KPT+

ឆាកជីវិត ដែលរៀបចំមិនបានល្អច្រើនកើតមានព្រោះតែគំនិតបីយ៉ាងនេះ

បានផុស

៤ years មុន

នៅ

ថ្ងៃចន្ទ ២ វិច្ឆិកា ២០២០

ដោយ

សាង ស្រីល័ក្ខ

ហេតុអ្វីបានជាមនុស្សខ្លះដែលពូកែកាលនៅរៀន តែបែរជាមកបរាជ័យក្នុងជីវិត?
ចម្លើយ៖ ព្រោះថា ភាពជោគជ័យមិនមែនជាពិន្ទុ វាជាគុណតម្លៃ!

១ កុំអាងថា ការសិក្សាល្អគិតថា ជីវិតនិងអស្ចារ្យជាងអ្នកផ្សេង

ជីវិតខុសឆ្ងាយពីសៀវភៅ។ យើងអាចទទួលបានពិន្ទុល្អក្នុងការប្រឡងដោយការអានសៀវភៅត្រូវនឹងវិញ្ញាសា ប៉ុន្តែក្នុងជីវិតពិតយើងត្រូវតែដោះស្រាយជាមួយមនុស្សពិត។

ដូច្នេះប្រសិនបើយើងចង់អនុវត្តចំណេះដឹងក្នុងពិភពពិត ត្រូវរៀនសូត្រពីបទពិសោធន៍អ្នកចាស់ទុំនិងមិត្តភ័ក្ដិ ហើយទទួលយកការលំបាកក្នុងជីវិតខ្លះមកលត់ដំ។

ហេតុផលមួយទៀត អាចជាវប្បធម៌នៃការរៀនសូត្រ ជាលក្ខណៈធម្មតានៅក្នុងប្រព័ន្ធអប់រំដែលនិយមការគិតត្រិះរិះពិចារណាបែបហេតុផលតក្កវិទ្យា។ កម្មវិធីសិក្សាភាគច្រើន របស់យើងផ្ដោតលើការសម្គាល់លក្ខណៈវិទ្យាសាស្ត្រ ដូច្នេះស្តង់ដារនៃការសិក្សារបស់យើងមិនល្អទេក្នុងការសាកល្បងលើស្ថានភាពជីវិតរស់នៅពិត។ ចំណេះដឹងក្នុងសាលាជាការសាកល្បងនូវវិន័យរបស់មនុស្ស។

២ កុំគិតថាជីវិតមិនយុត្តិធម៌សម្រាប់គ្រប់គ្នាហើយយកជាលេសធ្វើបាបអ្នកផ្សេង

យើងកំពុងរស់នៅក្នុងយុគសម័យប្រកួតប្រជែង ដែលអ្នកខ្លះដើម្បីទទួលបានជោគជ័យប្រើវិធីកេងចំណេញ មិនសមហេតុផលហើយធ្វើឲ្យអ្នកផ្សេងឈឺចាប់ ខាតបង់រងគ្រោះ ព្រោះពាក្យថាជីវិត គឺបែបនោះហើយ វាមិនយុត្តិធម៌ទេ។ កុំនិយាយពាក្យនេះ ជីវិតមិនយុត្តិធម៌មែន តែគួរធ្វើខ្លួនយើងជាមនុស្សយុត្តិធម៌ ព្រោះបើយើងសាងអ្វី យើងនឹងទទួលផលនោះមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ ភ្លើតភ្លើននិងជោគជ័យ

មនុស្សបរាជ័យធ្ងន់ព្រោះគេធ្លាប់ភ្លើតភ្លើននិងជោគជ័យតូចៗ។ គួរច្បាស់លាស់និងខ្លួនឯង កុំបញ្ជោរខ្លួនឯង កុំគិតលើសពីអ្វីដែលខ្លួនកំពុងមាន និងត្រូវដឹងពីអ្វីដែលអាចនឹងត្រូវបាត់បង់ ព្រោះវិនិច្ឆ័យខ្លួនអស្ចារ្យជាងអ្នកដទៃ បរាជ័យពិតកើតមាននៅពេលដែលរកឃើញថាការពិតមិនដូចការគិត។

មនុស្សជោគជ័យពិតប្រាកដ គឺគោរពមនុស្សគ្រប់គ្នា ដោយមិនគិតពីវណ្ណៈជំនឿ សាសនា ទ្រព្យសម្បត្តិ និងសមិទ្ធផលក្នុងជីវិត។ ល។ បើមិនចេះទទួលស្គាល់តម្លៃនៃភាពសាមញ្ញ នោះគឺមិនទាន់ជោគជ័យនូវឡើយ។

មនុស្សជោគជ័យតែងតែមើលទៅសាមញ្ញហើយគត់មត់៕

ប្រែសម្រួល៖ ចម្រើន តារា

ចុចអាន៖អត្ថន័យពិតនៃពាក្យថា ជីវិតគឺជាការតស៊ូ

ចុចអាន៖៣យ៉ាងគួរធ្វើ បើសិនបណ្ដាញសង្គមធ្វើឲ្យយើងឈឺចាប់ព្រោះរឿងដែលមិនចង់ឃើញ

Related Topics:ជីវិត