ព័ត៌មានជាតិ
កាត់ទោសក្រុមឧក្រិដ្ឋកម្មចិន ឆ្លងដែនចាប់ចិនជំរិតទារប្រាក់
ក្រុមប្រឹក្សាជំនុំជំរះ សាលាដំបូងរាជធានីភ្នំពេញ នាព្រឹកថ្ងៃទី១២វិច្ឆិកា ឆ្នាំ២០២០នេះ បានបើកសវនាការកាត់ទោស ក្រុមឧក្រិដ្ឋកម្មជនជាតិចិន ដែលបានឆ្លងដែន មកចាប់ជនជាតិចិនដូចគ្នាជំរិតទារប្រាក់លើទឹកដីកម្ពុជា។
ជនជាប់ចោទដែលតុលាការកម្ពុជាកាត់ទោសទី១ ឈ្មោះ Wang Wen ភេទប្រុស អាយុ៤៨ឆ្នាំ ជនជាតិចិន, ទី២ឈ្មោះ Zhou Huan ភេទប្រុស អាយុ៣៨ឆ្នាំ ជនជាតិចិន ។
តាមអំណានរបាយការណ៍ តុលាការបានចោទប្រកាន់បុរសជនជាតិចិនទាំង២នាក់ពីបទ « បង្ខាំមនុស្សខុសច្បាប់ » ប្រព្រឹត្តនៅចំណុចខុនដូរមេគង់ប្យូ ក្រុមទី១ ភូមិ៣ ផ្លូវកែវ ចិន្ដា សង្កាត់ជ្រោយចង្វា ខណ្ឌជ្រោយចង្វា កាលពីអំឡុងខែមិនា ឆ្នាំ២០២០ ដល់ថ្ងៃទី ១៥ឧសភា ឆ្នាំ២០២០ ។ ប្រឈមមុខបទចោទប្រកាន់នេះ នៅក្នុងសវនាការ ក្រុមជនជាប់ចោទបានបដិសេធថា ពួកគេមិនបានប្រព្រឹត្តកំហុសចាប់បង្ខាំងមនុស្ស ដើម្បីជំរិតទារប្រាក់ឡើយ ហើយពួកគេ ក៏មិនដែលស្គាល់ជនរងគ្រោះឡើយ។
លោក Zhou Hao ភេទប្រុស ជនជាតិចិន ជាជនរងគ្រោះ មិនបានបង្ហាញខ្លួន នៅក្នុងសវនាការទេ ព្រោះក្រោយរំដោះខ្លួន លោកបានត្រឡប់ទៅស្រុកកំណើតវិញហើយ។ តាមរបាយការណ៍សមត្ថកិច្ចបានបង្ហាញថា ចាប់ពីអំឡុងខែមិនា ឆ្នាំ២០២០ដល់ថ្ងៃទី ១៥ឧសភា ឆ្នាំ២០២០ លោកZhou Hao ត្រូវបានជនជាតិចិនមួយក្រុមមានគ្នាប្រមាណ៨នាក់ បានចាប់បង្ខាំងទុក នៅក្នុងខុនដូរមេគង់ប្យូ ស្ថិតនៅក្នុងក្រុមទី១ ភូមិ៣ ផ្លូវកែវ ចិន្ដា សង្កាត់ជ្រោយចង្វា ខណ្ឌជ្រោយចង្វា ដើម្បីជំរិតទារប្រាក់ ហើយត្រូវបានសមត្ថកិច្ចកម្ពុជាបង្ក្រាប និងចាប់បានជនជាតិចិនចំនួន៨នាក់ និងរំដោះជនរងគ្រោះផុតពីគ្រោះថ្នាក់។
ក្នុងនីតិវិធីស៊ើបអង្កេតរបស់តុលាការ ចៅក្រមស៊ើបសួរបានដោះលែងជនសង្ស័យអស់៦នាក់ ដែលមិនមានការពាក់ព័ន្ធ នៅសល់ជនជាប់ចោទ២នាក់ ដែលត្រូវបញ្ជូនមកកាត់ទោសនេះ។ នៅក្នុងសវនាការ លោក គុជ គឹមឡុង ជាតំណាងអយ្យការនិងជាអ្នកនាំពាក្យអយ្យការអមសាលាដំបូង បានធ្វើសេចក្ដីសន្និដ្ឋានរក្សាទុកបទចោទប្រកាន់ដដែល និងស្នើឲ្យក្រុមប្រឹក្សាតុលាការសម្រេចតាមច្បាប់។ ចៅក្រមតុលាការបានសម្រេចកំណត់យកថ្ងៃទី ០៣ធ្នូ ឆ្នាំ២០២០ ដើម្បីប្រកាសសាលក្រម៕
អត្ថបទ៖ មករា
សូមចុចអាន៖ យកលុយក្លែងក្លាយបង់ថ្លៃផាកពិន័យ ប៉ូលិសឃាត់ខ្លួនឃើញទាំងគ្រឿងញៀន
ជប៉ុនផ្ដល់១៨២,០៣៥ ដុល្លារអាមេរិក សម្រាប់ការពង្រឹងការថែទាំសុខភាពសហគមន៍ក្នុងខេត្តកំពង់ចាម
ឧកញ៉ា ឌួង ឆាយ ទម្លាយរឿងក្នុងចិត្តកាន់តែច្បាស់ ក្រោយដំណឹងលែងលះភរិយា
ក្តៅៗ! សមត្ថកិច្ចបញ្ចេញរូបភាពឃាតកដៃដល់ ដែលបាញ់នាយរងការិយាល័យព្រហ្មទណ្ឌកម្រិតស្រាល
ល្ខោនចាប់ផ្តើមសម្តែង ! លោកស្រី មូរ សុខហួរ និងក្រុមអ្នកស្ម័គ្រស្មោះ បានចាប់ផ្តើមចេញដំណើរមកកម្ពុជា
យានយន្តចំនួន៩៣៥គ្រឿង ត្រូវបានត្រួតពិនិត្យ និងផាកពិន័យ នៅថ្ងៃទី១៥ ខែមករានេះ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ1 day agoអ្នកនាំពាក្យបដិសេធព័ត៌មានថាកងទ័ពឆត្រយោង ម្នាក់ធ្លាក់ស្លាប់
-
ព័ត៌មានជាតិ1 week agoអ្នកគ្រូណាលី ធ្លាប់ទៅរៀនគ្រូដើម ៣ ប្រទេស ឆ្លងកាត់ហុងស៊ុយអូឌីត ទទួលស្គាល់ជាអន្តរជាតិ
-
ព័ត៌មានជាតិ1 week agoរកឃើញមិនពាក់ព័ន្ធ សម្រេចដោះលែងប្រពន្ធជនដៃដល់បាញ់សម្លាប់នាយរងប៉ូលិស ឲ្យមានសេរីភាពវិញ
-
ព័ត៌មានអន្ដរជាតិ1 week agoដំណឹងល្អ! ប្រទេសមានប្រាក់ចំណូលទាប នឹងទទួលបានវ៉ាក់សាំងកូវីដក្នុងខែនេះ
-
ព័ត៌មានជាតិ4 hours agoក្តៅៗ! សមត្ថកិច្ចបានបាញ់សម្លាប់ ឃាតកបាញ់នាយរងការិយាល័យព្រហ្មទណ្ឌកម្រិតស្រាល ស្លាប់មុននេះ
-
ព័ត៌មានជាតិ4 days agoបន្ទាន់! ផ្ទុះជំងឺផ្តាសាយបក្សី (H5N1) បណ្ដាលឲ្យមាន់ជាង១ពាន់ក្បាលងាប់
-
ព័ត៌មានអន្ដរជាតិ7 days agoទីបំផុត លោក Duterte ចេញមុខលូកដៃរឿងនារីអូតែស ហ្វីលីពីន
-
ព័ត៌មានជាតិ16 hours agoលោក ទិត្យ វិច្ឆិកា រំលឹកពាក្យពីរម៉ាត់របស់គ្រូឆត្រយោងដែលពលីជីវិត