មូលហេតុ ៧ យ៉ាងធ្វើឲ្យមនុស្សបរាជ័យងើបមុខមិនរួច

មនុស្សណាក៏ចង់ទទួលបានសុភមង្គល និងភាពជោគជ័យនៅក្នុងជីវិតដែរ។ ខណៈគ្រប់គ្នាចង់ចៀសនូវភាពបរាជ័យ មានមនុស្សមួយចំនួនតែងទម្លាប់ខ្លួនធ្វើទង្វើខ្លះៗដែលនាំពួកគេទៅណាមិនរួចដូចអ្នកដទៃ។

តើអ្វីខ្លះជាទម្លាប់មិនល្អដែលមនុស្សខ្លះជួបភាពបរាជ័យ?

១.​ ខ្វះគោលដៅជាក់លាក់៖ មិនបាច់សង្ឃឹមទេថា មនុស្សអាចជួបនូវភាពជោគជ័យបាន បើខ្វះគោលបំណងឬគោលដៅជាក់លាក់។ គ្មានគោលដៅច្បាស់លាស់ពួកគេមិនដឹងថាត្រូវធ្វើអ្វី​ ហើយចេះតែបណ្ដែតបណ្ដោយពេលវេលាទៅឥតប្រយោជន៍។

២. ខ្វះចិត្តមហិច្ឆតា៖ មនុស្សដែលព្រងើយកន្តើយ ខ្វះមហិច្ឆតា ព្រោះខ្លាចនេះខ្លាចនោះ នឹងមិនអាចទៅណារួចទេ។ គ្មានចិត្តចង់បាន ជាហេតុដែលមិនអាចបានអ្វីនៅក្នុងជីវិត។

៣. ខ្វះវិន័យ៖ មនុស្សដែលខ្វះវិន័យ និងខ្វះការទទួលខុសត្រូវ មិនព្រមធ្វើអ្វីនៅពេលដែលត្រូវធ្វើ បណ្ដោយពេលណាពេលហ្នឹង មិនខ្វល់ពីអ្វីទាំងអស់ និងមិនចេះគ្រប់គ្រងរបៀបរស់នៅ។

៤. ខ្វះការយកចិត្តទុកដាក់៖ ធ្វើការអ្វីចាំតែថ្ងៃស្អែក ទុកការងារចោល ហើយមានលេសជានិច្ចថា ទុកសិនក៏បាន វាមិនថ្វីទេ ចាំធ្វើវាពេលក្រោយចុះ។

៥. ខ្វះការតស៊ូព្យាយាម៖ ការតស៊ូព្យាយាមជាគុណសម្បត្តិខ្វះមិនបានទេសម្រាប់ភាពជោគជ័យ។ រីឯមនុស្សបរាជ័យ ខ្ជិលច្រអូស មិនសង្វាតប្រឹងប្រែង ហើយឆាប់បោះបង់ពេលជួបបញ្ហា។

៦. ខ្វះសេចក្ដីក្លាហាន៖ ភាពហានក្លាជាកម្លាំងជំរុញភាពជោគជ័យ នៅរាល់ការចាប់ផ្តើមលើកិច្ចការគ្រប់យ៉ាង។ នៅពេលមានក្តីប្រាថ្នាខ្លាំង ហើយបូកផ្សំនឹងភាពជឿជាក់ផងនោះ បរាជ័យនឹងរត់គេចមិនខាន។ ប៉ុន្តែមនុស្សដែលមិនហ៊ានធ្វើអ្វី ជោគជ័យច្បាស់ជារត់ចោលហើយ។

៧. ខ្វះគំនិតវិជ្ជមាន៖ មនុស្សគិតមិនល្អ នាំឲ្យបង្កើតទង្វើមិនល្អ។ សកម្មភាពមិនល្អ នាំឲ្យរឿងមិនល្អចូលក្នុងជីវិត ក្នុងនោះភាពបរាជ័យក៏ឆ្លៀតចូលមកជាមួយដែរ៕

ប្រែសម្រួល៖ សន្យា

ប្រភព៖ BORNREALIST

ចុចអាន៖ មនុស្ស​បី​ប្រភេទ​ដែល​ពួក​អ្នកមាន​ខ្លាច​មិន​ឲ្យ​បៀត ហើយ​មួយ​ប្រភេទ​ទៀត​គោរព​ស្វែងរក

ចុចអាន៖ ជីវិត​មនុស្ស ចេះ​ខ្លាច​៦យ៉ាង​នេះ​ទើប​អាច​ប្រឹងប្រែង​ជម្នះ​ឧបសគ្គ​បាន