KPT+

លក្ខខណ្ឌមូលដ្ឋាន ៤ត្រូវពិចារណា មុនចង់ខ្ចីលុយធនាគារ

បានផុស

៤ years មុន

នៅ

ថ្ងៃចន្ទ ២១ ធ្នូ ២០២០

ដោយ

សាង ស្រីល័ក្ខ

តើធនាគារតម្រូវការលក្ខខណ្ឌអ្វីខ្លះ សម្រាប់អ្នកចង់ខ្ចីលុយយកទៅប្រើប្រាស់?

អានអត្ថបទនេះ ដើម្បីឆ្លើយតបទៅនឹងចម្ងល់ខាងលើ!

១. ប្រវត្តិខ្ចីលុយ

គ្រប់ធនាគារ ឬម្ចាស់បំណុលនឹងមើលដំបូងទៅលើប្រវត្តិល្អ ព្រមទាំងទំនួលខុសត្រូវរបស់យើង ព្រោះបើយើងធ្លាប់បោកប្រាស់ ឬជំពាក់គេច្រើន គេពិបាកនឹងឲ្យលុយខ្ចីណាស់។ ការរក្សាកេរ្តិ៍ឈ្មោះល្អធ្វើឲ្យយើងមានទំនាក់ទំនងជាមួយធនាគារ ព្រោះគេនឹងស្រាវជ្រាវប្រវត្តិរបស់យើងពីធនាគារនានា មុនពេលឲ្យខ្ចីលុយ។

២. សមត្ថភាពសង

ធនាគារនឹងសិក្សាទៅលើមុខរបរ ឬអាជីវកម្មដែលយើងកំពុងដំណើរការថា ពេលដែលខ្ចីហើយ យើងមានចំណូលគ្រប់គ្រាន់ដើម្បីសងវិញដែរទេ? គេអាចសិក្សាចំណុចនេះបានតាមរយៈទិន្នន័យលំហូរសាច់ប្រាក់ ទិន្នន័យហិរញ្ញវត្ថុ ឬ ប្រវត្តិខ្ចីពីមុនជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. គោលបំណង

ធនាគារណាក៏ដោយ តែងតែចង់ដឹងថា តើយើងនឹងប្រើប្រាស់លុយដោយរបៀបណា ក្នុងគោលលបំណងអ្វី ហើយនឹងប៉ះពាល់លើបញ្ហាសេដ្ឋកិច្ច ឬវិស័យដែលយើងនឹងប្រើប្រាស់នោះឬអត់? គេនឹងសិក្សាលើចំណុចទាំងប៉ុន្មាននេះ ហើយនឹងមិនរារែកក្នុងការឲ្យខ្ចីលុយដល់បុគ្គលណាមានបំណងច្បាស់លាស់ ជាពិសេសដល់អ្នកយកទៅរកស៊ី។

៤. ទ្រព្យបញ្ចាំ

រាល់ធនាគារទាំងឡាយនឹងទាមទារឲ្យមានដាក់ទ្រព្យបញ្ចាំ ដែលភាគច្រើនជាអចលនទ្រព្យដូចជា ដី ផ្ទះ យានយន្ត ឬសម្ភារៈប្រើប្រាស់មានតម្លៃប្រហាក់ប្រហែលជាដើម។ ការទាមទារឲ្យមានរបស់បញ្ចាំគឺដើម្បីការពារករណីយើងមិនអាចមានសមត្ថភាពសងប្រាក់ទៅគេវិញបាន៕

ប្រែសម្រួល៖ សន្យា

ប្រភព៖ Business Insider

ចុចអាន៖ប្រភេទតារានិករ មួយណាជាចរិកលក្ខណៈរបស់អ្នក?

ចុចអាន៖គោលបំណងក្នុងឆ្នាំ២០២១ គឺការវិលត្រឡប់មកស្រលាញ់ខ្លួនឯងវិញ

Related Topics:ខ្ចីលុយ