ព័ត៌មានជាតិ

កសិករដាំម្រេចនៅ ឃុំវាលវែងទទួលបានទិន្នផលខ្ពស់

បានផុស

៤ years មុន

នៅ

ថ្ងៃសុក្រ ១១ ធ្នូ ២០២០

ដោយ

ដំណាំម្រេចធ្លាប់តែដាំដុះនៅក្នុងខេត្តកំពត ខេត្តកំពង់ចាម ខេត្តរតនគិរី ខេត្តមណ្ឌលគិរី ខេត្តស្ទឹងត្រែង ខេត្តក្រចេះ តែឥឡូវនេះមានអ្នកដាំម្រេច កំពតពូជម្រេចខ្មែរមួយនេះ ត្រូវបានក្រុមហ៊ុនខេស៊ីស៊ីវី KCCV ផ្លេនថេសិន បានយកមកដាំនៅវាលវែងភូមិសាស្ត្រ ដែលគ្រប់ជំនាន់មក មិនដែលឃើញគេដាំម្រេច ក្នុងតំបន់ទាំងនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គឹម សួគ៌ ម្ចាស់ចម្ការម្រេចក្នុងឃុំវាលវែង ស្រុកអូរសោម ខេត្តពោធិ៍សាត់នាំមកដាំជាឆ្នាំដំបូងតាំងពី ២០១៦កន្លងទៅឃើញថា ទទួលបានទិន្នផលខ្ពស់គួរសម ដោយក្នុង១ហិកតាទទួលបានជាង២តោន ដែលជាបរិមាណប្រហាក់ប្រហែលទៅនឹងខេត្តកំពត ផងដែរ។ លោក គឹម សួគ៌ បានសម្តែងនូវទឹកចិត្តស្រឡាញ់មុខរបរកសិកម្ម ក្នុងការដាំម្រេចនេះថា អាស្រ័យដោយសារការយល់ឃើញមិនថាផ្លូវជិត ឬផ្លូវឆ្ងាយនោះទេ ឲ្យតែដីមានអំណោយផលក្បែរជើងភ្នំក្រវ៉ាញ ដោយអាកាសធាតុមិនក្តៅហើយក៏មិនត្រជាក់ពេក និងមានទេសភាពដ៏ស្រស់ត្រកាលផងជាទីទាក់ទាញភ្ញៀវទេសចរណ៍ ទើបរូបលោកសម្រេចចិត្តជ្រើសរើសយកតំបន់វាលវែងនេះ ដាំម្រេចដំបូងគេ។ ម្យ៉ាងទៀតម្រេចងាយឲ្យផល និងមានទីផ្សារទៅក្រៅប្រទេស។

នៅក្នុងផ្ទៃដីជាង១០ហិកតា ដែលជាកម្មសិទ្ធិផ្ទាល់របស់លោកក្នុងការដាំម្រេចនេះ ក៏មានអ្នកដាំម្រេចជិតនោះ ដែលមានចំនួន១០នាក់ ដែលសុទ្ធតែជាចម្ការម្រេចទាំងអស់។ ម្រេចខ្មែរពូជខេត្តកំពតនេះ មានម្រេចខ្មែរ ម្រេចស និងម្រេចពណ៌ក្រហម ដែលមានរសជាតិប្លែកៗពីគ្នាដោយម្រេចសមានរសជាតិឆ្ងាញ់ ដោយសារបណ្តូលវានិងម្រេចក្រហមមានរសជាតិផ្អែមតិចៗ ហើយឈ្ងុយបានធ្វើការនាំចេញទៅប្រទេសបារាំង និងអឺរ៉ុបក្នុងឆ្នាំ២០១៦កន្លងទៅបានប្រមាណ៤០តោន៕

អត្ថបទ៖ កញ្ញា វ៉ាត

សូមចុចអាន៖ ត្រីចំរុះរាប់ពាន់ក្បាលហែលចេញពីកន្លែងអភិរក្ស វិលទៅតំបន់អភិរក្សនៅស្ទឹងសិរិសោភ័ណជាប់និងផ្សាររាត្រីវិញ

Related Topics:ដំណាំម្រេច