ចិនអនុម័តប្រើប្រាស់វ៉ាក់សាំងកូវីដក្រុមហ៊ុន Sinopharm និងផ្ដល់ជូនប្រជាជនដោយឥតគិតថ្លៃ

មន្រ្តីចិនបាននិយាយនៅថ្ងៃព្រហស្បតិ៍នេះថា វ៉ាក់សាំងកូវីដ ១៩ ដែលត្រូវបានបង្កើតឡើងដោយក្រុមឱសថជាតិចិន (Sinopharm) ត្រូវបានអនុម័តឲ្យប្រើប្រាស់នៅលើទីផ្សារ ហើយនឹងផ្តល់ជូនដោយឥតគិតថ្លៃដល់ប្រជាជនក្នុងកម្មវិធីចាក់វ៉ាក់សាំងជាតិ ។

ទន្ទឹមនោះវ៉ាក់សាំងដែលត្រូវបានបង្កើតឡើងដោយក្រុមហ៊ុនបុត្រសម្ព័ន្ធ Sinopharm ត្រូវបានផ្តល់ជូនដល់ក្រុមហានិភ័យខ្ពស់នៅក្នុងប្រទេសចិនរួចហើយក្រោមការអនុញ្ញាតឲ្យប្រើប្រាស់ជាបន្ទាន់ ។

យោងតាមការវិភាគបណ្តោះអាសន្នដែលប្រកាសដោយក្រុមហ៊ុនកាលពីថ្ងៃពុធបានឲ្យដឹងថា វ៉ាក់សាំងនេះបានបង្ហាញថាមានសុវត្ថិភាព និងមានប្រសិទ្ធភាពជិត ៨០ ភាគរយប្រឆាំងនឹងជំងឺកូវីដ ១៩ ក្នុងការសាកល្បងព្យាបាលដំណាក់កាលទី ៣ ។

វ៉ាក់សាំង Sinopharm គឺជាវ៉ាក់សាំងមួយក្នុងចំណោមបីដែលត្រូវបានអនុម័តសម្រាប់ការប្រើជាបន្ទាន់នៅក្នុងខែកក្កដា ខណៈមានមនុស្សជាង ១.៥ លាននាក់បានចាក់វ៉ាក់សាំងនេះ ។

បន្ថែមពីនេះក្រោយការចាក់វ៉ាក់សាំងនេះវាបង្ហាញរោគសញ្ញាគ្រុនក្តៅស្រាលកើតឡើងតិចជាង ០.១ ភាគរយ ហើយប្រតិកម្មអាឡ័កស៊ីធ្ងន់ធ្ងរកើតឡើងប្រហែល ២ ភាគរយក្នុងចំណោមមនុស្សមួយលាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

ចុចអាន ៖ ចិនចោទអាមេរិកថាបង្កហេតុក្រោយបើកនាវាចម្បាំងឆ្លងកាត់ច្រកសមុទ្រតៃវ៉ាន់

ចុចអាន ៖ ផ្ទុះកូវីដនៅហាងខារ៉ាអូខេក្រុងបាងកក បុគ្គលិក ២១ នាក់តេស្តវិជ្ជមាន