ព័ត៌មានអន្ដរជាតិ
ផលិតស្រោមអនាម័យនិងទឹករំអិលក្លែងក្លាយ ជនជាតិវៀតណាម៥នាក់ត្រូវជាប់ពន្ធនាគារពី៣ទៅ៨ឆ្នាំ
កាលពីថ្ងៃអង្គារ តុលាការក្រុងហូជីមិញបានផ្តន្ទាទោសមនុស្ស៥នាក់ ឲ្យជាប់ពន្ធនាគារពី៣ទៅ៨ឆ្នាំពីបទ ផលិតស្រោមអនាម័យនិងទឹករំអិលក្លែងក្លាយរាប់ពាន់ ដែលមានតម្លៃ៦.៧ពាន់លានដុង (២៩២,២២០ដុល្លារអាមេរិក)។
កាសែតច្បាប់ទីក្រុងហូជីមិញបានចុះផ្សាយថា លោក Truong Chi Thanh អាយុ៣០ឆ្នាំដែលគេស្គាល់ថាជាមេខ្លោង ត្រូវទទួលទោសជាប់ពន្ធនាគាររយៈពេល៨ឆ្នាំ ខណៈដៃគូអាជីវកម្មរបស់គាត់ឈ្មោះ Pham Thanh Truyen អាយុ៣១ឆ្នាំ ត្រូវជាប់ពន្ធនាគាររយៈពេល៧ឆ្នាំ។ អ្នកទាំងពីរត្រូវបានចោទប្រកាន់ពីបទ “ផលិតនិងឬជួញដូរទំនិញក្លែងក្លាយ”។
បក្ខពួក៣នាក់ទៀត ត្រូវបានផ្តន្ទាទោសដាក់ពន្ធនាគារម្នាក់ ៣ឆ្នាំ។
កាលពីខែកក្កដាឆ្នាំ២០១៨ លោក Thanh បានជួលផ្ទះមួយនៅសង្កាត់ទី១២ ដើម្បីស្តុកទុកស្រោមអនាម័យចិនដែលមិនមានស្លាកសញ្ញា។ ក្រោយមក គាត់បានលក់ផលិតផលនិងដាក់យីហោជា Durex, OK ឬ Sure។
លោក Thanh ដែលសារភាពចំពោះការចោទប្រកាន់ទាំងអស់ បានពង្រីកប្រតិបត្ដិការរបស់គាត់ ដោយជួលដៃគូស្រីម្នាក់ ឲ្យប្រាក់ខែ៤លានដុងនៅទីប្រជុំជន Thu Dau Mot នៃខេត្ត Binh Duong។
បន្ទាប់មក គាត់បានជួលបុរសពីរនាក់ផ្សេងទៀតឲ្យប្រាក់ខែ ៥លានដុងដើម្បីបើកដំណើរការទីតាំងផលិតស្រោមអនាម័យក្លែងក្លាយរៀងៗខ្លួន ក្នុងសង្កាត់ Thu Duc និង Go Vap។
គួរបញ្ជាក់ថា ពិរុទ្ធជនទាំងអស់ត្រូវបានចាប់ខ្លួនកាលពីខែមិថុនាឆ្នាំ២០១៩ បន្ទាប់ពីប៉ូលិសបានធ្វើការឆ្មក់ចូលទីតាំងជាច្រើនក្នុងទីក្រុង ហូជីមិញ៕
ប្រែសម្រួលដោយ៖ Vann Vann
ប្រភព៖ VN Express
ចុចអាន៖ វៀតណាមដាក់ទោស អ្នកបម្រើការលើយន្តហោះដែលធ្វើឲ្យជំងឺកូវីដឆ្លងរាលដាលដល់អ្នកដទៃ
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម២២ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សន្តិសុខសង្គម១ សប្តាហ៍ ago
អ្នកនាំពាក្យ៖ ករណីបាញ់សម្លាប់សា្វមីម្ចាស់ប្រេន Lakamo ជនដៃដល់បានធ្វើអត្តឃាតខ្លួនឯងតាមក្រោយ(មានវីដែអូ)
-
ព័ត៌មានអន្ដរជាតិ៦ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?