ព័ត៌មានអន្ដរជាតិ
Trump ត្រូវហាមមិនឲ្យលេង Facebook និង Instagram ដោយគ្មានកំណត់ពេលបន្ទាប់ពីកុបកម្ម
លោក Donald Trump ត្រូវបានរារាំងមិនឲ្យប្រើប្រាស់ Facebook និង Instagram ដោយគ្មានកំណត់ពេល។ នេះបើយោងតាមការឲ្យដឹងពីលោក Mark Zuckerberg។
បន្ទាប់ពីការលុកលុយវិមាន Capitol ដ៏សាហាវដោយអ្នកគាំទ្រលោក Trump មានប្រដាប់អាវុធ, ប្រធានាធិបតីអាមេរិកផុតអាណត្តិរូបនេះត្រូវបានហាមឃាត់ជាផ្លូវការពីវេទិកាប្រព័ន្ធផ្សព្វផ្សាយសង្គមយ៉ាងហោចណាស់រយៈពេលពីរសប្តាហ៍។
លោក Zuckerberg ស្ថាបនិកនិងជានាយកប្រតិបត្តិក្រុមហ៊ុន Facebook ដែលជាម្ចាស់ Instagram បានប្រកាសពីការហាមឃាត់នេះនៅព្រឹកថ្ងៃសុក្រ។
លោកបានសរសេរនៅក្នុងបណ្តាញសង្គម Facebook ថា “ព្រឹត្តិការណ៍ដ៏គួរឲ្យភ្ញាក់ផ្អើលក្នុងរយៈពេល២៤ម៉ោងចុងក្រោយបានបង្ហាញយ៉ាងច្បាស់ថា លោកប្រធានាធិបតី Donald Trump មានចេតនាប្រើប្រាស់ពេលវេលាដែលនៅសល់ក្នុងតំណែងរបស់លោក ដើម្បីធ្វើឲ្យអន្តរាយដល់ការផ្លាស់ប្តូរអំណាចដោយសន្តិវិធីនិងស្របច្បាប់ ទៅឲ្យអ្នកស្នងតំណែងដែលបានជាប់ឆ្នោតគឺលោក Joe Biden”។
“យើងជឿជាក់ថា ហានិភ័យនៃការអនុញ្ញាតឲ្យលោកប្រធានាធិបតីបន្តប្រើប្រាស់សេវាកម្មរបស់យើងក្នុងអំឡុងពេលនេះ គឺពិតជាខ្ពស់ខ្លាំងណាស់”។
“ដូច្នេះ យើងកំពុងពង្រីកបម្រាមដែលយើងបានដាក់នៅលើគណនី Facebook និង Instagram របស់គាត់ដោយគ្មានពេលកំណត់ហើយយ៉ាងហោចណាស់ ពីរសប្តាហ៍ទៀតរហូតដល់ការផ្លាស់ប្តូរអំណាចដោយសន្តិវិធីត្រូវបានបញ្ចប់”។
រឿងនេះបានកើតឡើងបន្ទាប់ពី Twitter និយាយកាលពីថ្ងៃព្រហស្បតិ៍ថា ខ្លួនបានបិទគណនីរបស់លោកប្រធានាធិបតី Donald Trump រយៈពេល១២ម៉ោងជាបណ្តោះអាសន្នហើយបានព្រមានជាលើកដំបូងថា ខ្លួនអាចនឹងបិទជាអចិន្ត្រៃយ៍តែម្តង។
ក្រុមហ៊ុននិយាយថា ការបិទជាបណ្តោះអាសន្ននេះគឺឆ្លុះបញ្ចាំងពីការរំលោភបំពានលើច្បាប់របស់ Twitter ដោយលោក Trump។
គួរបញ្ជាក់ថា មនុស្សចំនួន៤នាក់ត្រូវបានសម្លាប់ក្នុងកុបកម្មនៅទីក្រុង វ៉ាស៊ីនតោន ឌីស៊ី ស្របពេលក្រុមបាតុកររាប់រយនាក់សម្រុកចូលទៅក្នុងអគារ Capitol ដែលជាសភាអាមេរិក៕
ប្រែសម្រួលដោយ៖ Vann Vann
ប្រភព៖ Daily Star
ចុចអាន៖ ប្រធានសភាអាមេរិក អំពាវនាវឲ្យដក Trump ចេញពីតំណែងភ្លាមៗ ដោយហៅលោកថាជា “មនុស្សគ្រោះថ្នាក់បំផុត”
តំណាងភាគីនិយោជក និងសហជីព ៖ ប្រាក់ឈ្នួលអប្បបរមាបូកបន្ថែម ប្រាក់អត្ថប្រយោជន៍ ធ្វើឱ្យកម្មករ-និយោជិតរស់នៅក្នុងបន្ទាត់ជីវភាពសមរម្យ
លោក ទៀ សីហា ណែនាំឱ្យរដ្ឋបាលខេត្តសៀមរាបរួមគ្នាបន្តថែរក្សាសន្តិភាពឱ្យបានល្អ ទប់ស្កាត់ភាពវឹកវរក្នុងសង្គម
លោក ម៉ៅ សុផាន់ ប្រាប់អាជ្ញាធរខេត្តព្រះវិហារឱ្យបម្រើប្រជាជន បើមានបញ្ហាត្រូវដោះស្រាយភ្លាម
រដ្ឋមន្ត្រីសំខាន់ៗរបស់រដ្ឋបាលលោក ដូណាល់ ត្រាំ នៅក្នុងអាណត្តិទី២
បញ្ជាប្រតិបត្តិសំខាន់ចំនួន១០ ដែលលោក ត្រាំ ចុះហត្ថលេខា នៅថ្ងៃដំបូងក្នុងនាមប្រធានាធិបតីអាមេរិកទី៤៧
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៥ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ