សិក្សាអំពីព្រះនាង NOOR​ ដែល​និរទេសចេញពីអ៊ីរ៉ង់​ តែ​បេះដូង​ឲ្យ​តម្លៃជាតិជានិច្ច

​នៅ​ខែ ​មករា ​ឆ្នាំ ១៩៧៩ បដិវត្ត​អ៊ីរ៉ង់​បាន​ផ្លាស់ប្ដូរ​ទី​សក្ការ​ចុងក្រោយ​របស់​អ៊ីរ៉ង់​ និង​រាជាធិបតេយ្យ​ជាមួយ​សាធារណរដ្ឋ​អ៊ីស្លាម។ មេដឹកនាំ​ដែល​ត្រូវ​បាន​ទម្លាក់​ពី​របប​រាជា​និយម​ គឺ​ព្រះអង្គ​ម្ចាស់ Shah Mohammad Reza Pahlavi បាន​និរទេស​ទៅ​សហរដ្ឋអាមេរិក​ ជា​កន្លែង​ដែល​អ្នក​ស្នង​តំណែង​របស់​ព្រះអង្គ ​ត្រូវ​បាន​បណ្ដុះបណ្ដាល​ជា​កម្មាភិបាល​ក្រោម​អធិរាជ​កងទ័ព​អាកាស​អ៊ីរ៉ង់ (IIAF) ។

នៅ​ឆ្នាំ ១៩៩២ ព្រះអង្គ​ម្ចាស់ Reza Pahlavi និង​មហេសី​ឈ្មោះ Yasmine បាន​ទទួល​ស្វាគមន៍​ចំពោះ​កូន​ដំបូង​របស់​ពួកគេ ​ដែល​ជា​កូនស្រី​ម្នាក់​ឈ្មោះ Noor ជា​សមាជិក​ដំបូង​នៃ​គ្រួសារ​រាជវង្ស​អ៊ីរ៉ង់​ដែល​បាន​ចាប់​កំណើត។

ការ​ចិញ្ចឹម​បីបាច់​បែប​អាមេរិក​នៃ​សម័យ​ទំនើប

” អ្វី​ដែល​ខ្ញុំ​អាច​ធ្វើ​បាន ​គឺ​ឲ្យ​តម្លៃ​ទៅ​លើ​អ៊ីរ៉ង់​ដែល​ខ្ញុំ​បាន​យក​មក​ជាមួយ ​ខ្ញុំ​និង​ពេញចិត្ត​ចំពោះ​សេរីភាព​ដែល​ខ្ញុំ​មាន​នៅ​អាមេរិក​ ​ជា​អ្វី​ដែល​ខ្ញុំ​ចង់​ធ្វើ” ។ ទោះបីមានការចិញ្ចឹម​បីបាច់​បែបអាមេរិចក៏ដោយ ក៏ព្រះនាងនៅតែចិញ្ចឹម​ចិត្ត គិតលើប្រទេសកំណើតខ្លួនមិនដែលខាន។

ព្រះនាង Noor មាន​ប្អូនស្រី​ពីរព្រះអង្គ​​​ គឺ​ព្រះ​នាង Iman និងព្រះ​នាង Farah ដោយបាន​ទទួល​ការ​ចិញ្ចឹម​បីបាច់​ខុស​ពី​ឪពុក​របស់​ពួកគេ​នៅ Tehran ។

បន្ទាប់​ពី​បញ្ចប់​ការ​សិក្សា​នៅ​វិទ្យាល័យ​ពី​សាលា Bullis នៅ Potomac រដ្ឋ Maryland ព្រះនាង  Noor  បាន​បន្ត​ការ​សិក្សា​ថ្នាក់​បរិញ្ញាបត្រ​ផ្នែក​ចិត្តវិទ្យា​ នៅ​សាកលវិទ្យាល័យ Georgetown ។ បច្ចុប្បន្ន​ព្រះនាង​ជា​និស្សិត​អនុបណ្ឌិត​នៅ​សកលវិទ្យាល័យ Columbia និង​ធ្វើការ​ជា​អ្នក​ផ្ដល់​ប្រឹក្សា​នៅ Acumen ដែល​ជា​ក្រុមហ៊ុន​វិនិយោគ​ផល​ប៉ះពាល់​មិន​រក​ប្រាក់​ចំណេញ​ក្នុង​ពិភពលោក។

រសជាតិ​ជីវិត​ថ្មីនិងស្ទិល​តុបតែង​ខ្លួន​

ព្រះនាង​​ក៏បាន​ទទួល​បាន​ការ​​កោតសរសើរ​ពី​ទស្សនាវដ្ដី Bazaar Arabia និង​ទស្សនាវដ្ដី​ឥណ្ឌូណេស៊ី Cosmopolitan​  ចំពោះ​ស្ទិល​តុបតែង​ខ្លួន​នៅ​តាម​ទីប្រជុំជន ​និង​វិធី​ដែល​ព្រះនាង​ស្លៀកពាក់​ ទោះបី​ព្រះនាង​មាន​វ័យក្មេង​ក៏ដោយ។  ព្រះនាង​មាន​ម្ដាយ​និង​ជីដូន​របស់​ព្រះនាង​ឈ្មោះ  Farah Pahlavi ​ដែល​តែងតែ​តុបតែង​ម៉ូដ​ដ៏​ស្រស់​ស្អាត​​នេះ​មក​ឲ្យ​មក​ព្រះនាង។

ព្រះនាង​ជនជាតិ​អ៊ីរ៉ង់​ដែល​មាន​បេះដូងស្មោះស័គ្រ្ម

ថ្វីត្បិត​តែ​ជីវិត​ទ្រង់​បាន​ប្រសូត​​ឡើង​នៅ​សហរដ្ឋអាមេរិក​ តែ​ទ្រង់​នៅ​តែ​រក្សា​បេតិកភណ្ឌ​របស់​ទ្រង់​នៅ​ជិត​បេះដូង​ ព្រះនាង​ចូលរួម​ក្នុង​សុន្ទរកថា​នៅ​លើ​គេហទំព័រ Medium.com ហើយ​ទ្រង់​តែង​ដោះស្រាយ​បញ្ហា​សង្គម​និង​នយោបាយ​ជា​ភាសា​អង់គ្លេស​ និង​ភាសា Persian។ ពេលខ្លះ​ព្រះនាង​ក៏​និយាយ​នៅ​រឿង​រ៉ាវ​ផ្ទាល់ខ្លួន​របស់​ព្រះនាង​ ទៅ​កាន់​មហាជនផងដែរ។

ចំណែក​​ជនជាតិ​អ៊ីរ៉ង់​មួយ​ចំនួន ​នៅ​តែ​មើល​ឃើញ​ព្រះនាង​ជា​សមាជិក​នៃ​គ្រួសារ​អធិរាជ​ ដែល​គ្រាន់តែ​ត្រូវ​រស់​នៅ​ពី​ពិភព​ពីរ​ផ្សេង​គ្នាប៉ុណ្តោះ។

ព្រះនាង​ធ្លាប់​បាន​និយាយ​នៅ​ក្នុង​ឆ្នាំ ២០១៧ ដែល​បាន​រាយការណ៍​នៅ​ក្នុង​ទស្សនាវដ្ដី Tehran ថា “ អ្វី​ដែល​ខ្ញុំ​អាច​ធ្វើ​បាន​ គឺ​ឲ្យ​តម្លៃ​ទៅ​លើ​អ្វី​ដែល​ខ្ញុំ​មាន ​ហើយ​យក​វា​ទៅ​ជាមួយ ​ខ្ញុំ​​ពេញចិត្ត​ចំពោះ​សេរីភាព​ដែល​ខ្ញុំ​មាន​នៅ​អាមេរិក​ ជា​អ្វី​ដែល​ខ្ញុំ​ចង់​ធ្វើ” ៕

ប្រែសម្រួល៖ សាង ស្រីល័ក្ខ

ប្រភព៖scmp

ចុចអាន៖ចង់មានបាននឹងគេ អនុវត្តមេរៀន ៥ យ៉ាងតាមពួកអ្នកមាន

ចុចអាន៖មក​ដឹង​វិធីសាស្ត្រ​នៃ​កំពូល​សេដ្ឋី ៥ រូប ​មានកំណើត​​ចេញ​ពី​​គ្រួសារ​​ក្រីក្រ