ក្នុងឱកាសឆ្លងឆ្នាំសកល ភ្ញៀវទេសចរជាង៥មុឺននាក់ ចូលលំហែនៅខេត្តកំពត

កំពត៖ ប្រធានមន្ទីរទេសចរណ៍ខេត្តកំពត លោក សយ សុីណុល បានឲ្យដឹងថា ក្នុងឱកាសចូលឆ្នាំថ្មី ឆ្នាំសកល ២០២០-២០២១ មានភ្ញៀវទេសចរណ៍ក្នុងស្រុក បានសម្រុកមកសម្រាក លំហែ ក្នុងខេត្តកំពត ប្រមាណជាង៥មុឺននាក់។

លោកប្រធានបន្តទៀតថា ផ្តើមចេញពីការយកចិត្តទុកដាក់ខ្ពស់ ពីសំណាក់ ឯកឧត្តម ជាវ តាយ អភិបាលខេត្តកំពត ដោយលោកជំរុញដល់មន្ទីរជំនាញនានា ពិសេសមន្ទីរទេសចរណ៍ ដើម្បីរៀបចំកែប្រែសោភ័ណភាពក្រុងកំពតឲ្យមានភាពលេចធ្លោ ពិសេសការណែនាំដល់អាជីវករ ម្ចាស់សណ្ឋាគារ ផ្ទះសំណាក់ រីសត បឹងហ្គាឡូត៍ ឲ្យអនុវត្តវិធានការអនាម័យ តាមការណែនាំរបស់ក្រសួងសុខាភិបាល។

ជាថ្មីម្តងទៀត លោក សយ សុីណុល បានអំពាវនាវដល់បងប្អូនប្រជាពលរដ្ឋ និងក្រុមអ្នកទេសចរដែលបានចូលសម្រាកលំហែទាំងអស់ សូមចូលរួមរក្សាអនាម័យ ដោយកុំបោះចោលសំរាមផ្តេសផ្តាសនៅតាមទីសាធារណៈ ពិសេសក្នុងទឹកព្រែកកំពង់បាយ ព្រោះនៅតាមដងផ្លូវក្នុងក្រុងកំពត សុទ្ធតែមានធុងសំរាមសម្រាប់ទុកដាក់ត្រឹមត្រូវគ្រប់ទីកន្លែង៕

អត្ថបទ៖ សេង ណារិទ្ធ

ចុចអាន៖ ទេសចរ​ខេត្ដព្រះសីហនុ កើនជាង​៣​ម៉ឺន​នាក់ ក្រោយ​ជំងឺ​កូវីដ​អន់ថយ

ចុចអាន៖ ភ្ញៀវទេសចរជាង៥ម៉ឺននាក់ សម្រុកទៅលេងខេត្ត កែប នៅថ្ងៃឆ្លងឆ្នាំ