លោកយាយចំណាស់ជាងគេបំផុតនៅលើពិភពលោកចង់រស់នៅ ២ ឆ្នាំទៀត ក្រោយប្រារព្ធពិធីខួបកំណើត

យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថា លោកយាយ Kane Tanaka ជនជាតិជប៉ុនដែលត្រូវបានទទួលស្គាល់ដោយ Guinness World Records ជាមនុស្សមានអាយុចំណាស់ជាងគេនៅលើពិភពលោកបានឈានដល់វ័យ ១១៨ ឆ្នាំកាលពីថ្ងៃសៅរ៍ ។

សារព័ត៌មាន NHK បានរាយការណ៍ថា លោកយាយ Tanaka កើតនៅថ្ងៃទី ២ ខែមករា ឆ្នាំ ១៩០៣ បានធ្វើពិធីខួបកំណើតគម្រប់ ១១៨ ឆ្នាំរបស់លោកយាយនៅឯមណ្ឌលថែទាំមួយដែលលោកយាយរស់នៅក្នុងទីក្រុង Fukuoka ភាគនិរតីប្រទេសជប៉ុន ។

សេចក្តីរាយការណ៍បានកត់សម្គាល់ថា លោកយាយបានប្រារព្ធពិធីខួបកំណើតរបស់លោកយាយដោយទះដៃ និងនិយាយថា លោកយាយចង់រស់នៅរហូតដល់អាយុ ១២០ ឆ្នាំ ។

លោកយាយ Tanaka មានសុខភាពល្អ បរិភោគបីដងក្នុងមួយថ្ងៃ ហើយធ្វើលំហាត់ប្រាណជាទៀងទាត់ ក្រោយមិនសូវមានពេលវេលាជួបសាច់ញាតិរបស់លោកយាយ ដោយសារតែវិធានការរឹតត្បិតប្រឆាំងនឹងជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ វ៉ាក់សាំងកូវីដ Oxford/AstraZeneca ទៅដល់មន្ទីរពេទ្យចក្រភពអង់គ្លេស ត្រៀមចាក់ថ្ងៃស្អែក

ចុចអាន ៖ ចិនអះអាងពីទិន្នន័យប្រសិទ្ធភាពផ្សេងគ្នាសម្រាប់វ៉ាក់សាំងកូវីដរបស់ក្រុមហ៊ុន Sinopharm