ព័ត៌មានជាតិ
ផ្អាកការជួបជុំ និងប្រារព្ធពិធីណូអែលឬពិធីផ្សេងៗជាបណ្តោះអាសន្ន
គ្រិស្តបរិស័ទកម្ពុជាបានណែនាំដល់ បរិស័ទគ្រប់គណៈនិកាយ ឲ្យផ្អាកការជួបជុំការប្រារព្ធពិធីណូអែលឬពិធីផ្សេងៗ ជាបណ្តោះអាសន្នរយៈពេល២សប្តាហ៍ ដើម្បីចូលរួមទប់ស្កាត់ការឆ្លងរាលដាលជំងឺកូវីដ-១៩។
ការហាមប្រាមនេះ ធ្វើឡើងបន្ទាប់ពីកម្ពុជាឆ្លងជំងឺកូវីដ១៩ចូលទៅក្នុងសហគមន៍ជាលើកដំបូង ដែលមានឈ្មោះថា«ព្រឹត្តិការណ៍សហគមន៍២៨ វិច្ឆិកា»ដែលមានអ្នកជាប់ពាក់ព័ន្ធនឹងព្រឹត្តិការណ៍រហូតដល់ចំនួន៨៧៦៦នាក់ ហើយក្នុងនោះមាន១៩នាក់មានវិជ្ជមានវីរុសកូវីដ១៩និងនៅសល់វត្ថុសំណាកចំនួន៩៦នាក់ទៀតកំពុងវិភាគនៅថ្ងៃទី៣ធ្នូនេះ។
បើតាមលោក សៀ សុភ័ក្ត្រ តំណាងឲ្យគ្រិស្តបរិស័ទកម្ពុជា បានឲ្យដឹងនៅក្នុងសេចក្តីណែនាំស្តីពីការទប់ស្កាត់ ការឆ្លងរាលដាលជំងឺកូវីដ-១៩ចូលសហគមន៍ ក្នុងអំឡុងពេលព្រឹត្តិការណ៍សហគមន៍២៨ វិច្ឆិកាឆ្នាំ២០២០ឲ្យដឹងថា«សូមបរិស័ទគ្រប់គណៈនិកាយផ្អាកជាបណ្តោះអាសន្ននូវរាល់សកម្មភាពនៃការជួបជុំគ្នាតាមរយៈពិធីសាសនានានាក្នុងរយៈពេល១៥ថ្ងៃដើម្បីចូលរួមទប់ស្កាត់ការចម្លងជំងឺកូវីដ១៩កុំឲ្យរីករាលដាលចូលក្នុងសហគមន៍»។
ជាមួយគ្នានេះដែរ លោកបានធ្វើការអំពាវនាវដល់ព្រឹទ្ធបូជាចារ្យលោកអភិបាលបូជាចារ្យព្រឹទ្ធាចារ្យគ្រូគង្វាល និងថ្នាក់ដឹកនាំគ្រិស្តបរិស័ទ គ្រប់គណៈនិកាយ ឲ្យចូលរួមអនុវត្តការការពារ និងទប់ស្កាត់ឲ្យបានខ្ជាប់ខ្ជួន តាមវិធានរបស់ ក្រសួងសុខាភិបាល និងសូមផ្អាកការជួបជុំ ដូចជា ការថ្វាយបង្គំការប្រារព្ធពិធីណូអែល ឬពិធីផ្សេងៗ ជាបណ្តោះអាសន្ន ចាប់ពីថ្ងៃផ្សព្វផ្សាយនេះតទៅរហូតដល់មានការប្រកាសឲ្យមានការជួបជុំឡើងវិញ។ លោកបានបន្តទៀតថា ចំពោះរាជធានីភ្នំពេញ ខេត្តសៀមរាប និងខេត្តប្រឈមខ្លាំង ដោយធ្វើការថ្វាយបង្គំតាមផ្ទះនិងតាមអនឡាយ(online) មិនឲ្យលើសពី២០នាក់និងត្រូវអនុវត្តន៍តាមវិធានការណែនាំរបស់ក្រសួងសុខាភិបាល ក្នុងការរក្សាគម្លាតសុវត្ថិភាពសង្គមឲ្យបានត្រឹមត្រូវ។
ចំពោះខេត្តនានាដែលមិនពាក់ព័ន្ធជាមួយព្រឹត្តិការណ៍សហគមន៍២៨វិច្ឆិកា ត្រូវធ្វើការថ្វាយបង្គំព្រះ ជាក្រុមតូចៗមិនឲ្យលើសពី២០នាក់ ឬតាមអនឡាញ (Online) ឬនៅតាមផ្ទះរៀងៗ ខ្លួន ដោយអនុវត្តខ្ជាប់ខ្លួនតាមវិធានការណែនាំរបស់ក្រសួងសុខាភិបាលនិងអង្គការសុខភាពពិភពលោក(WHO)។ លោកបានណែនាំទៀតថា ក្នុងករណី ដែលមានការសង្ស័យថា មានជំងឺកូវីដ-១៩ ជាយថាហេតុ គណៈដឹកនាំវិហារនីមួយៗ ប្រញាប់រាយការណ៍ជាបន្ទាន់មកអាជ្ញាធរមូលដ្ឋាន ឬមណ្ឌលសុខភាពដែលជិតបំផុត។ លោក សៀ សុភ័ក បានស្នើឲ្យគ្រិស្តបរិស័ទកម្ពុជាយកឱកាសនេះ ដើម្បីថ្វាយបង្គំអធិដ្ឋានបួងសួងដល់ព្រះអង្គម្ចាស់យេស៊ូវគ្រីស្ទ សម្រាប់ប្រទេសជាតិយើងរួចផុតពីជំងឺឆ្លងកូវីដ-១៩នេះ គ្រប់ ពេលវេលាដែលអាចធ្វើបាន៕
អត្ថបទ៖ សំអឿន
សូមចុចអាន៖ គ្រប់គ្នាខ្វល់ពីអ្នកជំងឺកូវីដ-១៩ ចុះអ្នកមានខ្វល់ពីខ្ញុំជាគ្រូពេទ្យដែរឬទេ?
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
ដុតទៀនធូបសែនចូលឆ្នាំចិន ចាក់សោរទុកចោលក្លាយជាអគ្គិភ័យឆេះផ្អើលអ្នកជិតខាង
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១៤ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៥ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក