KPT+

រឿងអាស្រូវនយោបាយនៃប្រធានាធិបតីស្ត្រីដំបូងកូរ៉េខាងត្បូង PARK GEUN HYE

បានផុស

៤ years មុន

នៅ

ថ្ងៃចន្ទ ២១ ធ្នូ ២០២០

ដោយ

សាង ស្រីល័ក្ខ

លោកស្រី Park Geun Hye ជាប្រធានាធិបតីទី១១ និងជាប្រធានាធិបតីស្ត្រីដំបូងរបស់កូរ៉េខាងត្បូង។

នៅឆ្នាំ ២០១៣ លោកស្រី Park Geun Hye បានក្លាយជាប្រធានាធិបតីស្ត្រីដំបូង ផ្លូវការក្នុងវ័យ ៦១ឆ្នាំ ។ យ៉ាងណាក្ដីលោកស្រីត្រូវជាប់ឈ្មោះអាក្រក់ក្នុងប្រវត្តិសាស្ត្ររបស់កូរ៉េខាងត្បូង ដោយសាររឿងអាស្រូវនយោបាយនាឆ្នាំ ២០១៦ ។ អតីតប្រធានាធិបតីរូបនេះត្រូវបានចាប់ខ្លួននិងឃុំឃាំង នាឆ្នាំ ២០១៧ ហើយបានក្លាយជាអ្នកទោស ដោយត្រូវជាប់គុក ២៤ឆ្នាំ ពីបទពុករលួយនិងរំលោភអំណាចនៅឆ្នាំ ២០១៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលកំពុងកាន់តំណែង លោកស្រីត្រូវបានគេរិះគន់ និងចោទប្រកាន់ថា បានប្រើប្រាស់អំណាចដើម្បីបំបិទមាត់ក្រុមប្រឆាំង។ នៅខែតុលា ឆ្នាំ២០១៦ លោកស្រីបន្តរួមរឹតដោយរឿងអាស្រូវអំពើពុករលួយ ដែលធ្វើឲ្យនយោបាយរបស់លោកស្រីកាន់តែធ្លាក់ដុនដាប។ Park Geun Hye ត្រូវបានគេចោទថា បានប្រើប្រាស់អំណាច រំលោភអំណាច និងស៊ីសំណូកដែលអនុញ្ញាតឲ្យមិត្តដ៏ជិតស្និទ្ធិបំផុតរបស់ខ្លួន លោកស្រី Choi Soon Sil អាចចូលមើលព័ត៌មានរដ្ឋបាន។

ក្រោយលេចធ្លាយរឿងអាស្រូវ Park Geun Hye បានធ្វើការសុំទោសប្រជាជនកូរ៉េខាងត្បូងចំពោះកំហុសរបស់ខ្លួន។ ទោះយ៉ាងណា នៅខែមេសា ឆ្នាំ ២០១៨ តុលាការបានប្រកាសកាត់ទោសស្រ្តីប្រធានាធិបតីទី១ របស់ប្រទេសកូរ៉េខាងត្បូងឲ្យជាប់គុក ២៤ ឆ្នាំ និងពិន័យជាប្រាក់ ១៨ ពាន់លានវ៉ុន ឬ១៧ លានដុល្លាអាមេរិក៕

ប្រែសម្រួល៖ សន្យា

ប្រភព៖ SCMP

ចុចអាន៖កំពូលអ្នកបង្ហាញម៉ូដស៊ីថ្លៃជាងគេក្នុងលោកជាអ្នកណា?

ចុចអាន៖រឿងគួរឲ្យភ្ញាក់ផ្អើលពីមហាសេដ្ឋីក្មេងបំផុតរបស់សិង្ហបូរីលោក KISHIN RK

Related Topics:ស្រ្តី