តាមមិនទាន់និន្នាការទំាង៦នេះ រស់នៅសម័យឌីជីថល នឹងស្គាល់ពិបាកហើយ!

យើងកំពុង​រស់នៅក្នុងយុគសម័យនៃ បដិវត្តឧស្សាហកម្មលើកទី ៤ ដែល​បច្ចេកវិទ្យាហោះហើរយ៉ាង​លឿនជាងពេលណាៗទាំងអស់។

ក្រុមហ៊ុនឬបុគ្គលដែលមិនប្រកាន់និន្នាការបច្ចេកវិទ្យាជាសំខាន់ អាចប្រឈមនឹងហានិភ័យនៃការបាត់បង់ទីតាំង​អាជីព មុខរបរ​និងទីផ្សារ​។

ការស្វែងយល់អំពីនិន្នាការសំខាន់ៗ នឹងជួយ​ឱ្យការ​ត្រៀម​សម្រាប់ អាជីវកម្មរៀបចំបានល្អ និង​ចាប់យកឱកាសបានច្រើន។

KPTplus សូមចែករំលែកនូវនិន្នាការលេចធ្លោបំផុតទាំង ៦ ដែលយុវវជនខ្មែរតែត្រៀមខ្លួនទាន់៖

១ Artificial intelligence AI

នេះគឺជាការផ្លាស់ប្តូរដ៏ធំបំផុតមួយ​។ វាជាការប្រើប្រាស់​បញ្ញាសិប្បនិមិត្តរបស់ប្រព័ន្ធកុំព្យូទ័រសម្រាប់​ទទួលបានព័ត៌មាននិងប្រើប្រាស់ព័ត៌មាន ការវែកញែក ឈានដល់ការសន្និដ្ឋាន។ ក្រុមហ៊ុន Amazon ក្រុមហ៊ុន Google និងក្រុមហ៊ុន Microsoft កំពុង​ចាប់ផ្តើម​ប្រើវា ហើយមានក្រុមហ៊ុនជាច្រើនទៀតក៏នឹងអនុវតតិបន្តដែរ។ ក្នុងឆ្នាំ ២០២០ នេះយើងបានឃើញមានអ្នកផ្តល់សេវា AI កាន់តែច្រើនឡើង ៗ មានន័យថា គ្រប់គ្នាមានទិន្នន័យ​ជាក់លាក់ក្នុងដៃពួកគេតាមដែលគេត្រូវការ។ ការប្រជែងក្នុងសង្វៀន​ពាណិជ្ជកម្មនឹងកាន់តែស្រួចស្រាល់លើសមុន។

២ បណ្តាញទិន្នន័យ 5G

ការតភ្ជាប់អ៊ិនធរណិតតាមទូរសព្ទចល័ត 5G នឹងផ្តល់មកនូវការទាញយកក្នុងល្បឿនមហាលឿន។ បណ្តាញទិន្នន័យទូរសព្ទចល័ត 5G អាចប្រើបានជាលើកដំបូងកាលពីចុងឆ្នាំ ២០១៩ ប៉ុន្តែភាគច្រើនមានតម្លៃថ្លៃពេក ហើយត្រូវបានកំណត់សម្រាប់ដំណើរការតែ​នៅក្នុងតំបន់ទីក្រុងធំ ៗ ។

បណ្តាញទិន្នន័យដែលមានល្បឿនលឿននេះ មិនត្រឹមតែផ្តល់ឱ្យយើងនូវសមត្ថភាពក្នុងការចាក់ខ្សែភាពយន្តនិងតន្ត្រីប្រកបដោយ​គុណភាពខ្ពស់ប៉ុណ្ណោះទេ ក៏​នឹងអាចប្រើប្រាស់បានច្រើនដងលើសពី​បណ្តាញតខ្សែដែលកំពុងដំណើរការចូលក្នុងផ្ទះនិងអាជីវកម្មរបស់យើងយ៉ាងយឺតយ៉ាវនោះ។

៣ ការបើកបរ​ដោយ​ស្វ័យប្រវត្តិ

បង្កើតរថយន្តស្វ័យប្រវត្តិ គ្រោង​ចេញ​ក្នុងនៅឆ្នាំ ២០២២​ ក្នុងសមត្ថភាពដែលមិនទាក់ទងផ្ទាល់ទៅនឹងការបើកបរមានស្វ័យប្រវត្តិកម្មដោយ​ពឹងផ្អែកលើការចាប់យកទិន្នន័យនិងការវិភាគ។  Google Waymo ទើបតែបានបញ្ចប់ការសាកល្បងរថយន្តមួយនៅរដ្ឋកាលីហ្វ័រញ៉ា។ ទោះបីយ៉ាងណា​អ្នកវិភាគ​និយាយថា ការផ្លាស់ប្តូរច្បាប់ហេដ្ឋារចនាសម្ព័ន្ធ ដែលមានស្រាប់និងឥរិយាបថសង្គម គឺជាការងារ ចាំបាច់មុនពេលដែល​ការ​បើកបរដោយស្វ័យប្រវត្តិ អាច​ក្លាយជាការពិតជាក់ស្តែងបាន​។

៤ វេជ្ជសាស្ត្រផ្ទាល់ខ្លួននិងព្យាករណ៍

បច្ចេកវិទ្យាបច្ចុប្បន្នកំពុងផ្លាស់ប្តូរការថែរក្សាសុខភាពក្នុងអត្រាមួយដែលមិនធ្លាប់មាន។ សមត្ថភាពរបស់យើងក្នុងការចាប់យកទិន្នន័យពីឧបករណ៍ដែលអាចពាក់បានដូចជានាឡិកាវៃឆ្លាតនឹងផ្តល់ឱ្យយើងនូវសមត្ថភាពព្យាករណ៍ក៏ដូចជា ព្យាបាលបញ្ហាសុខភាពបានកាន់ប្រសើរ ។ ចាប់ពីឆ្នាំ ២០២០ និងឆ្នាំបន្តទៀត​ យើងនឹងឃើញកម្មវិធីថ្មីៗស្តីពីការថែទាំសុខភាពដែលអាចព្យាករណ៍បាន និងការណែនាំអំពីវិធីព្យាបាលដែលមានប្រសិទ្ធភាពជាងមុនសម្រាប់អ្នកជំងឺម្នាក់ៗ។

៥ ចក្ខុវិស័យកុំព្យូទ័រ

ប្រព័ន្ធដែលអាចកំណត់អត្តសញ្ញាណ ទីកន្លែងប្រមូលដោយកាមេរ៉ាឬឧបករណ៍ចាប់រលកសញ្ញានឹងត្រូវបានដាក់ចេញសម្រាប់ប្រើប្រាស់ជាមូលដ្ឋានគ្រឹះនៃវិធីដែលរថយន្នឹងមើលឃើញការដំណើរឆ្ពោះទៅរកគ្រោះថ្នាក់ឬមិន។ វាអាចដាស់តឿនយើង ពីអ្វីដែលមិនធម្មតា។ល។ ការប្រើប្រាស់បច្ចេកវិទ្យានេះអាចធ្វើឱ្យអន្តរាយដល់ភាពឯកជនរបស់មនុស្ស​គ្រប់គ្នា​នៅទីសាធារណៈ ដូច្នេះគេកំពុងជជែកវែកញែក​លើបញ្ហានេះ។

៦ បច្ចេកវិទ្យា blockchains

Blockchains គឺជានិន្នាការថ្មីនិងកំពូលមួយនៃបច្ចេកវិទ្យាដែលត្រូវបានប្រើដើម្បីកត់ត្រាប្រតិបត្តិការនានា។ វាអនុញ្ញាតឱ្យចែកចាយព័ត៌មានឌីជីថល ប៉ុន្តែមិនអាចថតចម្លងបានទេ។ ឆ្អឹងខ្នងនៃអ៊ិនធរណិតប្រភេទថ្មីមួយនេះកំពុង​ជាអនាគតនៃពិភពលោកយើង។ ដើមឡើយគេបង្កើតវាឡើងសម្រាប់ចរាចររូបិយប័ណ្ណឌីជីថល Bitcoin តែប៉ុណ្ណោះ លុះ​មកដល់​​បច្ចុប្បន្នសហគមន៍បច្ចេកវិទ្យាបានរកឃើញការប្រើប្រាស់សក្តានុពលវា សម្រាប់​ការងារ​ផ្សេងទៀតបាន។

នៅក្នុងនិយមន័យ​ដ៏​សាមញ្ញមួយ  blockchain គឺជាកម្រងទិន្នន័យដែលមិនអាចផ្លាស់ប្តូរបាន តែវា ត្រូវបានគ្រប់គ្រងដោយចង្កោមកុំព្យូទ័រដែលមិនមែនជាកម្មសិទ្ធិរបស់អង្គភាពតែមួយ។ ប្លុកនីមួយៗនៃទិន្នន័យទាំងនេះ  ត្រូវបានធានានិងចងភ្ជាប់គ្នាដោយប្រើគោលការណ៍គ្រីប។

រៀនចេះទេ?

គិតឃើញពីរបៀប​រកស៊ីណាមួយ ​ជាមួយ​និន្នការទំាងនេះ ហើយឬនៅ? ចែកគ្នាដឹងផង!

ប្រែសម្រួល៖ សាយ ពេជ្រ

ចុចអាន៖ តើ internet និង world wide web (www) ជាប្រព័ន្ធតែមួយ?

ចុចអាន៖ ចង់បានលុយបន្ថែមពី YouTube កុំរំលង​អត្ថបទនេះ!