KPT+

ពង្រឹងបណ្ដាញ (the network group) កាន់តែប្រសើរឡើង

បានផុស

៤ years មុន

នៅ

ថ្ងៃពុធ ១៤ តុលា ២០២០

ដោយ

បណ្ដាញពិតជាមានសារៈសំខាន់គ្រប់អាជីព។ យុទ្ធសាស្ត្រមួយចំនួនដើម្បីបង្កើតបណ្ដាញក៏ដូចពង្រឹងទាំងក្នុងពេលមានវិបត្តិមេរោគនិងទៅអនាគតអាចជា៖

១. ផ្ដើមគំនិតផ្ដួចផ្ដើមដើម្បីប្រយោជន៍សាធារណៈ

មនុស្សជាច្រើនបានផ្ដល់ពេលវេលា ថវិកានិងអ្វីៗជាច្រើនទៀតដើម្បីជួយដល់អ្នកដែលខ្វះខាតក្នុងអំឡុងពេលនេះ។ ជំនួយដែលមានមេត្តាករុណា កំពុងបង្កើតឱកាសថ្មីៗ ដើម្បីពង្រីកបណ្ដាញរបស់យើងផងដែរ។

តាមរយៈការជួយអ្នកដទៃតាមអង្គការសប្បុរសធម៌ ឱកាសការងារស្ម័គ្រចិត្ត ឬបង្កើតជំនួយដើម្បីជួយដល់ក្រុមហ៊ុនដែលមានតម្រូវការ យើងនឹងជួបមនុស្សថ្មី។ នៅក្នុងវេនអន្តរកម្មទាំងនោះ ភ្ជាប់យើងជាមួយនឹងឱកាសរៀនសូត្រអាជីវកម្ម និងការអភិវឌ្ឍន៍។

២. វគ្គសិក្សាតាមអ៊ីនធឺណិតឬគេហទំព័រ

យើងអាចចុះឈ្មោះនិងចូលរួមព្រឹត្តិការណ៍តាមអ៊ីនធឺណិតរបស់អង្គការផ្សេងទៀត ដើម្បីបង្កើតខ្លួនឯង។ ដូច្នេះអនុញ្ញាតឲ្យយើងបានដាក់ខ្លួនឯងនៅចំពោះមុខមិត្តឧស្សាហកម្មរបស់យើង ដែលមិនធ្លាប់បានជួបពួកគេពីមុនមក។

ឧទាហរណ៍យើងអាចអភិវឌ្ឍវគ្គសិក្សាតាមអ៊ីនធឺណិតលើប្រធានបទអ្នកដឹកនាំ ដែលមានគំនិតដូចគ្នា បន្ទាប់មកចែករំលែកវានៅលើគេហទំព័រផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. របាយការណ៍ដែលអាចទាញយកបាន

ជម្រើសផ្សេងទៀតដែលពាក់ព័ន្ធនឹងការបង្កើតអ្វីមួយដែលមានតម្លៃ អាចជួយយើងទាក់ទាញទំនាក់ទំនងបណ្ដាញថ្មី។ មិនថាយើងមានគោលបំណងឡើងវិញនូវមាតិកាដែលមានស្រាប់ឬបង្កើតការស្រាវជ្រាវនិងការសិក្សាថ្មីៗនោះទេ មាតិកាដែលផ្ដល់នូវប្រយោជន៍ដល់អ្នកដែលមាននៅក្នុងបញ្ជីទំនាក់ទំនងរបស់យើង គឺពួកគេសុទ្ធតែអាចទាញយកបានទាំងអស់។

៤. សហគមន៍តាមអ៊ីនធឺណិត

បច្ចុប្បន្ននេះរបៀបដែលយើងធ្វើការនិងអន្តរកម្មអង្គការឧស្សាហកម្ម និងក្រុមហ៊ុនដែលមានស្រាប់ត្រូវផ្លាស់ប្ដូរតាមអ៊ីនធឺណិតដើម្បីទៅដល់សមាជិកនិងសហសេវិករបស់ពួកគេ។ ប្រសិនបើយើងជាសមាជិកនៃឧស្សាហកម្មពាណិជ្ជកម្មទាំងនេះ យើងប្រហែលជាបានទទួលព័ត៌មានពីការចូលរួមក្រុមពិភាក្សា និងព្រឹត្តិការណ៍ជាក់ស្ដែងរបស់ពួកគេ។

យើងក៏អាចស្វែងរកសហគមន៍បន្ថែមដូចជា Google ឬ Bing ក៏ដូចជាតាមរយៈវេទិកាដូចជា LinkedIn និងហ្វេសប៊ុកជាដើម។ នេះនឹងជួយយើងឲ្យរកឃើញឱកាសផ្សេងទៀត សម្រាប់ការចូលរួមនិងបណ្ដាញគោលដៅផងដែរ។

៥. សារផ្ទាល់ខ្លួន

កុំធ្វេសប្រហែសឱកាសដើម្បីអភិវឌ្ឍទំនាក់ទំនងជាមួយបណ្ដាញ ដែលមានស្រាប់របស់យើងឲ្យសោះ។ អន្តរកម្មស្មោះត្រង់អាចទទួលបានលទ្ធផលនៅក្នុងអាជីវកម្មថ្មី ឬពង្រីកវិសាលភាពនៃបណ្ដាញរបស់យើង។ ត្រូវអត់ធ្មត់និងចំណាយពេលច្រើននៅពេលមានទំនាក់ទំនង ព្យាយាមធ្វើឬផ្ញើសារតាមអ៊ីមែលនីមួយៗឲ្យសកម្មបន្តិច។

ទោះបីនេះជាពេលវេលាដ៏លំបាកសម្រាប់យើងភាគច្រើនក៏ដោយ តែជារឿងសំខាន់ដើម្បីបន្តធ្វើការលើទំនាក់ទំនងមនុស្សទាំងនោះ។ ការពង្រឹងចំណងក្នុងពេលមានវិបត្តិ នឹងផ្ដល់នូវការត្រឡប់មកវិញដល់ការខិតខំប្រឹងប្រែងរបស់យើង នៅពេលដែលពេលណាស្ថានភាពល្អប្រសើរវិញ៕

ប្រែសម្រួល ៖ សាង ស្រីល័ក្ខ

ចុចអាន៖៥គន្លឹះ ទប់លំហូរសាច់ប្រាក់អាជីវកម្មបានយ៉ាងល្អ

ចុចអាន៖ធ្លាប់បានត្រឹមគិត ហើយមិនដែលក្រោកមកធ្វើសកម្មភាព? មានវិធីផ្លាស់ប្ដូរ

Related Topics: