វីរុសកូរ៉ូណាក្លាយពូជប្រភេទថ្មីរាលដាលទៅដល់ បារាំង ហើយ

ប្រទេសបារាំងបានបញ្ជាក់ពីករណីទីមួយនៃវីរុសកូរ៉ូណាក្លាយពូជឆ្លងសាហាវប្រភេទថ្មីបន្ទាប់ពីវីរុសនេះត្រូវបានកំណត់អត្តសញ្ញាណនៅក្នុងចក្រភពអង់គ្លេសនាពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបារាំងបាននិយាយថា អ្នកដែលឆ្លងគឺជាជនជាតិបារាំងម្នាក់នៅក្នុងទីក្រុង Tours ដែលបានធ្វើដំណើរមកពីទីក្រុងឡុងដ៍កាលពីថ្ងៃទី១៩ខែធ្នូ។

ក្រសួងបាននិយាយថា គាត់មិនបញ្ចេញរោគសញ្ញាទេហើយបច្ចុប្បន្នកំពុងធ្វើចត្តាឡីស័ក។

ការលេចចេញនូវវីរុសកូរ៉ូណាប្រភេទថ្មីនៅក្នុងប្រទេសអង់គ្លេសបង្កឲ្យមានវិធានការរារាំងការធ្វើដំណើរជាមួយប្រទេសជាច្រើន។

បារាំងបានបិទព្រំដែនរបស់ខ្លួនប៉ុន្តែបានបញ្ចប់ការហាមឃាត់កាលពីថ្ងៃពុធដោយអនុញ្ញាឲ្យអ្នកដំណើរត្រូវបង្ហាញលទ្ធផលតេស្តអវិជ្ជមានសិនមុនពេលចូលប្រទេស។

ក្រសួងសុខាភិបាលបាននិយាយថា ករណីនេះត្រូវបានបញ្ជាក់បន្ទាប់ពីបុរសម្នាក់នេះត្រូវបានធ្វើតេស្តនៅមន្ទីរពេទ្យកាលពីថ្ងៃទី២១ធ្នូ។

យោងតាមទិន្នន័យពីគម្រោង Nextstrain ដែលបានតាមដានហ្សែននៃមេរោគជុំវិញពិភពលោកបានឲ្យដឹងថា ករណីនៅប្រទេសដាណឺម៉ាកនិងអូស្ត្រាលីក៏មកពីចក្រភពអង់គ្លេសផងដែរ។ ប្រទេស ហូឡង់ ក៏បានរាយការណ៍អំពីករណីនេះដូចគ្នា៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ជប៉ុនរកឃើញអ្នកឆ្លងវីរុសកូរ៉ូណាក្លាយពូជប្រភេទថ្មី ៥ករណី

ចុចអាន៖ ប្រទេសអាស៊ីអាគ្នេយ៍មួយទៀតហាមឃាត់អ្នកធ្វើដំណើរមកពីអង់គ្លេស ពាក់ព័ន្ធកូវីដក្លាយពូជថ្មី