ថៃ នឹងទទួលបានវ៉ាក់សាំងកូវីដ២លានដូសនៅខែក្រោយ

ឧបនាយករដ្ឋមន្រ្តីនិងជារដ្ឋមន្រ្តីក្រសួងសុខភាពសាធារណៈលោក Anutin Charnvirakul បាននិយាយកាលពីម្សិលមិញថា គាត់ទទួលបានការផ្គត់ផ្គង់វ៉ាក់សាំងកូវីដយ៉ាងហោចណាស់២លានដូសនៅចន្លោះខែកុម្ភៈដល់ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គាត់និយាយថា កាលពីថ្ងៃពុធ លោកនាយករដ្ឋមន្រ្តីប្រាយុទ្ធចាន់អូចាបានណែនាំគាត់ឲ្យពិភាក្សាអំពីលទ្ធកម្មជាមួយផលិតករផ្សេងៗដើម្បីទទួលបានវ៉ាក់សាំងឲ្យបានឆាប់រហ័សដើម្បីជួយទប់ទល់នឹងការផ្ទុះឡើងនៃជំងឺកូវីដ១៩។

លោក Anutin បានសរសេរនៅលើគណនី Facebook របស់គាត់ថា “កិច្ចខិតខំនិងការចរចាជាមួយក្រុមហ៊ុនផលិតវ៉ាក់សាំងមានន័យថា នៅចន្លោះខែកុម្ភៈដល់ខែមេសាឆ្នាំ២០២១នេះ វ៉ាក់សាំងយ៉ាងតិច២លានដូសនឹងត្រូវបញ្ជូនមកកាន់ប្រទេសថៃ”។

លោកបានបន្ថែមថា លោកបានប្រាប់ព័ត៌មាននេះទៅលោក ប្រាយុទ្ធ រួចហើយ ហើយវ៉ាក់សាំងដំបូងនឹងត្រូវចែកជូនដល់ប្រជាជនដែលមានហានិភ័យ។

ទោះបីជាយ៉ាងណាក៏ដោយ​ គាត់មិនបានបញ្ចេញឈ្មោះវ៉ាក់សាំងដែលគាត់ទទួលបាននោះទេ។

មុននេះ រដ្ឋាភិបាលបានចុះកិច្ចព្រមព្រៀងជាមុនជាមួយក្រុមហ៊ុន AstraZeneca សម្រាប់វ៉ាក់សាំងចំនួន២៦លានដូសនិងសិទ្ធិផលិតវ៉ាក់សាំងកូវីដរបស់ខ្លួននៅក្នុងប្រទេសថៃប៉ុន្តែការផ្គត់ផ្គង់មិនត្រូវបានរំពឹងទុកមុនខែឧសភាទេ៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ផ្ទុះកូវីដនៅហាងខារ៉ាអូខេក្រុងបាងកក បុគ្គលិក ២១ នាក់តេស្តវិជ្ជមាន

ចុចអាន៖ ក្រោយផ្ទុះកូវីដខ្លាំង ថៃបញ្ជាទិញវ៉ាក់សាំងក្រុមហ៊ុន AstraZeneca