ព័ត៌មានជាតិ
ធ្លាក់ខ្យល់ពីជើង ត្រីស្រែដាក់លក់ពេញទីផ្សារ និងមានតម្លៃសមរម្យ
ប្រជាពលរដ្ឋបាននិយាយថា នៅប៉ុន្មានថ្ងៃនេះ ចំពេលធ្លាក់ខ្យល់ពីជើងគេសង្កេតឃើញត្រី ស្រែ ក្តាម និងកង្កែបធម្មជាតិដាក់លក់ពេញទីផ្សារ ធ្វើឲ្យអ្នកលក់សប្បាយចិត្ត ខណៈដែលអ្នកនិយមពិសាទិញយកទៅធ្វើម្ហូប។

ភ្ញៀវម្នាក់ឈ្មោះ សុជាតិ មិនា ដែលបានចូលទិញម្ហូបនៅផ្សារបន្លែច្បារអំពៅ បានឲ្យដឹងនៅព្រឹកថ្ងៃទី១៦ ខែធ្នូនេះថា បងស្រីបានចូលផ្សារ គឺបានឃើញត្រីស្រែរួមមានកង្កែប និងក្តាមដាក់លក់ព្រោងព្រាត ហើយមានតម្លៃថោកសមរម្យគួរទទួលយកបាន បើទោះជាត្រីនិងកង្កែបចិញ្ចឹមដាក់លក់ក្បែរគ្នាមានតម្លៃថោកជាងត្រីពីធម្មជាតិក៏ដោយ។ អ្នកទិញបានបន្តថា ត្រីនិងកង្កែបស្រែពេលយកមកធ្វើម្ហូប គឺមានរស់ជាតិខុសគ្នា ព្រោះត្រីស្រែមិនមានក្លិនឆ្អាបដូចត្រីចិញ្ចឹម អ្វីដែលគួរឲ្យចាប់អារម្មណ៍នោះ គឺឆ្នាំ២០២០នេះ សម្បូររបស់ធម្មជាតិវាខុសពីឆ្នាំ២០១៩ គឺមិនសូវមានទាល់តែសោះ។

ចំណែកអាជីវករលក់ត្រីចិញ្ចឹមវិញ បានឲ្យដឹងថា នៅពេលដែលត្រីស្រែចុះមកលក់ច្រើនធ្វើឲ្យត្រីចិញ្ចឹមធ្លាក់ថ្លៃ ក្នុងនោះត្រីពោនៅសល់ត្រឹម៧០០០រៀល ក្នុង១គីឡូក្រាម ឯត្រីផ្ទក់នៅត្រឹម១០០០០រៀល។ អាជីវករលក់ត្រីបញ្ជាក់ថា រាល់ថ្ងៃនេះ ពួកគាត់ចង់យកត្រីស្រែមកធ្វើម្ហូប ព្រោះមានរស់ជាតិឆ្ងាញ់ហើយមិនឆ្អាប។ ចំណែកត្រីចិញ្ចឹម គឺមានតែយកទៅធ្វើងៀតលក់ប៉ុណ្ណោះ។


លោក សាន់ ប៊ុនណា ប្រធានគ្រប់គ្រងផ្សារបន្លែច្បារអំពៅ បាននិយាយថា ឆ្នាំនេះនៅផ្សាររបស់លោកមានលក់ត្រីនិងកង្កែបស្រែមកដាក់លក់ខុសប្លែកពីឆ្នាំ២០១៩ គឺមានតិចតួចបំផុត។ ទោះជាយ៉ាងណាត្រីនិងកង្កែបស្រែ មានលក់តែក្នុងខែធ្លាក់ខ្យល់ពីជើងប៉ុណ្ណោះ៕
អត្ថបទ៖ នរា
សូមចុចអាន៖ ចិញ្ចឹមត្រីអណ្តែង ក្នុងតង់កៅស៊ូ ចំណាយទុនតិច ទទួលបានផលច្រើន

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២៣ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល