ព័ត៌មានជាតិ

ជំនន់ទឹកភ្លៀងសម្លាប់មនុស្ស៣៩នាក់ និងប៉ះពាល់ជិត៥០ម៉ឺននាក់ នៅក្នុងប្រទេសកម្ពុជា

បានផុស

៤ years មុន

នៅ

ថ្ងៃសុក្រ ២៣ តុលា ២០២០

ដោយ

Sorn Phanith

គ្រោះមហន្តរាយទឹកជំនន់ បានសម្លាប់ពលរដ្ឋកម្ពុជាចំនួន៣៩នាក់ ហើយនៅតាមខេត្តចំនួនចំនួន៧និងប៉ះពាល់ដល់មនុស្សជិត៥០ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គន់ គីម អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថា គិតពីថ្ងៃទី០១ ខែកញ្ញា រហូតដល់ថ្ងៃទី២២ ខែតុលា ឆ្នាំ២០២០ ខេត្តដែលមានប្រជាពលរដ្ឋរងគ្រោះបាត់បង់ជីវិត ដោយជំនន់ទឹកភ្លៀងនេះរួមមាន ខេត្តពោធិ៍សាត់ ៦នាក់, បន្ទាយមានជ័យ ២២នាក់, ប៉ៃលិន ១នាក់, ព្រះសីហនុ ២នាក់, កំពង់ធំ ៦នាក់, ស្ទឹងត្រែង ១នាក់ និងកំពង់ឆ្នាំង ១នាក់។

លោក គន់គីម បានបន្តថា ក្រៅពីនេះគ្រោះទឹកជំនន់ បានធ្វើឲ្យប៉ះពាល់ប្រជាពលរដ្ឋប្រមាណ ១២០,៧៨៥គ្រួសារ ស្មើនឹង ៤៨៣,១៤០នាក់ ដោយបង្កឲ្យខូចហេដ្ឋារចនាសម្ព័ន្ធជាច្រើនផងដែរក្នុងនោះមានផ្ទះរងផលប៉ះពាល់ប្រមាណ ១១ម៉ឺនខ្នង និង ខូចខាតជាង ៦៣ខ្នង, សាលារៀន៧០៧កន្លែង វត្ត១៣០កន្លែង អគារមន្ទីរពេទ្យ១៨កន្លែង ប៉ះពាល់សន្ទូង និងដំណាំផ្សេងៗជាង៣០ម៉ឺនហិកតា ប៉ះពាល់ផ្លូវជាតិនិងផ្លូវលំជនបទប្រមាណ២១៥០៥៤៧ម៉ែត្រ៕