងកូវីដនៅឡើយទេ។

ស្របពេលប្រទេសកាន់តែច្រើនបានដាក់ការរឹតបន្តឹងលើការធ្វើដំណើរជាមួយចក្រភពអង់គ្លេសនោះ អង្គការសុខភាពពិភពលោក (WHO) កំពុងគិតគូរអំពីហានិភ័យនេះ។

ប្រធានផ្នែកសង្គ្រោះបន្ទាន់របស់ WHO លោក Mike Ryan បាននិយាយថា មេរោគថ្មីនេះគឺជាផ្នែកធម្មតាមួយនៃការវិវត្តពីជំងឺរាតត្បាតកូវីដ១៩ហើយវាមិនអាចគ្រប់គ្រងបានទេដែលផ្ទុយពីការលើកឡើងរបស់រដ្ឋមន្រ្តីក្រសួងសុខាភិបាលអង់គ្លេសលោក Matt Hancock។

បញ្ហាផ្សេងទៀត អ្នកធ្វើដំណើរមកពីប្រទេសអាហ្វ្រិកខាងត្បូងក៏កំពុងប្រឈមមុខនឹងការរារាំងពីប្រទេសមួយចំនួនផងដែរបន្ទាប់ពីវីរុសថ្មីមួយផ្សេងទៀតត្រូវបានគេរកឃើញតែមិនទាក់ទងនឹងអ្វីដែលបានរកឃើញនៅក្នុងចក្រភពអង់គ្លេសនោះទេ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ អង់គ្លេស ប្រាប់កុំទាន់ឆោឡោបន្ទាប់ពីមនុស្ស២នាក់មានប្រតិកម្មធ្ងន់ធ្ងរក្រោយចាក់វ៉ាក់សាំងកូវីដ

ចុចអាន៖ ទោះមានវ៉ាក់សាំង តែប្រជាជនអង់គ្លេសត្រូវបន្តពាក់ម៉ាស់មួយឆ្នាំទៀត