សុខភាព
គួរយល់ដឹង អំពីមធ្យោបាយនៃការពន្យាកំណើត!
ការពន្យារកំណើត គឺជាការកំណត់ចំនួនកូនក្នុងគ្រួសារ និងពន្យារពេលពីកំណើតកូនមួយ ទៅកំណើតកូនមួយទៀត។ ការពន្យារកំណើតមានវិធីច្រើនយ៉ាង ដែលយើងអាចជ្រើសរើសមកប្រើប្រាស់សម្រាប់អ្នក ដែលមានបំណងមិនទាន់ចង់បានបុត្រដូចជា៖
១) ការប្រើប្រាស់ថ្នាំគ្រាប់
– ជាវិធីដែលមានប្រសិទ្ធភាពខ្ពស់ ក្នុងការពន្យារកំណើត
– អាចជួយឲ្យរដូវមកទៀងទាត់សម្រាប់ថ្នាំOestro progestative
– ត្រូវញ៉ាំរាល់ថ្ងៃឲ្យទៀងទាត់ម៉ោងសម្រាប់ថ្នាំ Progestative ឬញ៉ាំ២១ថ្ងៃ ហើយសម្រាក៧ថ្ងៃសម្រាប់ថ្នាំ Oestro-progestative។
២) ការដាក់កងស្បូន
– មានប្រសិទ្ធភាពរហូតដល់១០ឆ្នាំ
– មានភាពងាយស្រួល ដោយមិនតម្រូវឲ្យញ៉ាំថ្នាំរាល់ថ្ងៃ
៣) ការដាក់កងក្នុងដៃ
– កងដាក់នៅដើមដៃ មានប្រសិទ្ធភាពខ្ពស់ដូចគ្នា
– មានប្រសិទ្ធភាព៣ឆ្នាំ
៤) ការពន្យារកំណើតជាអចិន្ត្រៃយ៍
– ការចងដៃស្បូនសម្រាប់មនុស្សស្រី
– ការចងបំពង់ទឹកកាមរបស់បុរស Vasectomy
៥) ការពន្យារកំណើតដោយមធ្យោបាយផ្សេងៗដូច
– ការប្រើបន្ទះអរ័ម៉ូនបិទ ១សប្តាហ៍ម្តង រយៈពេល៣សប្តាហ៍ក្នុងមួយខែ
– ការប្រើកងនៅទ្វារមាសរយៈពេល៣សប្តាហ៍ក្នុង១ខែ
– ការប្រើថ្នាំនៅក្នុងទ្វារមាសស្ត្រីសម្រាប់សម្លាប់មេជីវិតបុរស Spermicide
– ការចាក់ថ្នាំអរ័ម៉ូនការពាររៀងរាល់៣ខែម្តង
– លេបថ្នាំអរ័ម៉ូនពន្យារកំណើតបន្ទាន់ ប្រើក្នុងរយៈពេល ៧២ម៉ោងក្រោយពីការរួមភេទដោយមិនមានការការពារ។
“ដើម្បីទទួលបានមធ្យោបាយសមស្របមួយសម្រាប់ការពន្យារកំណើត សូមស្ត្រីទាំងឡាយ រួមបញ្ចូលទាំងមាតា ដែលទើបសម្រាលបុត្រគួរអញ្ជើញមកទទួលការពិនិត្យ និងប្រឹក្សាជាមួយគ្រូពេទ្យជំនាញ។ គ្រូពេទ្យជំនាញនៃមន្ទីរពេទ្យកាល់ម៉ែតស្វាគមន៍ជានិច្ច នឹងផ្តល់ការប្រឹក្សានូវជម្រើសដ៏សមស្របសម្រាប់ស្ត្រីទាំងឡាយ ក្នុងការទទួលយកសេវាពន្យារកំណើត៕
អត្ថបទ៖ រស្មី
សូមចុចអាន៖ ការបង្ករោគពីធ្មេញអាចនាំឲ្យមានគ្រោះថ្នាក់ដល់ជីវិត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង