ព័ត៌មានជាតិ

គិតត្រឹមថ្ងៃ១មករា ខេត្តបាត់ដំបងទទួលបានពលករខ្មែរមកពីថៃចំនួន១៥៦៨នាក់

បានផុស

៤ years មុន

នៅ

ថ្ងៃសៅរ៍ ២ មករា ២០២១

ដោយ

លោក ឱសថ បណ្ឌិត វឿង ប៊ុនរេត ប្រធានមន្ទីរសុខាភិបាលខេត្តបាត់ដំបងបានឲ្យដឹងថា គិតត្រឹមថ្ងៃទី០១ ខែមករា ឆ្នាំ២០២១មាន ពលករខ្មែរមកពីចូលតាមច្រកព្រំដែនខេត្តនិងក្រៅខេត្តទាំងអស់សរុប ១៥៦៨ នាក់បានយកសំណាកសរុប ១២៣៨ នាក់ ក្នុងនោះទទួលបានលទ្ធអវិជ្ជមានចំនួន ១០៣៥ នាក់ និងលទ្ធផលវិជ្ជមានចំនួន ៤នាក់កំពុងសម្រាកព្យាបាលនៅមន្ទីរពេទ្យខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា បច្ចុប្បន្ននេះមានពលករខ្មែរមកពីថៃចំនួន១២៥១នាក់ កំពុងធ្វើចត្តាឡីស័កនៅមណ្ឌល១ស្រី៥០៨នាក់និង២០នាក់ស្រី១៣នាក់ធ្វើចត្តាឡីស័កនៅមណ្ឌល២។

លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលកាលពីថ្ងៃទី០១មករាឆ្នាំ២០២១បានអញ្ជើញចុះពិនិត្យទីតាំងមណ្ឌលចត្តាឡីស័ក នៅតាមស្រុកជាប់ព្រំដែនកម្ពុជា-ថៃ ក្នុងខេត្តបាត់ដំបង។

ក្នុងឱកាសនោះ លោករដ្ឋមន្ត្រីបានណែនាំដល់អាជ្ញាធរខេត្តនិងមន្ទីរពាក់ព័ន្ធត្រូវពង្រឹងការធ្វើចត្តាឡីស័កទៅលើពលករខ្មែរមកពីថៃឲ្យបានគ្រប់១៤ថ្ងៃដើម្បីការពារកុំឲ្យមានការឆ្លងរីករាលដាលជំងឺកូវីដ១៩លក្ខណៈទ្រង់ទ្រាយធំនិងឆ្លងចូលទៅក្នុងសហគមន៍៕
ដោយ ៖ សំអឿន