KPT+

ប្រធានក្រុម Sam Media ” ទោះមានផលលំបាក ក្រុមរបស់យើងមិនដែលមានគំនិតបោះបង់ចោលឡើយ “

បានផុស

៤ years មុន

នៅ

ថ្ងៃពុធ ១១ វិច្ឆិកា ២០២០

ដោយ

ថ្លែងក្នុងបទសម្ភាសន៍ជាមួយគេហទំព័រកម្ពុជាថ្មី លោក Zero បាននិយាយថា លោកបានបង្កើតក្រុមនេះ ដំបូងនៅថ្ងៃទី ១៥ ខែ វិច្ឆិកាឆ្នាំ ២០១៩ ដោយមានសមាជិកសុទ្ធតែស្ម័គ្រចិត្តទាំងអស់។

ចំណែកកត្តាដែលនាំឲ្យលោកបង្កើតក្រុមនេះឡើងមក ក៏ដោយសារតែបច្ចុប្បន្ននេះជាសម័យទំនើបអាចរកលុយបានតាមប្រព័ន្ធអ៊ីនធឺណិត។ ដូច្នេះទើបលោកចាប់ផ្ដើមមានគំនិតបង្កើតវីដេអូនេះ ណាមួយក៏ពាក់ព័ន្ធជាមួយនឹងសង្គមសព្វថ្ងៃនេះច្រើនដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មកទល់បច្ចុប្បន្ននេះ ក្រុមរបស់លោកបានផលិតវីដេអូចំនួន ៩២ ទាំងលើផេកនិងយូធូបឆានេល។ ចំណែកវីដេអូដែលទទួលបានការចាប់អារម្មណ៍ជាងគេ គឺរឿង ” សុភមង្គលនៅឯណា? “ វីដេអូមួយនោះបានលើកឡើងពីជីវិតគ្រួសារ ដែលមានប្រពន្ធតែងគិតថាប្ដីចេញទៅមានស្រីនៅខាងក្រៅ ឬការមិនទុកចិត្តគ្នាជាដើម។

ក្នុងពេលដែលវីដេអូទទួលបានការគាំទ្រច្រើន ទន្ទឹមនឹងនោះក៏មានការរិះគន់ច្រើនដូចគ្នាដែរ ។ លោកបន្ថែមថា ដោយសារក្នុងវីដេអូយើងភាគច្រើនគឺសំដែងលើស ដោយមិនមានក្នុងជីវភាពសព្វថ្ងៃនេះ។ ប៉ុន្តែការពិតទៅអ្វីដែលយើងកត់សំគាល់ សង្គមយើងគឺពិតជាមានរឿងបែបនេះពិតមែន ទើបមានវីដេអូបែបនេះកើតឡើងដែរ។

ដូចគ្នានេះដែរ មនុស្សគឺមានទស្សនៈផ្សេងគ្នា ហើយការយល់ឃើញនៅពេលទស្សនាក៏ខុសគ្នាៗដែរ ហើយក្រុមរបស់យើងក៏ចង់បង្ហាញពីអ្វីដែលមនុស្សគ្រប់គ្នាតែងមើលរំលងជានិច្ច។ យើងក៏បានយកមតិរិះគន់នោះមកពិភាក្សាគ្នាថា តើការរិះគន់នោះពិតជាត្រឹមត្រូវដូចមហាជនថាពិតមែនទេ ឬមានវិធីកែលំអរបៀបម៉េច។

រឿងដែលពិបាកជាងគេសម្រាប់ក្រុមទាំងមូលគឺ ទីតាំងនិងការរំខានពីមជ្ឈដ្ឋានជុំវិញខ្លួន ដែលជាបញ្ហាធំចម្បងក្នុងការផលិតវីដេអូ។ ចំណែកឃ្លិបវីដេអូមួយគឺត្រូវចំណាយពេល ២ ថ្ងៃ រហូតដល់ ១ អាទិត្យ ទើបអាចបង្ហោះផេកនិងឆានេលយូធូបបាន។

លោក zero បាននិយាយទាំងទឹកមុខសប្បាយចិត្តថា មកដល់សព្វថ្ងៃនេះ ឆានេលយូធូបទទួលបានអ្នកចូលចិត្តចំនួន ៨០Kហ្វេសបុក ៥០០K ចំណែកថ្ងៃអនាគតក្រុមរបស់លោក Zero មានបំណងយកប៉ូតុងពីយូធូបដែរ ប៉ុន្តែឥលូវនេះសំខាន់ក្រុមទាំងមូលកំពុងតែផ្ដោតលើហ្វេសបុកជាមុនសិន។ ប៉ុបើក្រុមរបស់លោកមានការរៀបចំក្រុមច្បាស់លាស់ នឹងផ្ដោតសំខាន់លើយូធូបវិញ។

ជាចុងក្រោយលោក zero តំណាងឲ្យក្រុម Sam Mediaទាំងមូល សូមថ្លែងអំណរអរគុណដល់អ្នកគាំទ្រទាំងអស់គ្នា ដែលតែងតែលើកទឹកចិត្តកន្លងមក។

ជាពិសេសតាំងពីក្រុមលោកទើបបង្កើតក្រុមដំបូងគេ លោកពិតជាអរគុណដល់ការបញ្ចេញជាយោបល់និងមតិល្អៗ ដើម្បីកែតម្រូវនៅវីដេអូលើកក្រោយទៀត៕

សូមស្ដាប់បទសម្ភាសន៍របស់លោកជាមួយគេហទំព័រកម្ពុជាថ្មីខាងក្រោមនេះ៖

អត្ថបទ៖ មេឃខៀវ

ចុចអាន៖កំហុស៦នេះ ដែលមនុស្សភាគច្រើនបានចំណាយក្នុងជីវិតយុវវ័យរបស់គេ

Related Topics:តារាខ្មែរ