មុនបិទបញ្ចប់យុទ្ធនាការបោះឆ្នោត តើលោក Trump និងលោក Biden ចេញឃោសនានៅរដ្ឋណាខ្លះ? – Kampuchea Thmey Daily
Connect with us

ព័ត៌មានអន្ដរជាតិ

មុនបិទបញ្ចប់យុទ្ធនាការបោះឆ្នោត តើលោក Trump និងលោក Biden ចេញឃោសនានៅរដ្ឋណាខ្លះ?

Published

on

ប្រធានាធិបតីអាមេរិក Donald Trump និងគូប្រជែងមកពីគណបក្សប្រជាធិបតេយ្យគឺលោក Joe Biden បានចំណាយពេលប៉ុន្មានម៉ោងចុងក្រោយនៃការបិទបញ្ចប់នៃយុទ្ធនាការឃោសនាដល់អ្នកបោះឆ្នោតនៃការប្រកួតប្រជែងតំណែងប្រធានាធិបតីនៅក្នុងរដ្ឋសំខាន់ៗ ។

លោក Biden បានធ្វើយុទ្ធនាការនៅរដ្ឋ Pennsylvania និងរដ្ឋ Ohio ខណៈលោក Trump បានធ្វើដំណើរទៅសមរភូមិបោះឆ្នោតនៅរដ្ឋ Wisconsin រដ្ឋ Michigan រដ្ឋ North Carolina និងរដ្ឋ Pennsylvania ។

ទន្ទឹមនោះងាកទៅមើលការស្ទង់មតិថ្នាក់ជាតិបានបង្ហាញថា លោក Biden បាននាំមុខនៅក្នុងការបោះឆ្នោតនៅថ្ងៃអង្គារនេះដោយទទួលបានសម្លេង ៥១ ភាគរយ ខណៈលោក Trump មានសម្លេង ៤៣ ភាគរយប៉ុណ្ណោះ ។ ប៉ុន្តែការនាំមុខរបស់គាត់គឺតិចតួចប៉ុណ្ណោះនៅក្នុងរដ្ឋមួយចំនួនតូចដែលអាចសម្រេចលទ្ធផលនៃជ័យជម្នះ ។

ដើម្បីជាប់ឆ្នោតជាប្រធានាធិបតី បេក្ខជនត្រូវទទួលបានសម្លេងគាំទ្រយ៉ាងហោចណាស់ចំនួន ២៧០ សម្លេងនៅក្នុងការបោះឆ្នោត Electoral College ឬអង្គអ្នកបោះឆ្នោតតំណាង ។ រដ្ឋអាមេរិកនីមួយៗទទួលបានចំនួនសម្លេងជាក់លាក់មួយផ្នែកអាស្រ័យលើប្រជាជនរបស់ខ្លួន ហើយមានចំនួនសរុប ៥៣៨ សម្លេងសម្រាប់ជ័យជម្នះ ។

ប្រព័ន្ធនេះពន្យល់ពីមូលហេតុដែលបេក្ខជនអាចទទួលបានសម្លេងគាំទ្រច្រើនបំផុតទូទាំងប្រទេសដូចដែលលោកស្រី Hillary Clinton បានធ្វើកាលពីឆ្នាំ ២០១៦ ប៉ុន្តែនៅតែចាញ់ការបោះឆ្នោត ។

គួរបញ្ជាក់ថា ការបោះឆ្នោតនៅថ្ងៃអង្គារកើតឡើងចំពេលដែលមានការរីករាលដាលនៃជំងឺកូវីដ ១៩ ខណៈសហរដ្ឋអាមេរិកបានកត់ត្រាករណីឆ្លង និងការស្លាប់ច្រើនជាងប្រទេសដទៃទៀតនៅលើពិភពលោកដោយរាយការណ៍ថាមានអ្នកឆ្លងថ្មីជាង ៨១,០០០ នាក់គិតត្រឹមតែក្នុងមួយថ្ងៃអាទិត្យ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ មិនទាន់ដល់ថ្ងៃផង ជនជាតិអាមេរិកជាង៩០លាននាក់បោះឆ្នោតរួចទៅហើយ

ចុចអាន ៖ សហរដ្ឋអាមេរិក៖ ប្រសិនបើអ្នកទោសរបស់អ្នកមិនអាចបោះឆ្នោតបាន អ្នកមិនអាចបង្រៀនពិភពលោកអំពីលទ្ធិប្រជាធិបតេយ្យបានទេ

ចុច Like Facebook កម្ពុជាថ្មី

ជីវិតកម្សាន្ដ57 mins ago

តោះ​ចូលរួម​ទាំងអស់គ្នា ! ហ៊ុយ យ៉ា​ឡេង បំផុស​យុទ្ធនាការ​ម្នាក់​១​ដុល្លារ​ជួយ​សម្រួល​ទុក្ខលំបាក​តាៗ​ស៊ីក្លូ​ជាង​៣០០​នាក់​

ព័ត៌មានជាតិ1 hour ago

លោក​ឧ​ត្តម​សេនីយ៍​ចុះសួរសុខទុក្ខ មេ​អាវុធហត្ថ​ខណ្ឌ​ដង្កោ​ដែលមាន​ជំងឺ​ធ្ងន់ធ្ងរ

ព័ត៌មានជាតិ2 hours ago

សំណុំរឿង​បាញ់​ឲ្យ​ស្លាប់​ប្រពន្ធ​របួស​កូន តុលាការ​ផ្ដន្ទាទោស​១២​ឆ្នាំ

ព័ត៌មានជាតិ2 hours ago

តោះ​ចូលរួម​ទាំងអស់គ្នា ! ហ៊ុយ យ៉ា​ឡេង បំផុស​យុទ្ធនាការ​ម្នាក់​១​ដុល្លារ​ជួយ​សម្រួល​ទុក្ខលំបាក​តាៗ​ស៊ីក្លូ​ជាង​៣០០​នាក់​

ព័ត៌មានជាតិ3 hours ago

ការបង្ក​សម្លេង​រំខាន ទោះបី​មិន​សម្លាប់​ជីវិត​មនុស្ស​ក៏ដោយ តែ​បង្ក​ផលប៉ះពាល់​ដល់​អ្នកដទៃ ជាពិសេស​អ្នកជំងឺ​តាម​មន្ទីរពេទ្យ​

ព័ត៌មានពេញនិយម