ព័ត៌មានអន្ដរជាតិ
ថៃ បញ្ចេញជំនួយខ្នាតទន់ជិត ១៣ពាន់លានដុល្លារ ជួយស្តារសេដ្ឋកិច្ចខេត្តទេសចរណ៍ភាគខាងត្បូង
រដ្ឋាភិបាលថៃ ចាប់ផ្តើមបញ្ចេញថវិកាជាតិទ្រង់ទ្រាយធំដល់ទៅជាង ៤សែនលានបាត ស្មើប្រមាណជិត ១៣ ០០០លានដុល្លារអាមេរិក ដើម្បីស្តារសេដ្ឋកិច្ចនៅខេត្តភាគខាងត្បូងរបស់ខ្លួនឡើងវិញ ក្នុងនោះផ្តោតទាំងការផ្តល់កម្ចីខ្នាតទន់សម្រាប់ក្រុមហ៊ុនអាកាសចរណ៍ រួមទាំងអាជីវកម្មទាំងឡាយណាពាក់ព័ន្ធវិស័យទេសចរណ៍ជាដើម។
ជាមួយនឹងការបញ្ចេញទឹកប្រាក់ជំនួយយ៉ាងច្រើនសន្ធឹកសន្ធាប់នេះ រដ្ឋមន្ត្រីហិរញ្ញវត្ថុថៃ លោក Arkhom Termpittayapaisith បាននិយាយកាលពីថ្ងៃអង្គារ៍ថា រដ្ឋាភិបាលបានស្នើទៅដល់បណ្តាក្រុមហ៊ុនអាកាសចរណ៍ទាំងអស់ កុំដំឡើងថ្លៃសំបុត្រធ្វើដំណើរ ដើម្បីជួយជំរុញជើងហោះហើរក្នុងស្រុកឡើងវិញ ជាថ្នូរនិងការផ្តល់កម្ចីខ្នាតទន់ទៅកាន់ពួកគេ។
ទោះជាយ៉ាងណា មុននេះប្រតិបត្តិករអាកាសចរណ៍ ធ្លាប់បានស្នើដល់រដ្ឋាភិបាលផ្តល់កម្ចីសម្រាប់ពួកគេប្រមាណ ២៤ពាន់លានបាត សម្រាប់ស្តារលទ្ធភាពសេដ្ឋកិច្ចខ្លួន ប៉ុន្តែសំណើនេះ មិនទាន់មានការឆ្លើយតបនៅឡើយ។
លោក Arkhom Termpittayapaisith បញ្ជាក់ថា ដំណាក់កាលនេះ រដ្ឋាភិបាលនឹងបញ្ចេញទឹកប្រាក់កម្ចីជាមួយការប្រាក់ទាបបំផុតសម្រាប់ស្តារលទ្ធភាពក្រុមហ៊ុននៅតំបន់ខេត្តភាគខាងត្បូងឡើងវិញ មានទាំងខេត្ត Phuket, Trang, Satun, Phangnga, Krabi និងខេត្ត Ranong ជាមួយទឹកប្រាក់គ្រោងបញ្ចេញ ៤០០ ០០០លានបាត ខណៈ ៥០០លានបាតផ្សេងទៀត បញ្ចេញជួលពលករទេសចរណ៍ ៨ពាន់នាក់នៅភូកេត និង ២០០លានបាតទៀត សម្រាប់ជួលពលករទេសចរណ៍ ២០០០-៣០០០នាក់ ក្នុងខេត្តផ្សេងទៀត។
ការប្រកាសបញ្ចេញកញ្ចប់ថវិកាជំនួយយ៉ាងច្រើននេះ ធ្វើឡើងក្រោយនាយករដ្ឋមន្ត្រីយោធាថៃ ប្រាយុទ្ធ ចាន់អូចា កាលពីថ្ងៃច័ន្ទ បានសន្យាថា នឹងពន្លឿនការស្តារវិស័យទេសចរណ៍សម្រាប់ខេត្តភាគខាងត្បូងឲ្យឆាប់បំផុត ផ្តោតសំខាន់លើខេត្តទេសចរណ៍ភូកេត និងកោះសាម៊ុយ៕
ប្រែសម្រួល៖ សុភា
ប្រភព៖ Bangkok Post
ចុចអាន៖ ស្តេច Vajiralongkorn ថ្លែងសារទៅកាន់ប្រជារាស្ត្រជាលើកដំបូង ក្រោយបាតុកម្មអូសបន្លាយរាប់ខែ
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?