ភាពតានតឹងកំពុងកើនឡើងខ្លាំងនៅរដ្ឋ Nevada ដែលកំណត់ការចាញ់ឈ្នះ

រដ្ឋ Nevada ដែលអាចជារដ្ឋកំណត់ការចាញ់ឈ្នះរវាងលោក Trump និងលោក Biden ពេលនេះកំពុងតែស្ថិតក្នុងភាពតានតឹងខ្លាំងសម្រាប់ក្រុមអ្នកគាំទ្រ និងក្រុមអ្នកតវ៉ា ខណៈរដ្ឋមួយនេះមានសម្លេងគាំទ្រភាគច្រើនលើគណបក្សប្រជាធិបតេយ្យរបស់លោក Joe Biden ដែលត្រូវការតែតំណាងចំនួន ៦ ទៀតប៉ុណ្ណោះ ។

នៅឯសន្និសីទសារព័ត៌មានមួយនៅទីក្រុង Clark County ដែលជាទីក្រុងធំបំផុតនៃរដ្ឋ Las Vegas អ្នកតវ៉ាបានលោតពីមុខកាមេរ៉ាដោយស្រែកថា “ក្រុមគ្រួសារឧក្រិដ្ឋកម្ម Biden កំពុងលួចការបោះឆ្នោតនេះ ។ បណ្តាញសារព័ត៌មានកំពុងផ្សព្វផ្សាយពីវា!” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះមន្រ្តីរដ្ឋបាននិយាយថា មិនមានលទ្ធផលទៀតទេនៅថ្ងៃពុធ ប៉ុន្តែការរាប់សន្លឹកឆ្នោតនឹងត្រូវប្រកាសនៅយប់ថ្ងៃព្រហស្បតិ៍ ។

គួរបញ្ជាក់ថា ប៉ុន្មានឆ្នាំចុងក្រោយនេះប្រជាជនរដ្ឋ Nevada បានបោះឆ្នោតគាំទ្រគណបក្សប្រជាធិបតេយ្យ ប៉ុន្តែក៏បានគាំទ្រដល់គណបក្សសាធារណរដ្ឋរបស់លោក George W Bush កាលពីឆ្នាំ ២០០០ និងឆ្នាំ ២០០៤ ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ លោក Joe Biden និយាយថា លោកបានឈ្នះសម្លេងឆ្នោតច្រើនជាងបេក្ខជនណាៗទាំងអស់

ចុចអាន ៖ លោក Trump​ ដាក់ពាក្យបណ្តឹងមួយទៀតឲ្យបញ្ឈប់ការរាប់សន្លឹកឆ្នោតនៅរដ្ឋ Georgia