ជឿ​ទេ​ថា ​​មនុស្ស​និយម​រិះគន់​អ្នក​ដទៃ ចម្រើន​តែ​សត្រូវ​​ ឲ្យ​ខ្លួន​ឯង​ប៉ុណ្ណោះ! – Kampuchea Thmey Daily
Connect with us

KPT+

ជឿ​ទេ​ថា ​​មនុស្ស​និយម​រិះគន់​អ្នក​ដទៃ ចម្រើន​តែ​សត្រូវ​​ ឲ្យ​ខ្លួន​ឯង​ប៉ុណ្ណោះ!

Published

on

មនុស្ស​និយម​រិះគន់​អ្នកដទៃ ​មិន​បាន​ឆ្លុះ​បញ្ចាំង​ពី​អត្តចរិត​របស់​អ្នក​ដែល​ខ្លួន​បាន​រិះគន់​នោះ​ឡើយ តែ​វា​កំពុង​ឆ្លុះ​បញ្ចាំង​ពី​ខ្លួនឯង​ទៅ​វិញ​ទេ។ ដោយសារ​តែ​ការ​រិះគន់​ជា​ការ​និយាយ​អាក្រក់។ រី​ឯ​ការ​និយាយ​អាក្រក់​កើត​មក​ពី​ការ​គិត​អាក្រក់ ហើយ​ការ​គិត​អាក្រក់​កើត​ពី​និស្ស័យ​អាក្រក់។

នៅ​ពេល​មនុស្ស​ណាម្នាក់​ចូលចិត្ត​រិះគន់​អ្នកដទៃ មានន័យថា ពួកគេ​កំពុង​បង្កើត​សត្រូវ​ជាមួយ​អ្នកដទៃ​ស្រេច​ទៅ​ហើយ ព្រោះបាន​ធ្វើឱ្យគេខឹង គុំគួននឹងខ្លួន។​ មនុស្ស​និយាយ​ពី​ចំណុច​អាក្រក់​របស់​អ្នកដទៃ គឺ​បាន​ចាក់ដំបៅ​ដែល​គេ​កំពុងឈឺ។ ពួកគេធ្វើ​ឲ្យ​អ្នកផ្សេងខឹង ហើយ​គេ​ក៏​ស្វែងរក​ចំណុច​មិន​ល្អ​មក​រិះគន់​ម្នាក់​នោះវិ​ញដូចគ្នា។ ត្រូវ​ចាំថា មនុស្ស​ដែល​កំពុង​រិះគន់​អ្នកដទៃ​ក៏​មាន​ចំណុច​អាក្រក់​ដែរ មិនមែន​មាន​តែ​គេ​នោះ​ទេ។

ការរិះគន់គឺ​ជា​ការ​បង្កើត​ភាពស្មុគស្មាញដល់ខួរក្បាលខ្លួនឯង ដោយ​បាន​យកចំណុច​អាក្រក់​មក​ដាក់​ក្នុង​ខួរក្បាល​ច្រើនពេក ធ្វើ​ឲ្យ​ចិត្ត​សៅហ្មង​តឹងតែង អាប់អួរ​មិន​ស្រស់ថ្លា​ឡើយ។ កាលណា​រិះគន់ នោះ​មានន័យថា ពួកគេ​កំពុង​បង្កើត​សត្រូវ​ឲ្យ​ខ្លួនឯង​គ្រប់​ទីកន្លែង។

ជាទូទៅ​អ្នក​ដែល​បាន​តែ​ខាង​រិះគន់​អ្នកដទៃ គឺជាមនុស្សដែលបានតែខាងនិយាយ មិនពូកែធ្វើ គ្មាន​សមត្ថ​ភាព​ គ្មាន​គំនិត និង​គ្មាន​បញ្ញា។ ដោយសារ​តែ​មនុស្ស​ល្អ និង​មាន​សមត្ថភាព​ពិតប្រាកដ​គេ​មិន​ងាយ​រិះគន់​អ្នកដទៃ​ទេ។ បើ​អ្នកដទៃ​ធ្វើ​ខុស គេ​នឹង​កែលំអ​ដោយ​ប្រើ​ពាក្យ​សម្ដី​លើកទឹកចិត្ត​ជាជាង​ដាក់​បន្ទុក​ស្ដី​បន្ទោស។

មនុស្ស​ពូកែ​រិះគន់​គេ​បាន​ត្រឹមតែ​គេ​ស្អប់ ប៉ុន្តែ​អ្នក​ដែល​និយម​​កែលម្អ​នឹង​ត្រូវ​បាន​គេ​គោរព​ឲ្យ​តម្លៃ។ អ្នក​ពូកែ​រិះគន់​ជា​មនុស្ស​ខ្វះញាតិ ខ្វះ​មិត្តភក្តិ និងខ្សត់អ្នករាប់អាន។ រី​ឯ​មនុស្ស​ដែល​ប្រើ​ពាក្យ​សម្ដី​ពិរោះ​ពិសា​ក្នុង​ន័យ​កែលំអ​តែងតែ​សម្បូរ​ទៅ​ដោយ​ញាតិ មិត្តភ័ក្ដិ ស្រឡាញ់​រាប់អាន។​

មនុស្ស​ចូលចិត្ត​រិះគន់​ចម្រើន​តែ​មនុស្ស​ស្អប់ ចំណែក​មនុស្ស​ចូលចិត្ត​កែលំអ​សម្បូរ​មនុស្ស ស្រឡាញ់៕

ប្រែសម្រួល៖ សន្យា

ប្រភព៖ HBR

ចុចអាន៖ហេតុផល​ដែល​នាយករដ្ឋមន្ត្រី Koo លេចធ្លោខ្លាំង​ក្នុង​រឿង The King

ចុច Like Facebook កម្ពុជាថ្មី

ព័ត៌មានពេញនិយម