ព័ត៌មានជាតិ
លោក សាយ សំអាល់ ស្នើឲ្យពលរដ្ឋផ្លាស់ប្តូរមុខរបរបរបាញ់សត្វ មកជាចិញ្ចឹមសត្វជំនួសវិញ
ការស្នើរបស់លោក សាយ សំអាល់ រដ្ឋមន្ត្រីក្រសួងបរិស្ថាន បានធ្វើឡើងខណៈអញ្ជើញចូលរួមវេទិកាសាធារណៈកាលពីព្រឹកថ្ងៃទី០៥ ខែមករា ឆ្នាំ២០២១ ដើម្បីពិភាក្សាលើករណីប្រជាជនកាន់កាប់អាស្រ័យផលក្នុងដែនជម្រកសត្វព្រៃ “ភ្នំត្នោត-ភ្នំពក” ស្រុកសង្គមថ្មី ខេត្តព្រះវិហារ ដែលរៀបចំឡើង នៅទីចាត់ការដែនជម្រកសត្វព្រៃបឹងពែរ ស្ថិតនៅភូមិអូពោធិ៍ ឃុំរមណីយ៍ ស្រុករវៀង ខេត្តព្រះវិហារ។
![](https://kampucheathmey.com/wp-content/uploads/2021/01/photo_2021-01-05_13-18-51-1024x682.jpg)
ថ្លែងនៅក្នុងឱកាសនោះ លោករដ្ឋមន្ត្រីក្រសួងបរិស្ថានបានណែនាំ និងពន្យល់បកស្រាយជូនដល់ប្រជាពលរដ្ឋ កុំបន្តឲ្យមានទំនាស់ដីធ្លីកើតឡើងទៀត ដោយត្រូវចូលរួមការពារ និងអភិរក្សព្រៃឈើ សត្វព្រៃ ដែលមាននៅក្នុងតំបន់នោះទាំងអស់គ្នា។ ជាមួយគ្នានោះ លោកបានសំណូមពរឲ្យប្រជាលរដ្ឋផ្លាស់ប្តូរមុខរបរ ដែលធ្លាប់បរបាញ់សត្វមកជាការចូលរួមចិញ្ចឹមសត្វជំនួសវិញ ដូចជាចិញ្ចឹមគោ ក្របី ចៀម និងពពែជាដើម ដែលជាសត្វចិញ្ចឹមក្នុងព្រៃសហគមន៍បានយ៉ាងងាយស្រួល ដោយគ្រាន់តែចំណាយពេលវេលាតិច ចំណេញច្រើន ព្រោះការបរបាញ់សត្វព្រៃជាអំពើល្មើសច្បាប់ អាចប្រឈមនិងទោសទណ្ឌចំពោះមុខច្បាប់។
![](https://kampucheathmey.com/wp-content/uploads/2021/01/photo_2021-01-05_13-18-54-2-1024x575.jpg)
![](https://kampucheathmey.com/wp-content/uploads/2021/01/photo_2021-01-05_13-18-54-1024x575.jpg)
![](https://kampucheathmey.com/wp-content/uploads/2021/01/photo_2021-01-05_13-18-55-1024x682.jpg)
លោក សាយ សំអាល់ បានបញ្ជាក់យ៉ាងដូច្នេះថា “យើងខ្ញុំចង់ឃើញបងប្អូនប្រជាពលរដ្ឋមានចំណូលខ្ពស់ មានជីវភាព ធូរធារ ហើយនៅពេលបងប្អូនប្រជាពលរដ្ឋមានបាន នោះនឹងមានការចូលរួមកាន់តែសកម្មក្នុងការការពារ និងអភិរក្សធនធានធម្មជាតិ ដែលយើងមាន។
![](https://kampucheathmey.com/wp-content/uploads/2021/01/photo-e43567543245-4.jpg)
![](https://kampucheathmey.com/wp-content/uploads/2021/01/photo-e43567543245-3.jpg)
![](https://kampucheathmey.com/wp-content/uploads/2021/01/photo-e43567543245-2-1024x576.jpg)
នៅក្នុងវេទិកានោះដែរ ប្រជាពលរដ្ឋបានសំណូមពរដល់រដ្ឋមន្ត្រីក្រសួងបរិស្ថាន ឲ្យធ្វើការការដោះដូរដី ដែលបច្ចុប្បន្នពួកគាត់បានកំពុងអាស្រ័យផលលើដីសហគមន៍ និងខ្លះទៀតជាប់ដីសហគមន៍ ហើយយមានសត្វព្រៃបំផ្លាញដំណាំរបស់ពួកគាត់។ ជាការឆ្លើយតបលោក សាយ សំអាល់ បានផ្ដល់យោបល់ល្អៗ ហើយអះអាងថា នឹងរៀបចំដីបម្រុងទុកសម្រាប់ដោះដូរជូនពួកគាត់ ដោយត្រូវនៅជិតនឹងសេវាសាធារណៈ មន្ទីពេទ្យ សាលារៀន និងវត្តអារាម ដើម្បីឲ្យពួកគាតរស់នៅដោយមានភាពងាយស្រួល។ ជាមួយគ្នានោះ លោករដ្ឋមន្ត្រីបានជំរុញឱ្យមានការកំណត់ព្រំប្រទល់តំបន់ដែនជម្រកសត្វព្រៃឲ្យបានលឿន ដើម្បីពង្រឹងការអប់រំប្រជាពលរដ្ឋ និងទឹកចិត្តឲ្យកូនចៅប្រជាពលរដ្ឋបានរៀនសូត្រទាំងអស់គ្នា ហើយលោក សាយ សំអាល់ ក៏បានស្នើឲ្យប្រជាពលរដ្ឋដាំដើមឈើ ដែលឆាប់បានទទួលផល ដូចជាដំណាំអាកាស្យាជាដើម៕
អត្ថបទ៖ កោះកែវ
សូមចុចអាន៖ ឆ្នាំ២០២០ កម្ពុជានាំចេញផលិតផលកសិកម្ម បានចំនួន ៦០៤ លានដុល្លារអាមេរិក
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?