KPT+

ចង់ឡើងភ្នំលេងចុងសប្ដាហ៍ កុំភ្លេចគន្លឹះ ៥ យ៉ាងពីអ្នកមានពិសោធន៍

បានផុស

៤ years មុន

នៅ

ថ្ងៃសុក្រ ៧ សីហា ២០២០

ដោយ

ចំពោះអ្នកចូលចិត្តព្រៃបព្វតា ប៉ុន្តែមិនធ្លាប់មានបទពិសោធន៍ឡើងភ្នំ និងចង់ឡើងភ្នំក្នុងពេលខាងមុខ អាចអានគន្លឹះខាងក្រោមនេះ ដើម្បីជួយឲ្យកាន់តែមានសុវត្ថិភាពនៅពេលធ្វើដំណើរ។

ពិនិត្យមើលការព្យាករណ៍អាកាសធាតុ

អាកាសធាតុនៅលើភ្នំ ខុសពីអាកាសធាតុនៅលើដីរាបស្មើ។ ជាទូទៅនៅលើភ្នំត្រជាក់ជាង មានអ័ព្ទច្រើន និងអាចមានភ្លៀងដែលនៅលើដីធម្មតាមិនមាន។ ដូច្នេះយើងត្រូវចេះពិនិត្យ និងព្យាករណ៍អាកាសធាតុជាមុនសិន មុននឹងឡើងភ្នំ ចៀសវាងឡើងដល់កំពូលហើយ តែមិនបានប្រយោជន៍អ្វី ព្រោះធាតុអាកាសរំខាន។

ត្រៀមផែនទីផ្លូវ

ឡើងភ្នំក៏ដូចជាដើរព្រៃដែរ យើងត្រូវរៀបចំផែនការដំណើរឲ្យបានហ្មត់ចត់។ ការត្រៀមផែនទីផ្លូវ និងត្រីវិស័យក្នុងពេលឡើងភ្នំ ជួយបង្ការហានិភ័យវង្វេងផ្លូវ និងគ្រោះថ្នាក់មួយចំនួនទៀត។ ក្រៅពីនោះ វាជំនួយឲ្យយើងរៀបចំផែនការដំណើរកម្សាន្តបានត្រឹមត្រូវនៅលើភ្នំ។

ត្រៀមសំលៀកបំពាក់

ការពិតដែលថាសីតុណ្ហភាពលើភ្នំអាចឡើងក្ដៅខ្លាំង ឬត្រជាក់ខ្លាំង ហើយបើស្លៀកពាក់មិនត្រឹមត្រូវទេ យើងអាចប្រឈមនឹងខ្យល់ចាប់ សត្វទិច និងបញ្ហាផ្សេងទៀត។ ជាទូទៅ យើងគួរស្លៀកពាក់ខោអាវសាច់ក្រណាត់យឺត មានខ្យល់ចេញចូលបានល្អ ស្រទាប់ខាងក្រៅធន់ជាមួយខ្យល់និងមិនជ្រាបទឹក ពាក់ស្បែកជើងឡើងភ្នំ(ស្បែកជើងប៉ាត់តា) និងពាក់ស្រោមជើងផង។

មានទឹកប្រើគ្រប់គ្រាន់

នៅលើភ្នំអាចមានទឹកសម្រាប់ប្រើក៏ដូចជាផឹកដែរ ប៉ុន្តែវាមានពពួកប៉ារ៉ាស៊ីតច្រើន ដូច្នេះគួរចៀសវាងការផឹកទឹកក្នុងព្រៃ។ យកទឹកឲ្យបានច្រើនទៅតាមខ្លួនតាមដែលអាចធ្វើទៅបាន ដើម្បីរក្សាជាតិគ្រប់គ្រាន់ក្នុងរាងកាយ កុំឲ្យខ្សោះ។

ជួលមគ្គទេសក៍ម្នាក់សម្រាប់អ្នកមិនធ្លាប់ឡើងភ្នំសោះ ឬមិនស្គាល់ផ្លូវឡើងទេ យើងគួរតែជួលមគ្គទេសក៍នាំផ្លូវ ដើម្បីកុំឲ្យខាតពេល និងរក្សាសុវត្ថិភាពយើង៕

ប្រែសម្រួល៖ សន្យា

ប្រភព៖ AwesomeJelly

ចុចអាន៖អ្នកចិត្តសាស្ត្រនិយាយថា ស្នេហាស្ងប់ស្ងាត់លាក់កំបាំងអាចជាលេសនៃចិត្តវៀចវេរ

ចុចអាន៖អ្នកនិយមពណ៌លឿង តំណាងឲ្យខួរក្បាលវាងវៃនិងគំនិតសុទិដ្ឋិនិយម

Related Topics:ចំណេះដឹង