សុខភាព
បែកទឹកភ្លោះ តែមិនឈឺពោះ គួរវះកាត់សម្រាល ឬដាក់ថ្នាំឲ្យឈឺពោះ?
ដំណើរការនៃការសម្រាល គឺឈឺពោះសម្រាល បន្ទាប់មកក៏បែកទឹកភ្លោះ ឬបែកទឹកភ្លោះមុនបន្តិច ក៏ចាប់ផ្ដើមឈឺពោះតាមក្រោយ ប៉ុន្តែបច្ចុប្បន្នមានស្រ្តីជាច្រើនបែកទឹកភ្លោះយូរហើយ នៅតែមិនឈឺពោះសោះ។ ដូចនេះតើគួរតែប្រើថ្នាំឲ្យឈឺពោះ ឬក៏សម្រាលតាមវិធីវះកាត់?
វេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត នឹងពន្យល់ពីដំណើរការទឹកភ្លោះនេះ។ ទឹកភ្លោះ ជាវដ្តជីវិតរបស់កូន វាកើតឡើងពីទឹករងៃ និងឈាមរបស់ម្តាយដែលជ្រាបចូលតាមរយៈសុក តាំងពីសប្តាហ៍ដំបូងនៃការមានគភ៌។ ការបែកទឹកភ្លោះរបស់ស្ត្រីពពោះនៅត្រីមាសទី១ និងទី២ មិនអាចជួយបានទេ ដោយសារជំងឺផ្សេងៗ ឬកត្តាជាច្រើនទៀត។ តែសម្រាប់ស្ត្រីគ្រប់ខែវិញទឹកភ្លោះនឹងស្រកទៅវិញខ្លះ ព្រោះពេលគ្រប់ ឬលើសខែនោះ ទឹកភ្លោះលែងបង្កើតមកទៀតហើយ។
ចំណែកបញ្ហាបែកទឹកភ្លោះ មិនឈឺពោះអាចមកពីបញ្ហាណាមួយ ដូចនេះបើទឹកភ្លោះបែកហើយមានជម្រើស ២ គឺកើតធម្មជាតិ ឬក៏វះកាត់តាមករណីជាក់ស្ដែង ដោយរង់ចាំមើលឲ្យឈឺពោះ កូនវិលចូលអាងត្រគាក បើកស្បូនបើក ពេទ្យនឹងឲ្យកើតតាមធម្មជាតិ។ ប៉ុន្តែបើបែកទឹកភ្លោះយូរកូនមិនបង្វិលក្បាល ក្បាលធំពេក កូនទន្ទឹងពោះ ស្ងួតទឹកភ្លោះអស់ ហើយមើលទៅពិបាក ឬគ្រោះថ្នាក់ក្នុងពេលសម្រាលធម្មជាតិ ទាំងម្ដាយ ទាំងកូន ជម្រើសវះកាត់ល្អបំផុត។ មួយវិញទៀតបើបែកទឹកភ្លោះ និងឈឺពោះតែឈឺខ្លាំង ស្បូនមិនបើក ក៏ពេទ្យមិនឲ្យសម្រាលតាមធម្មជាតិដែរ ព្រោះនៅពេលឈឺពោះកាន់តែខ្លាំង ស្បូននឹងចុះខ្សោយដោយសារការច្របាច់ ដែលនេះមានគ្រោះថ្នាក់ចំពោះម្ដាយ និងកូន។

សាស្ត្រាចារ្យវេជ្ជបណ្ឌិតរូបនោះ បានបញ្ជាក់ទៀតថា ការសម្រេចចិត្តឲ្យស្ត្រីសម្រាលដោយវិធីណាមួយទាមទារឲ្យគ្រូពេទ្យយកចិត្តទុកដាក់ ទាំងដំណើរការបែកទឹកភ្លោះ ស្បូន ចង្វាក់បេះដូងកូន និងសុខភាពម្ដាយ។ លោកបន្ថែមទៀត ការបែកទឹកភ្លោះរយៈពេលយូរ ឬឆាប់ មិនអាចកំណត់ឲ្យគ្រូពេទ្យសម្រេចប្រើវិធីសាស្ត្រណាមួយភ្លាមៗឡើយ។
ជារួមទាំងថ្នាំដាក់ឲ្យឈឺពោះ និងវិធីវះកាត់ គ្រូពេទ្យត្រូវវិភាគ និងពន្យល់ទៅកាន់សាមីខ្លួន និងក្រុមគ្រួសារ ហើយគ្រូពេទ្យតែងតែលើកទឹកចិត្តឲ្យស្ត្រីសម្រាលកូនតាមធម្មជាតិតាមដែលអាចធ្វើទៅបាន ករណីមើលឃើញថាគ្រោះថ្នាក់ ទើបបង្វែរមកវិធីវះកាត់វិញ ៕
អត្ថបទផ្ដល់សិទ្ធិដោយ៖ Hellokrupet
ចុចអាន៖អ្វីទៅជាដុំទីម៉ូម (Thymome)!
ចុចអាន៖ឧស្សាហ៍រងាខុសធម្មតា គួរតែមើលពីមូលហេតុនិងវិធីទប់ស្កាត់ទាំងនេះ

-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានជាតិ១ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍១ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ