ព័ត៌មានជាតិ

ប្រាសាទឯកភ្នំ មានទម្រង់ប្រៀបដូចមកុដស្តេចស្រីល្អឯក

បានផុស

៤ years មុន

នៅ

ថ្ងៃសុក្រ ១៨ ធ្នូ ២០២០

ដោយ

ប្រាង្គប្រាសាទឯកភ្នំ ជាប្រាសាទបុរាណមួយ ក្នុងចំណោមប្រាសាទដទៃទៀត ក្នុងខេត្តបាត់ដំបង។ ប្រាសាទនេះ ត្រូវបានបុព្វបុរសយើងចាត់ទុកដូចជាមកុដស្តេចស្រី ដែលជាស្នាព្រះហស្តរបស់ព្រះបាទសុរិយវរ្ម័នទី១ ពីគ.ស ១០១០- ១០៥០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការអះអាងរបស់ឆ្មាំប្រាសាទឯកភ្នំបានឲ្យដឹងថា ដើមឡើយប្រាសាទឯកភ្នំមានទីកន្លែងតម្កល់លិង្គ និងយោនី ដើម្បីឧទ្ទិសដល់លទ្ធិព្រហ្មញ្ញសាសនា ដែលចាត់ទុកជាប្រាសាទល្អឯកលើសគេ ហើយសម័យក្រោយមកទៀត ក៏ត្រូវរងនូវការគាស់កកាយ បណ្តាលឲ្យបាត់បង់អស់ទៅនិងតួប្រាសាទត្រូវដួលរលំស្ទើរតែបាត់បង់រូបភាពដើមទាំងស្រុង។ ទើបតែពេលបច្ចុប្បន្នមានការអភិរក្ស និងបានធ្វើការជួសជុលជាថ្មីឡើងវិញជាបណ្តើរៗ។ អ្នកបុរាណវិទ្យា បានរំលឹកពីស្នាព្រះហស្តព្រះបាទសុរិយវរ្ម័នទី១ ដោយបានជួយបំពេញបន្ថែមប្រាសាទព្រះវិហារវិញ និងបានកសាងប្រាសាទឯកភ្នំ, ប្រាសាទស្នឹង, ប្រាសាទបាក្សេត្រ និងនៅខេត្តតាកែវមានប្រាសាទលើភ្នំធម្មជាតិ គឺប្រាសាទភ្នំជីសូរ ឧទ្ទិសចំពោះលទ្ធិព្រហ្មញ្ញសាសនាហើយព្រះអង្គក៏ជាស្តេចកាន់ព្រះពុទ្ធសាសនាដែរ៕