សុខភាព

ព្យាបាលជំងឺបូសនៃសរីរាង្គក្នុងពោះ និងអាងត្រគាក តាមបែបអន្តរាគមន៍វិទ្យុសាស្ត្រ!

បានផុស

៤ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

ជំងឺបូស ឬការកកើតចេញជាខ្ទុះ នៃសរីរាង្គក្នុងពោះ និងអាងត្រគាក (Deep abdominopelvic abscess) គឺជាផលវិបាកពីការរីករាលដាលនៃ មេរោគនៅលើសរីរាង្គណាមួយដូចជាថ្លើម តម្រងនោម លំពែង ពោះវៀនធំ សាច់ដុំតាមបណ្តោយឆ្អឹងខ្នង ប្រូស្តាតជាដើម។ ជួនកាល វាជាផលវិបាកជាយថាហេតុនៃការវះកាត់ផ្សេងៗក្នុងពោះដូចជា ការវះកាត់ខ្នែងពោះវៀន ការវះកាត់ថង់ប្រមាត់ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីបូសមានទំហំធំ ចាប់ពី៣-៥សង់ទីម៉ែត្រ ការព្យាបាលដោយប្រើប្រាស់តែឧសថអង់ទីប៊ីយ៉ូទិច ពុំមានប្រសិទ្ធិភាពគ្រប់គ្រាន់ឡើយ។ វិធីសាស្ត្រព្យាបាលដ៏សមស្របសម្រាប់ជំងឺខាងលើ គឺជា ការចោះបង្ហូរខ្ទុះចេញមកក្រៅដោយ គឺដោយមានជំនួយពីរូបភាពវេជ្ជសាស្ត្រដូចជា អេកូសាស្ត្រ ឬស្កាន់នែរជាដើម (Percutaneous Abscess Drainage under ultrasound or CT scan guidance) ។ អត្ថប្រយោជន៍របស់វារួមមាន ការយកសំណាកខ្ទុះទៅបណ្តុះរកមេរោគ និងរកប្រភេទឱសថអង់ទីប៊ីយ៉ូទិច ដែលមានប្រសិទ្ធភាព (pus culture and antibiogram) មិនចាំបាច់វះកាត់បើកពោះ ហានិភ័យទាប ការធូរស្បើយឆាប់រហ័ស ការសម្រាកពេទ្យខ្លី។

“ដើម្បីស្វែងរកមូលហេតុ និងដំណោះស្រាយ ព្រមទាំងឈានទៅរកការព្យាបាល ដែលត្រឹមត្រូវ និងសមស្របលើបញ្ហាពាក់ព័ន្ធនឹងជំងឺនេះ សូមលោកអ្នកអញ្ជើញមកពិគ្រោះពិភាក្សា ជាមួយគ្រូពេទ្យជំនាញអន្តរាគមន៏ផ្នែករូបភាពវេជ្ជសាស្ត្រ (interventional radiologists) នៅមន្ទីរពេទ្យកាល់ម៉ែត ដែលមានបទពិសោធន៍ខ្ពស់ ក្នុងការចោះបង្ហូរខ្ទុះចេញមកក្រៅដោយសុវត្ថិភាព និង ប្រសិទ្ធភាពខ្ពស់បំផុត”៕