សុខភាព

ឳពុកម្តាយជាច្រើនបំពុលអនាគតកូនដោយការបញ្ច្រកថ្នាំ

បានផុស

៤ years មុន

នៅ

ថ្ងៃអង្គារ ៨ ធ្នូ ២០២០

ដោយ

Sonya

នៅស្រុកខ្មែរយើង ជាពិសេសតំបន់ជនបទ រាល់ពេលកូនឈឺតិចតួច ក៏ស្រូតទៅរកថ្នាំលក់តាមកញ្ច្រែងចាប់ហួយមកបញ្ច្រកកូនតូចៗ ធ្វើពេទ្យខ្លួនឯង ដែលជាទង្វើមួយនាំមកនូវផលវិបាកដ៏ធំទៅអនាគតវែងឆ្ងាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជាច្រើន ខូចថ្លើម ក្រិនសេរីរាង្គផ្នែកក្នុង ខូចក្រលៀន តម្រង់នោមដោយសារឪពុកម្តាយ ឬពេទ្យតាមភូមិប្រើថ្នាំំខ្លាំងៗ ដែលមានឥទ្ធិពលអាក្រក់ក្នុងរយៈពេលវែងឆ្ងាយ មកដាក់ព្យាបាលគ្រាន់តែជំងឺបន្ទាប់បន្សំតូចតាចមួយ។

តើគ្រុនផ្តាសាយ ហូរសម្បោរ ចំាបាច់ប្រើថ្នាំផ្សះដែរ? Amoxicillin (អាម៉ុក) ពេញនិយមកម្រិតណានៅជនបទប្រទេសកម្ពុជា?

តាមពិត ជាតិវីតាមីន C នៅរាល់ពេលព្រឹកព្រលឹម ពិតជាអាចជួយបាន យ៉ាងមានប្រសិទ្ធិភាពក្នុងកិច្ចការពារផ្តសាយរដូវនេះឬអាចព្យាបាលបានផងប្រសិនប្រើត្រឹមត្រូវ។

ប៉ុន្តែឪពុកម្តាយណាខ្លះដែលដឹងថា ជាតិវីតាមីនសេ VITAMIN C មាននៅក្នុងផ្លែក្រូចឆា្ម ឬក្រូចនានា ឬអ្វីទៀត ?

ហើយប្រើពេលណាមានប្រសិទ្ធិភាព?

តើអជ្ញាធរ បណ្តាញផ្សព្វផ្សាយខ្មែរ បានធ្វើអ្វីខ្លះហើយ ក្នុងការបង្ហាញកង្វល់អំពីវិបត្តិនេះ?

តើកុមារតូចៗប៉ុន្មានលាននាក់ ដែលទៅអនគាតពួកគេនឹងប្រទះបញ្ហាធំៗ ដោយសារកាលពីក្មេងត្រូវបានបំពុលដោយសារឱសថ?

នេះមិនទាន់គិតទៅដល់ការចាក់ថ្នាំ ងាកចាក់ ងាកចាក់ សូម្បីតែគ្រុន ក៏ចាក់ថ្នាំ?

អ្នកណាអើពើ?

ឪពុកម្តាយអណាព្យាបាលទំាងឡាយអើយ! ការសួរសំណួរអំពីប្រើប្រាស់ថ្នាំគឺសំខាន់ខ្លាំងណាស់ ដើម្បីជួយឱ្យកូនៗមានសុវត្ថិភាព ។ យើងមានសិទ្ធិដេញដោល សួរឱសថការីឬវេជ្ជបណ្ឌិតអំពីថ្នាំដែលពួកគេឱ្យមកប្រើ ហើយកាត់បន្ថយពេលតាមដានរឿងហឹង្សាជេរប្រទេចគ្នា លើបណ្តាញសង្គម មកសិក្សាជានិច្ចអំពីផលប៉ះពាល់ដោយថ្នាំ ហើយសិក្សាជានិច្ច អំពីគ្រាប់ថ្នាំនានា ដែលយើងឧស្សាហ៍ប្រើក្នុងការរស់នៅប្រចាំំថ្ងៃវិញ៕

អត្ថបទ៖ ចម្រើន តារា

ចុចអាន៖ កុំឃើញក្រូចឆ្មារពណ៌លឿងស្មានគ្មានវីតាមីនស្មើពណ៌បៃតង អានហើយអាចភ្ញាក់ផ្អើល

ចុចអាន៖ ពេលសុខភាពខ្សោយ ត្រូវស្វែងរកសិនថា មានជម្រើសព្យាបាលណាក្រៅពីថ្នាំទេ?