Connect with us

ព័ត៌មានអន្ដរជាតិ

ប៉ូលិសចូលបង្ក្រាបសង្វៀនជល់មាន់ តែត្រូវមាន់ដាក់មួយខ្នាយ ស្លាប់

បានផុស

នៅ

មន្រ្តីប៉ូលិសហ្វីលីពីនម្នាក់បានហូរឈាមរហូតដល់ស្លាប់ បន្ទាប់ពីមាន់ជល់មួយក្បាលបានចាក់ចំភ្លៅ និងដាច់សរសៃខាងក្នុងរបស់គាត់ អំឡុងការវាយឆ្មក់លើព្រឹត្តិការណ៍ខុសច្បាប់មួយនេះនៅលើកោះ Northern Samar ។

លោកអនុសេនីយ៍ទោ Christian Bolok ត្រូវបានមាន់ចាក់ចំភ្លៅខាងឆ្វេងរបស់គាត់យ៉ាងធ្ងន់ធ្ងរ នៅពេលដែលគាត់ចាប់យកមាន់ជល់ដែលនៅតែមានខ្នាយជាប់នឹងជើងរបស់វា អំឡុងការវាយឆ្មក់កាលពីថ្ងៃចន្ទលើព្រឹត្តិការណ៍ខុសច្បាប់មួយនេះនៅទីក្រុង San Jose ។ ទោះបីជាគាត់ត្រូវបានគេបញ្ជូនទៅមន្ទីរពេទ្យនៅក្បែរនោះក៏ដោយក៏លោក Bolok ដែលមានតួនាទីជាមេប៉ូលិសក្រុងត្រូវបានគេប្រកាសថាបានស្លាប់នៅពេលមកដល់មន្ទីរពេទ្យដោយសារតែហូរឈាមខ្លាំងពេកពីមុខរបួសរបស់គាត់ ។

លោកវរសេនីយ៍ឯក Arnel Apud ស្នងការប៉ូលិសបានពណ៌នាពីឧប្បត្តិហេតុដ៏គួរឲ្យរន្ធត់នេះថាជា “ហេតុការណ៍អកុសល និងសំណាងអាក្រក់ដែលខ្ញុំមិនអាចពន្យល់បាន” ក្នុងសន្និសីទកាសែតនៅកោះ Northern Samar ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះបុរស ៣ នាក់ត្រូវបានចាប់ខ្លួននៅក្នុងព្រឹត្តិការណ៍នេះ ហើយប៉ូលិសបានរឹបអូសមាន់ជល់ចំនួន ៧ ក្បាលរួមទាំងខ្នាយ និងប្រាក់ ៥៥០ ប៉េសូហ្វីលីពីន (១១ ដុល្លារ) ខណៈអ្នកចូលរួម ៣ នាក់ផ្សេងទៀតបានរត់គេចខ្លួន ។

បក្សីកីឡា ឬកីឡាជល់មាន់គឺជាឧស្សាហកម្មដែលមានទឹកប្រាក់រាប់ពាន់លានដុល្លារ និងជាកីឡាពេញនិយមយ៉ាងខ្លាំងនៅក្នុងប្រទេសហ្វីលីពីន ។ បុរសៗតែងតែភ្នាល់លើលទ្ធផលនៃការប្រកួតមាន់ជល់ ខណៈមានសង្វៀនចំនួន ២,៥០០ កន្លែងនៅទូទាំងប្រទេស ហើយមានមាន់ប្រមាណ ៣០ លានក្បាលបានងាប់ជារៀងរាល់ឆ្នាំដែលធ្វើឲ្យក្រុមសិទ្ធិសត្វមានកំហឹងយ៉ាងខ្លាំង ។

ទោះជាយ៉ាងណាក៏ដោយកីឡានេះត្រូវបានហាមឃាត់ដោយសារតែរោគរាតត្បាតនៃជំងឺកូវីដ ១៩ រួមជាមួយសកម្មភាពកម្សាន្តជាច្រើនទៀតផងដែរនៅក្នុងប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ព្យុះទីហ្វុង Molave សម្លាប់មនុស្សយ៉ាងតិច ៩ នាក់នៅហ្វីលីពីន មុនពេលធ្វើដំណើរទៅប្រទេសវៀតណាម

ចុចអាន ៖ ព្យុះ Molave បង្ខំឲ្យប្រជាជនហ្វីលីពីនរាប់ពាន់នាក់ជម្លៀសខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤១ នាទីutes មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ២ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៤ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានជាតិ៤ ម៉ោង មុន

អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា

ក្រុងប៉ោយប៉ែត
សន្តិសុខសង្គម៥ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

Sokha Hotels

ព័ត៌មានពេញនិយម