កាំភ្លើងធំអាមេរិកបំបែកឯតទគ្គកម្មបាញ់ចំគោលដៅឥតខុសក្នុងចម្ងាយ៧០គីឡូម៉ែត្រ (មានវីដេអូ)

កាំភ្លើងធំដែលត្រូវបានសាកល្បងដោយយោធាអាមេរិកបានបាញ់គ្រាប់ផ្លោងទទួលបានជោគជ័យចំគោលដៅក្នុងចម្ងាយ៧០គីឡូម៉ែត្រ។

ដោយបំបែកឯតទគ្គកម្មសម្រាប់ការបាញ់គ្រាប់ផ្លោងចំគោលដៅជាក់លាក់ឆ្ងាយបំផុតក្នុងប្រវត្តិសាស្ត្រ, ប្រព័ន្ធកាំភ្លើងធំនេះត្រូវបានគេធ្វើតេស្តនៅទីលានបាញ់សាកល្បងក្នុងរដ្ឋ Arizona។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥឡូវ សព្វាវុធនេះអាចសម្រេចបានសម្រាប់រយៈចម្ងាយដែលគេកំណត់។ កាលពីខែមីនាឆ្នាំនេះ វាបានទទួលជោគជ័យក្នុងការបាញ់សាកល្បងលើរយៈចម្ងាយ៦៥គីឡូម៉ែត្រ។

កាំភ្លើងធំនេះត្រូវបានអភិវឌ្ឍន៍ក្នុងគោលបំណងដើម្បីកម្ទេចទីតាំងរបស់សត្រូវចេញពីចម្ងាយដែលមានសុវត្ថិភាព ពោលគឺនៅលើសពីរយៈចម្ងាយដែលសត្រូវអាចសងសឹកវិញបាន។

រយៈចម្ងាយនៃអាវុធនេះគឺស្មើនឹងចម្ងាយពីរូបសំណាកសេរីភាពនៅក្នុងទីក្រុង ញូវយ៉ក ទៅទីក្រុង New Brunswick ក្នុងរដ្ឋ ញូវជឺស៊ី។

កងទ័ពសហរដ្ឋអាមេរិកបាននិយាយថា កាំភ្លើងធំធុនធ្ងន់នេះនឹងត្រូវបានត្រៀមសម្រាប់ការដាក់ពង្រាយនៅសមរភូមិក្នុងឆ្នាំ២០២៣។

ឧត្តមសេនីយ៍ទោ John Rafferty មេបញ្ជាការនៃគម្រោងអភិវឌ្ឍន៍កាំភ្លើងធំរយៈចម្ងាយឆ្ងាយបាននិយាយប្រាប់កាសែត Times ថា “ខ្ញុំមិនគិតថា សត្រូវរបស់យើងមានសមត្ថភាពវាយប្រហារក្នុងចម្ងាយ៧០គីឡូម៉ែត្របានទេ”៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ រដ្ឋមួយរបស់អាមេរិកមានករណីឆ្លងកូវីដលើស ២ លានករណី

ចុចអាន៖ អាមេរិកសិក្សារកមូលហេតុបន្ទាប់ពីមនុស្ស៧នាក់អាឡ័កស៊ីក្រោយចាក់វ៉ាក់សាំងរបស់ Pfizer