អាជីព

«ដើរតួជាខ្លួនយើង» គន្លឹះធំបង្អស់ដើម្បីជោគជ័យពេលនិយាយជាសាធារណៈ

បានផុស

៤ years មុន

នៅ

ថ្ងៃព្រហស្បតិ៍ ២៩ តុលា ២០២០

ដោយ

នៅក្នុងបទបង្ហាញ ការនិយាយលើវេទិកា ការសម្របសម្រួលកម្មវិធីជជែកណាមួយ យើងបរាជ័យភ្លាម ប្រសិនបើប្រើសម្ដីដូចមានគេប្រើមុន ហើយទន្ទេញចាំតគ្នា ស្រដៀងៗគ្នា។

អាចហ្វឹកហាត់ អនុវត្តការនិយាយឲ្យបានញឹកញាប់តាមដែលអាចធ្វើទៅបាន ប៉ុន្តែត្រូវមានឆន្ទៈក្នុងការផ្លាស់ប្ដូរពាក្យជានិច្ច។ ប្រសិនបើលើវេទិកា អ្វីៗមិនដូចការគ្រោងទុក ការចងចាំពាក្យថ្មីច្រើន អាចជួយយើងក្នុងការទម្លុះឧបសគ្គបាន ។

រវាងអ្នកនិយាយនិងទស្សនិកជន ពាក្យដែលគេធ្លាប់ឮ ជាទ្រឹស្ដីពេញនិយមច្រើនតែបង្កើតនូវការធុញទ្រាន់មិនយកចិត្តទុកដាក់។

ខាងក្រោមនេះជាគន្លឹះជួយ៖

១ ចេះនិយាយដោយប្រើសំឡេងធម្មជាតិ

ការភ្ជាប់ជាមួយបេះដូង ទស្សនិកជន អាចត្រូវបានខូចខាតដោយសំឡេងដែលមើលទៅ ត្បៀត ខំប្រឹងសម្ដែងបែបក្លែងក្លាយ” ឬ“ ល្អឥតខ្ចោះ” ។ ជាទូទៅគួរតែព្យាយាមនិយាយដោយសំឡេងសន្ទនា មានខុសត្រូវ សុំទោសឬស្អកស្អា។ល។

ចៀសវាងការនិយាយដោយប្រើសំឡេងដែលមើលទៅដូចបញ្ចូលកុន ឬមិនមែនខ្លួនយើង ដែលអាចធ្វើឲ្យខូចការ ដោយសារតែមនុស្សមិនយកចិត្តទុកដាក់លើពាក្យគន្លឹះបានទៀតសោះព្រោះគេមិនមែនមកមើលល្ខោនទេ។

២ រក្សាឲ្យខ្លីនិងច្បាស់

ប្រសិនបើត្រូវបានផ្ដល់ពេលត្រឹមតែ ១០ នាទីដើម្បីថ្លែងសុន្ទរកថា កុំបង្ខំខ្លួនឲ្យបំពេញពេលវេលាវែងតាមដែលគេបានបែងចែក។ និយាយអ្វីដែលត្រូវនិយាយ និងប្រើពេលវេលាដែលនៅសល់សម្រាប់សំណួរឬដើម្បីឲ្យស្ដាប់វិញ។

គោលបំណងសំខាន់នៃការថ្លែងសុន្ទរកថា គឺដើម្បីព្យាយាមធ្វើឲ្យអ្នកផងយល់ ហើយនោះប្រហែលជាមិនត្រូវការរយៈពេលលើកន្លះម៉ោងទេ។ ចង់ធ្វើឲ្យប្រាកដថាបទបង្ហាញយើងអាចរំលាយចូលក្នុងចិត្តពួកគេបានយ៉ាងងាយស្រួល គួរបញ្ចប់សុន្ទរកថាវែងបំផុតក្នុងរយៈពេល ១៥ នាទី សម្រាប់បើកសំណួរបញ្ជាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ ភ្ជាប់ជាមួយទស្សនិកជន

សុន្ទរកថាគឺដូចជាការសន្ទនាដែលត្រូវការទាក់ទងរវាងយើងទៅកាន់នរណាម្នាក់ ផ្សេងទៀត។ ក្នុងន័យនេះមិនខុសគ្នាទេ មិនថាអ្នកស្ដាប់មានតែម្នាក់ឬមួយពាន់នាក់។

យើងទាំងអស់គ្នា ដែលត្រូវបង្ខំឲ្យទទួលព័ត៌មានច្រើនក្នុងរយៈពេលដ៏ខ្លី អាចជាការពិបាកសម្រាប់កាត់បន្ថយការរំខាននានា ដូច្នេះដើម្បីបង្ហាញថាអ្វីដែលយើងកំពុងតែនិយាយពិតជាសំខាន់ត្រូវតែនិយាយសាច់ការ។

កុំស្នើសុំឲ្យពួកគេបិទទូរស័ព្ទ ព្រោះសម្រាប់មនុស្សខ្លះគេចូលចិត្តទុកកំណត់ត្រាការចាប់អារម្មណ៍របស់ពួកគេក្នុងទូរស័ព្ទ។

ការភ្ជាប់ទំនាក់ទំនងចិត្ត ជាមួយអ្នកស្ដាប់បានប្រកបដោយប្រសិទ្ធភាព គឺត្រូវដឹងអំពី ទស្សនិកជនគោលដៅខ្លួន សម្គាល់ភាសារាងកាយដែលមិនមែនជាពាក្យសំដី ព្រោះ ទិដ្ឋភាពនៃការនិយាយជាសាធារណៈនេះ មានសារៈសំខាន់ឬអត់គេនឹងបង្ហាញដោយមិនដឹងខ្លួនទេ៕

ប្រែសម្រួល៖ចម្រើន តារា

ចុចអាន៖អាថ៌កំបាំងធំ៤ ដែលមេដឹកនាំជាច្រើនមិនបានយល់ទាន់ពេលវេលា

ចុចអាន៖Patti LaBelle អះអាង បទ “I Will Always Love You” មិនមែនឱ្យ Whitney Houstonទេ!

Related Topics: