ព័ត៌មានអន្ដរជាតិ
ជនជាតិដើមភាគតិចនៅព្រៃអាម៉ាហ្សូនទទួលការចាក់វ៉ាក់សាំងកូវីដ
យោធាប្រេស៊ីលបានបញ្ជូនបុគ្គលិកពេទ្យ និងវ៉ាក់សាំងរបស់ចិនចំនួន ១,០០០ ដូសទៅក្នុងព្រៃអាម៉ាហ្សូនកាលពីថ្ងៃអង្គារដើម្បីចាប់ផ្តើមចាក់ថ្នាំបង្ការរោគដល់ជនជាតិដើមភាគតិចប្រឆាំងនឹងជំងឺកូវីដ ១៩ ។
លោកយាយ Isabel Ticuna វ័យ ៦៨ ឆ្នាំគឺជាមនុស្សដំបូងគេដែលបានទទួលវ៉ាក់សាំងនៅភូមិ Umariaçuដែលជាភូមិផ្ទះឈើនៅតាមមាត់ទន្លេអាម៉ាហ្សូន ។ ភូមិនេះគឺជាសហគមន៍ដាច់ស្រយាលមួយក្បែរព្រំដែនប្រទេសប៉េរូ និងកូឡុំប៊ី ។

លោកយាយបានប្រាប់ Reuters បន្ទាប់ពីទទួលបានការចាក់វ៉ាក់សាំង CoronaVac ដែលត្រូវបានបង្កើតឡើងដោយក្រុមហ៊ុន Sinovac Biotech របស់ប្រទេសចិនថា “ការចាក់ថ្នាំបង្ការមានសារៈសំខាន់ណាស់សម្រាប់សហគមន៍ជនជាតិដើមរបស់យើង ។ នេះជាអ្វីដែលយើងកំពុងរង់ចាំ” ។
ទន្ទឹមនោះអ្នកភូមិបានទះដៃអបអរសាទរនៅពេលដែលលោកយាយបានចាក់ថ្នាំបង្ការ ហើយវាបានបង្ហាញពីសញ្ញានៃការធូរស្បើយសម្រាប់សហគមន៍ដែលមានអ្នកស្រុកចំនួន ៣៧ នាក់បានស្លាប់ដោយសារជំងឺកូវីដ ១៩ និងមានអ្នកឆ្លងប្រហែលជា ២,០០០ នាក់ ។

ជនជាតិដើមភាគតិចជាង ៨០០,០០០ នាក់នៅក្នុងប្រទេសប្រេស៊ីលបានរងគ្រោះយ៉ាងធ្ងន់ធ្ងរដោយសារការរាតត្បាតនៃជំងឺកូវីដ ១៩ ពេញភូមិរបស់ពួកគេដែលភាគច្រើនមានទីតាំងស្ថិតនៅឆ្ងាយពីមន្ទីរពេទ្យ ហើយពួកគេត្រូវជិះទូកតាមដងទន្លេទើបដល់មន្ទីរពេទ្យ ។
បើយោងតាមអង្គការកុលសម្ព័ន្ធ APIB បានឲ្យដឹងថា ជំងឺកូវីដ ១៩ បានសម្លាប់ប្រជាជននៃជនជាតិដើមភាគតិចចំនួន ៩២៦ នាក់ និងបានឆ្លងដល់មនុស្សជាង ៤៦,០០០ នាក់នៅក្នុងប្រទេសប្រេស៊ីល ៕

ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ ខណៈប្រទេសត្រៀមចាក់វ៉ាក់សាំង ក្រុមហ៊ុនផលិតសឺរ៉ាំងប្រេស៊ីលឆ្លៀតឱកាសដំឡើងថ្លៃផលិតផលរបស់ខ្លួន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ