កាន់តែធ្ងន់ធ្ងរ! អ្នកស្លាប់ដោយសារជំងឺកូវីដ ១៩ នៅអ៊ីរ៉ង់កើតឡើងរៀងរាល់ ៥ នាទីម្ដង – Kampuchea Thmey Daily
Connect with us

ព័ត៌មានអន្ដរជាតិ

កាន់តែធ្ងន់ធ្ងរ! អ្នកស្លាប់ដោយសារជំងឺកូវីដ ១៩ នៅអ៊ីរ៉ង់កើតឡើងរៀងរាល់ ៥ នាទីម្ដង

Published

on

ក្រុងតេអេរ៉ង់បានពង្រីកការរឹតត្បិតដើម្បីការពារការឆ្លងរីករាលនៃជំងឺកូវីដ ១៩ ក្នុងប្រទេសអ៊ីរ៉ង់ បន្ទាប់ពីប្រទេសនេះបានកត់ត្រាការស្លាប់ដោយសារវីរុសនេះរៀងរាល់ ៥ នាទីម្ដងក្នុងរយៈពេល ២៤ ម៉ោងចុងក្រោយ ។

អាជ្ញាធរសុខាភិបាលអ៊ីរ៉ង់បានទទូចដល់សាធារណជនកាលពីថ្ងៃចន្ទឲ្យគោរពការរឹតត្បិតនៃជំងឺកូវីដ ១៩ បន្ទាប់ពីប្រទេសអ៊ីរ៉ង់បានរាយការណ៍ពីការស្លាប់ថ្មីចំនួន ៣៣៧ នាក់ និងករណីឆ្លងថ្មីចំនួន ៥,៩៦០ នាក់ក្នុងរយៈពេល ២៤ ម៉ោងកន្លងមក ខណៈដែលគិតជាមធ្យមការស្លាប់ដោយសារវីរុសនេះគឺរៀងរាល់ ៥ នាទីម្តង ។

ទន្ទឹមនោះអនុរដ្ឋមន្រ្តីក្រសួងសុខាភិបាលលោក Iraj Harirchi បានព្រមានកាលពីសប្តាហ៍មុនថា ជំងឺរាតត្បាតនេះអាចបណ្តាលឲ្យមនុស្សស្លាប់ ៦០០ នាក់ក្នុងមួយថ្ងៃក្នុងរយៈពេលប៉ុន្មានសប្តាហ៍ខាងមុខនេះ ប្រសិនបើប្រជាជនអ៊ីរ៉ង់មិនអនុវត្តតាមពិធីសារដែលអាជ្ញាធរបានដាក់ឲ្យអនុវត្ត ។

ចាប់តាំងពីថ្ងៃទី ៣ ខែតុលា នៅពេលតួលេខ និងការស្លាប់បានកើនឡើងយ៉ាងខ្លាំង ទីក្រុងតេអេរ៉ង់បានបិទវិហារឥស្លាម សាលារៀន ហាង ភោជនីយដ្ឋាន និងស្ថាប័នសាធារណៈនានា ។

ឆ្លើយតបទៅនឹងស្ថានការណ៍ដែលកំពុងកើនឡើងទូរទស្សន៍រដ្ឋបានប្រកាសថា ការបិទនឹងត្រូវពន្យារដល់ថ្ងៃទី ២០ ខែវិច្ឆិកា ជាមួយនឹងវិធានការណ៍ និងដែនកំណត់ធ្ងន់ធ្ងរបន្ថែមទៀតដែលត្រូវបានកំណត់លើតំបន់ចំនួន ៤៣ ទូទាំងប្រទេសអ៊ីរ៉ង់ដែលអត្រាឆ្លងត្រូវបានគេមើលឃើញថាគួរឲ្យព្រួយបារម្ភ ។

អ៊ីរ៉ង់បានទទួលរងការវាយប្រហារខ្លាំងជាងប្រទេសដទៃទៀតពីជំងឺកូវីដ ១៩ នៅក្នុងតំបន់មជ្ឈឹមបូព៌ាដោយមានករណីឆ្លងចំនួន ៥៧៤,៨៥៦ ករណី និងមានមនុស្សស្លាប់ ៣២,៩៥៣ នាក់ចាប់តាំងពីការរាតត្បាតជាសកល ខណៈខេត្តចំនួន ២១ ក្នុងចំណោមខេត្តចំនួន ៣១ របស់ប្រទេសនេះបច្ចុប្បន្នកំពុងស្ថិតក្នុងការប្រកាសអាសន្នកម្រិតកំពូលដោយសារវីរុសនេះ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អង្គការសេវាកម្មសម្ងាត់មួយរបស់អ៊ីស្រាអែលយកវ៉ាក់សាំងប្រឆាំងជំងឺកូវីដ ១៩ របស់ចិនទៅសិក្សា

ចុចអាន ៖ មន្ត្រីសុខាភិបាលជប៉ុនណែនាំឲ្យប្រជាជនចាក់វ៉ាក់សាំងបង្ការជំងឺផ្តាសាយ

ចុច Like Facebook កម្ពុជាថ្មី

ព័ត៌មានជាតិ23 mins ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ44 mins ago

ក្មេងទំនើងមួយក្រុម​ ខឹង​ស៊ីផ្លេ​សុំផ្លូវ យក​ដុំថ្មគប់បែក​កញ្ចក់​ឡាន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ1 hour ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ2 hours ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ2 hours ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានពេញនិយម