ថ្ងៃនេះ ថៃមានអ្នកស្លាប់ដោយសារកូវីដ ២ នាក់ និងឆ្លងថ្មី ២៧១ ករណី

រដ្ឋាភិបាលថៃនៅថ្ងៃព្រហស្បតិ៍នេះបានរាយការណ៍អំពីការស្លាប់ថ្មីចំនួន ២ នាក់ និងករណីឆ្លងថ្មីនៃជំងឺកូវីដ ១៩ ចំនួន ២៧១ ករណី ខណៈការឆ្លងក្នុងស្រុកមានចំនួន ២៥៩ និងករណីនាំចូលចំនួន ១២ ករណី ។

លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ បាននិយាយថា អ្នកស្លាប់ម្នាក់ក្នុងចំណោមបុរស ២ នាក់គឺបុរសជនជាតិអង់គ្លេសអាយុ ៧១ ឆ្នាំមកពីទីក្រុងឡុងដ៍មានជំងឺទឹកនោមផ្អែម ជំងឺក្រពេញទីរ៉ូអ៊ីត និងមហារីកសួត ។ ចំណែកអ្នកស្លាប់ម្នាក់ទៀតជាពលករថៃភេទប្រុសអាយុ ៥៣ ឆ្នាំមានជំងឺទឹកនោមផ្អែម ។

គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ សរុបចំនួន ១១,២៦២ ករណី ខណៈចំនួនអ្នកស្លាប់បានកើនឡើងដល់ ៦៩ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ សមាគមទេសចរណ៍ថៃស្នើរដ្ឋាភិបាលលើកលែងការធ្វើចត្តាឡីស័កដល់ភ្ញៀវទេសចរដែលបានចាក់វ៉ាក់សាំងកូវីដ

ចុចអាន ៖ បិទផ្សារមួយទៀតនៅថៃ ក្រោយទារកអាយុ ៣ ខែ និងអ្នកលក់តេស្តវិជ្ជមានកូវីដ