ព័ត៌មានជាតិ
អាជីវករប្តូរប្រាក់ នាំគ្នាប្រុងប្រយ័ត្នពេលដោះដូរប្រាក់សុទ្ធតែបាញ់អាល់កុល
អាជីវករប្តូរប្រាក់និងលក់មាសនៅផ្សារច្បារអំពៅ បានឲ្យដឹងថា សព្វថ្ងៃនេះ ពួកគាត់មានការប្រុងប្រយ័ត្ននៅពេលទទួលប្រាក់ពីម៉ូយមកទិញដូរ។
អាជីវករ ម្នាក់សុំមិនបញ្ចេញឈ្មោះ បានឲ្យដឹងនៅព្រឹកថ្ងៃទី៩ ខែធ្នូនេះថា ចាប់តាំងពីផ្ទុះជំងឺកូវីដ១៩នាដើមឆ្នាំ២០២០ មកពួកគាត់ជាអ្នកប្តូរប្រាក់និងលក់មាសតែងយកចិត្តទុកដាក់ ក្នុងការទទួលប្រាក់ពីម៉ូយ ដោយបាញ់ទឹកអាល់កុលលើក្រដាសប្រាក់ ហើយពេលរាប់ប្រាក់ក៏មានពាក់ស្រោមដៃនិងពាក់ម៉ាសទៀតផង។ ចំពោះការប្រកាសព័ត៌មានរបស់ក្រសួងសុខាភិបាល ស្តីពីជំងឺកូវីដ១៩ងាយនឹងឆ្លង តាមរយៈក្រដាសប្រាក់នេះ គឺពិតប្រាកដណាស់ហើយ ក្នុងនោះបងប្អូនអាជីវករបានយល់ដឹងពីការចម្លងរោគតាមរយៈក្រដាសប្រាក់នេះយូរមកហើយ។ បងប្អូនអាជីវករបានបន្តទៀតថា នៅកន្លែងប្តូរប្រាក់និងលក់មាស គឺមិនសូវមានក្រដាសប្រាក់ចាស់ៗមកទិញឡើយ។ ខុសប្លែកពីកន្លែងលក់ដូរត្រីសាច់ ដែលច្រើនប្រើប្រាស់ក្រដាសប្រាក់ចាស់ៗ ហើយបើមានក៏ពួកគាត់ បានយកទៅបង់ជូនគណៈកម្មការផ្សារ ដែលជាកន្លែងទំនាក់ទំនងទៅធនាគារផ្ទាល់។
បងប្អូនអាជីវករប្តូរប្រាក់ ក៏សំណូមពរទទូចទៅធនាគារ សូមមេត្តាទទួលយកក្រដាសប្រាក់ចាស់ៗ រួចប្តូរក្រដាសប្រាក់រៀលថ្មីៗយកមកចរាចរលើទីផ្សារ ព្រោះបច្ចុប្បន្នក្រដាសប្រាក់ចាស់ៗ គឺភាគច្រើនធ្លាក់ទៅលើប្រជាពលរដ្ឋ ដែលប្រកបរបរតាមកញ្ច្រែងកញ្ជើប៉ុណ្ណោះ។
យោងតាមប្រសាសន៍របស់លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល វីរុសកូវីដ-១៩ អាចរស់នៅលើក្រដាសប្រាក់ កញ្ចក់ និងផ្ទៃផ្សេងៗ រហូតដល់ ២៨ថ្ងៃឯណោះ បើប្រៀបទៅនឹងវីរុសផ្តាសាយធម្មតាមានប្រហែលជា ១៧ថ្ងៃ។ ដូច្នេះការលាងសម្អាតដៃ រាល់ពេលចាប់កាន់វត្ថុដូចជាតេឡេកុម្ម៉ង់ ទូរស័ព្ទអ្នកដទៃ កញ្ចក់ ក្រដាសប្រាក់ ឫក្រដាសស្នាមផ្សេងៗ មានសារសំខាន់មែនទែន ក្រោយកាន់ភ្លាម លាងភ្លែត ឲ្យបានញឹកញាប់ ជាការចាំបាច់បំផុតក្នុងពេលនេះ ដែលវីរុសកូវីដ-១៩ កំពុងតែចរាចរ មិនដឹងថានៅទីណានិងដល់ទីណាខ្លះនោះទេ។
លោកជំទាវដែលជាមន្រ្តីអ្នកនាំពាក្យបានលើកឡើងថា ក្រសួងសុខាភិបាលបានខិតខំទាំងយប់ទាំងថ្ងៃ មិនបានសម្រាកទេ ដើម្បីកាត់ផ្តាច់ខ្សែចម្លងរបស់មេរោគ តែអាស្រ័យលើការចូលរួមរបស់បងប្អូនទាំងអស់ លើការអនុវត្តន៍តាមការណែនាំ និងវិធានការសុខាភិបាល ដែលបានដាក់ចេញរួចហើយនេះ៕
អត្ថបទ៖ នរា
សូមចុចអាន៖ ទោះមានវ៉ាក់សាំងការពារ តែពលរដ្ឋត្រូវរក្សាការប្រុងប្រយ័ត្នដដែល
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore