ព័ត៌មានជាតិ
ច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២១ ឆ្លងកាត់ព្រឹទ្ធសភា ហើយដោយសំឡេងគាំទ្រ ៥៧សំឡេង
ច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២១ បានឆ្លងកាត់ព្រឹទ្ធសភានៅព្រឹកថ្ងៃទី២១ ខែធ្នូនេះហើយ ដោយសម័យប្រជុំលើកទី៦ នីតិកាលទី៤របស់ព្រឹទ្ធសភាពិនិត្យ និងឲ្យយោបល់គាំទ្រចំនួន ៥៧សំឡេងនៃអង្គសម័យប្រជុំទាំងមូល ដែលបានចូលរួម។
សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ដែលដឹកនាំសម័យប្រជុំនេះ បានប្រកាសថា ការអនុម័តច្បាប់ថវិកានេះមានសារៈសំខាន់ណាស់ ទុកជាការប្រញាប់ជូនរាជរដ្ឋាភិបាលសម្រាប់ជាប្រយោជន៍ដល់កិច្ចការអភិវឌ្ឍប្រទេស និងសង្គមជាតិ។
ឯកឧត្តម ម៉ម ប៊ុន នាង សមាជិកព្រឹទ្ធសភា និងជាអ្នកនាំពាក្យព្រឹទ្ធសភាបានប្រាប់ក្រុមអ្នកសារព័ត៌មានក្រោយកិច្ចប្រជុំពេញអង្គព្រឹទ្ធសភានេះថា ថវិកាសម្រាប់ការគ្រប់គ្រងឆ្នាំ២០២១ គឺជាការប្រយុទ្ធការពារអាយុជីវិតប្រជាជន រក្សាលំនឹងសង្គមសេដ្ឋកិច្ច និងជីវភាពរបស់ប្រជាពលរដ្ឋ ព្រមជាមួយការតម្រង់ធនធានឆ្ពោះទៅស្តារនិងជំរុញកំណើនសេដ្ឋកិច្ចឡើងវិញ ក្រោយពីស្រាកស្រាន្តជំងឺកូវីដ-១៩។ ជាពិសេសដើម្បីធានាសន្តិភាព សុខសន្តិភាពសង្គម និងចីរភាពនៃកំណើនសេដ្ឋកិច្ច ជាការបន្តលើកស្ទួយសុខុមាលភាពរបស់ប្រជាជន ក៏ដូចជាសម្រេចឲ្យបាននូវគោលដៅសំខាន់ៗ នៃកម្មវិធីនយោបាយចតុកោណដំណាក់កាលទី៤ និងផែនការយុទ្ធសាស្ត្រអភិវឌ្ឍន៍ជាតិឆ្នាំ២០១៩-២០២៣។ សេចក្តីព្រាងច្បាប់នេះ ឆ្លើយតបទៅនិងមាត្រា៥៧ និង៩០ថ្មី(២) នៃរដ្ឋធម្មនុញ្ញ និងមានកិត្យានុភាពជាមួយច្បាប់ស្តីពីប្រព័ន្ធហិរញ្ញវត្ថុសាធារណៈ ច្បាប់ស្តីពីសារពើពន្ធ។ល។ ហើយច្បាប់នេះអង្គប្រជុំព្រឹទ្ធសភាយល់ឃើញថា សេចក្តីព្រាងច្បាប់នេះ ជាឧបករណ៍ដ៏មានប្រសិទ្ធភាព ដែលអាចជួយឲ្យរាជរដ្ឋាភិបាលឆ្លើយតបនិងហានិភ័យទាំងពួង និងមានលក្ខណៈត្រឹមត្រូវតាមទម្រង់ច្បាប់ និងគតិច្បាប់។ អង្គប្រជុំព្រឹទ្ធសភាបានឲ្យយោបល់ដោយឥតកែប្រែ និងចាត់ទុកជាការប្រញាប់ចំនួន ៥៧សំឡេង នៃសមាជិកព្រឹទ្ធសភាទាំងមូល។
ដោយឡែកនៅព្រឹកនេះដែរ សម័យប្រជុំលើកទី៦ ព្រឹទ្ធសភា នីតិកាលទី៤ ក៏បានលើកយកសេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋសម្រាប់គ្រប់គ្រងឆ្នាំ២០១៩ – សេចក្ដីព្រាងច្បាប់ ស្តីពីមូលបត្ររដ្ឋ – សេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃអាជ្ញាធរសេវាហិរញ្ញវត្ថុមិនមែនធនាគារមកពិនិត្យ និងឲ្យយោបល់ដោយឥតកែប្រែចំនួន ៥៧សំឡេងដូចគ្នា នៃសមាជិកព្រឹទ្ធសភាទាំងមូលដែលបានចូលរួម។
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ព្រមទាំងសហការី ក្នុងនាមរាជរដ្ឋាភិបាលឡើងការពារច្បាប់នេះ បានថ្លែងអំណរគុណដល់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងអង្គសម័យប្រជុំទាំងមូលដែលបានផ្តល់យោបល់គាំទ្រអនុម័តច្បាប់ទាំងនេះ ដោយឥតកែប្រែ៕
អត្ថបទ៖ ប៉ាល់សុង
សូមចុចអាន៖ អ៊ុតកៅស៊ូបេទីម AC ប្រវែងជាង ៧ គីឡូម៉ែត្រ ផ្លូវចូលក្រុងបាត់ដំបង
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ