ព័ត៌មានជាតិ

លោកឧត្ដមសេនីយ៍ រ័ត្ន ស្រ៊ាង ៖ អាវុធហត្ថគ្រប់រូប ត្រូវតែឆ្លងកាត់ម៉ាស៊ីនបាញ់ថ្នាំសម្លាប់មេរោគជាមុនសិន មុនចូលអង្គភាព

បានផុស

៤ years មុន

នៅ

ថ្ងៃពុធ ១១ វិច្ឆិកា ២០២០

ដោយ

លោកឧត្តមសេនីយ៍ឯក រ័ត្ន ស្រ៊ាង បានចេញនូវបទបញ្ជានិងផែនការយុទ្ធសាស្ត្រដល់មន្ត្រីអាវុធហត្ថរាជធានី និងតាមបណ្តាខណ្ឌទាំង១៤ ត្រូវតែឆ្លងកាត់ម៉ាស៊ីបាញ់ថ្នាំសម្លាប់មេរោគជាប្រចាំទាំងមនុស្សទាំងយាន្តជំនិះ នឹងត្រូវពាក់ម៉ាស់ជានិច្ច និងគ្រប់ពេលធ្វើដំណើរឆ្លងកាត់ច្រកទ្វារចេញចូលអង្គភាព ដើម្បីបញ្ចៀសជំងឺកូវីដ-១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេសមេបញ្ជាការកងរាជអាវុធហត្ថរាជធានីភ្នំពេញ បានចេញបទបញ្ជាជាប្រចាំថ្ងៃតែម្ដង ដល់មន្ត្រីអាវុធហត្ថទាំងអស់ កុំភ្លេចធ្វើអនាម័យនិងហាត់ប្រាណជាប្រចាំ ដើម្បីបញ្ចៀសជំងឺកូវីដ-១៩ ក្រៅពីភារកិច្ចការពារសុខទុក្ខជូនពលរដ្ឋ ២៤ម៉ោងលើ២៤ម៉ោងនោះ។

លោកឧត្តមសេនីយ៍ឯក រ័ត្ន ស្រ៊ាង បានថ្លែងថា មន្ត្រីអាវុធហត្ថរាជធានីភ្នំពេញ គ្រប់បណ្តាខណ្ឌនិងការិយាល័យទាំងអស់ ត្រូវតែប្រុងប្រយ័ត្នគ្រប់ពេល ធ្វើអនាម័យផ្ទាល់ខ្លួនជានិច្ច គឺរស់នៅស្អាត ហូបចុកស្អាតនិងមានកន្លែងធ្វើការស្អាតផងដែរ ដើម្បីបង្ការ ការពារ ទប់ស្កាត់ការឆ្លង មេរោគកូវីដ១៩ ដែលបានរាតត្បាតស្ទើរពេញប្រទេស និងពិភពលោកនោះតែម្ដង។ លោកឧត្តមសេនីយ៍ឯក បានបញ្ជាក់បន្ថែមថា ចំពោះមន្ត្រីអាវុធ ដែលបម្រើការងារនៅគ្រប់បណ្តាខណ្ឌនិងទីបញ្ជាការអាវុធហត្ថរាជធានី ទាំងអស់បើមានជំងឺផ្សេងៗពិសេសសង្ស័យនឹងជំងឺCOVID-19នោះ គឺត្រូវប្រញាប់ទៅមន្ទីរព្យាបាលរដ្ឋធំៗបន្ទាន់ ដើម្បីឲ្យគ្រូពេទ្យឯកទេសតាមដានបន្តទៀត ជៀសវាងការលាក់លៀមដាច់ខាត។ លោកឧត្តមសេនីយ៍ឯក រ័ត្ន ស្រ៊ាង បានបញ្ជាក់ទៀតថា ការរស់នៅស្អាត ការហូបចុកស្អាត ទីកន្លែងធ្វើការស្អាត និងកន្លែងស្នាក់នៅស្អាត វានឹងឈ្នះនូវអ្វីៗទាំងអស់ពិសេសឈ្នះនៅមេរោគកូវីដ១៩ នេះតែម្តង៕

អត្ថបទ៖ វិមាន

សូមចុចអាន៖ អ្នកតំណាងរាស្ត្រខ្មែរ ដែលកំពុងសម្រាកព្យាបាល ចេញសារគ្រើនរំលឹក

Related Topics:ការពារខ្លួន