ចរិតលក្ខណៈដែលបង្ហាញថា យើងឈប់ជាកូនក្មេងទៀតហើយ – Kampuchea Thmey Daily
Connect with us

KPT+

ចរិតលក្ខណៈដែលបង្ហាញថា យើងឈប់ជាកូនក្មេងទៀតហើយ

Published

on

មនុស្សយើងមានការវិវត្តន៍ផ្នែករូបរាងកាយ និងចិត្តគំនិតជារៀងរាល់ថ្ងៃ។ ការវិវត្តន៍ខាងចិត្ត ត្រូវបានគេហៅថា ជាមនុស្សពេញវ័យឬជាមនុស្សចាស់ទុំ។ តើមនុស្សដែលចាស់ទុំ​ឬពេញវ័យមានលក្ខណៈសម្បត្តិយ៉ាងណា? ខាងក្រោមនេះជាចរិតលក្ខណៈដែលបង្ហាញថា នរណាម្នាក់លែងជាកូនក្មេងទៀតហើយ៖

ចេះគិតគូរពីអ្នកដទៃ

រូបតំណាង

ចិត្តអាណិតអាសូរជាផ្នែកមួយនៃមនុស្សចាស់ទុំ។ អ្នកចាស់ទុំពិតនឹងគិតពីអ្នកដទៃ ជំនួសឱ្យការគិតតែពីអារម្មណ៍របស់ខ្លួនឯង ឬយកតែចិត្តខ្លួនជាធំ។ គេតែងតែលះបង់សម្រាប់អ្នកដទៃជានិច្ច គឺមុនពេលដែលគេចង់ធ្វើតាមបំណងប្រាថ្នាផ្ទាល់ខ្លួន។ នៅពេលអ្នកផ្សេងទទួលបានជោគជ័យគេនឹងអបអរសាទរជាជាងច្រណែននឹងអ្នកដទៃ។

ចេះបន្ទាបខ្លួន និងធ្វើជាគំរូ

ប្រសិនបើនរណាជាមនុស្សដែលចាស់ចិត្តចាស់គំនិត គេនឹងមិនបណ្តោយឱ្យអំនួយណាមួយមកគ្របលើគេបានឡើយ។ មនុស្សចាស់ទុំនឹងប្រព្រឹត្ដចំពោះអ្នកដទៃដោយស្មើភាព និងដោយការគោរពមិនថាមានបញ្ហាអ្វីក៏ដោយ ហើយគេក៏នឹងមិនមានអារម្មណ៍ថា ចង់លើកតម្កើងខ្លួនឲ្យខ្ពស់ជាងអ្នកណាទាំងអស់។

ចេះបត់បែនតាមកាលៈទេសៈ

រូបតំណាង

អ្វីៗមិនតែងតែដូចអ្វីដែលបានគ្រោងទុក។ នៅពេលនរណាម្នាក់ក្លាយជាមនុស្សចាស់ចិត្តគំនិត នោះគេតែងមានសមត្ថភាពសម្របខ្លួនទៅនឹងស្ថានភាព។ ចរិតរឹងរូស មានៈ និងចង្អុលនេះចង្អុលនោះតាមតែចិត្ត គឺជាទង្វើដែលមនុស្សមិនទាន់គ្រប់អាយុធ្វើ។ ចំណែកអ្នកចាស់ទុំ គេមិនធ្វើរឿងទាំងនោះទេ ព្រោះគេជាមនុស្សដែលស្គាល់កាលៈទេសៈច្បាស់លាស់ ថាអ្វីគួរ ឬមិនគួរ។

មានចិត្តទូលាយ និងមិនចេះតែវិនិច្ឆ័យអ្នកដទៃ

ជាមនុស្សចាស់ម្នាក់តែងតែបើកចំហរចិត្តប៉ុនមេឃ ដោយមើលអ្វីៗក្នុងផ្លូវវិជ្ជមានជានិច្ច។ ល្អជាងការដើរចង្អុលមនុស្សដែលខុសពីខ្លួនថាបែបនេះ ឬបែបនោះ មនុស្សចាស់ទុំតែងមានឆន្ទៈចង់ភ្ជាប់គម្លាតរវាងគេនិងអ្នកដទៃឲ្យកាន់តែជិតស្និទ្ធ ដោយការកែលម្អគ្នា។

ចេះកែលម្អខ្លួន និងដឹងពីវិធីធ្វើឲ្យខ្លួនរីនចម្រើន

រូបតំណាង

ភាពចាស់ទុំមានន័យថា គេនឹងមិនចេះស្កប់ស្កល់ចិត្ត ហើយគិតថាខ្លួនមានភាពល្អឥតខ្ចោះ ឬចាស់ពេកឡើយ។ គេជឿថា គ្រប់យ៉ាងតែងតែមានកន្លែងខុសឆ្គងសម្រាប់ការកែលម្អជានិច្ច។ ជីវិតគឺជាការរៀនសូត្រ ហើយគេតែងតែព្យាយាមធ្វើខ្លួនឱ្យកាន់តែប្រសើរឡើងឥតឈប់៕

ប្រែសម្រួល៖ សន្យា

ចុចអាន៖ ​ស្វែងយល់រោគ​សញ្ញាជំងឺ Bipolar ដើម្បី​រក​ជំនួយ​​ព្យាបាលទាន់​ពេលវេលា

ចុចអាន៖ អ្នកមាន​ជំងឺ​ផ្លូវ​ចិត្ត មានស្នេហា​ដូច​មនុស្ស​ទូទៅ​ដែរ​ទេ?

ចុច Like Facebook កម្ពុជាថ្មី

ព័ត៌មានជាតិ4 hours ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ4 hours ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ4 hours ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ5 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ5 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម