ព័ត៌មានជាតិ
ម៉ូតូកែច្នៃស៊ីម៉ាំងរំខានប្រជាពលរដ្ឋចំនួន៦៤គ្រឿង ត្រូវបានសមត្ថកិច្ចចាប់ឃាត់ធ្វើការណែនាំ និងអប់រំ
លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការនគរបាលជាតិបានថ្លែងប្រាប់កម្ពុជាថ្មី នៅរសៀលថ្ងៃទី១១ ខែមករា នេះថា លោកមិនទាន់ទទួលបានរបាយការណ៍ពីករណីបង្ក្រាបម៉ូតូកែច្នៃស៊ីម៉ាំងខុសលក្ខណៈបច្ចេកទេសបង្កការរំខានដល់ដំណេករបស់ប្រជាពលរដ្ឋនេះទេ ប៉ុន្តែខាងស្នងការនគរបាលរាជធានីភ្នំពេញបានអះអាងថា រយៈពេលប៉ុន្មានថ្ងៃនេះ សមត្ថកិច្ចគនរបាលរាជធានីភ្នំពេញ បានចាប់ឃាត់ម៉ូតូបែបនេះបានចំនួន៦៤គ្រឿង។
ការចាប់ឃាត់ម៉ូតូកែច្នៃស៊ីម៉ាំងបង្កការរំខានដល់ប្រជាពលរដ្ឋនេះ បានធ្វើឡើងក្រោយពីសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានដាក់បទបញ្ជាឲ្យកម្លាំងនគរបាលសហការជាមួយក្រសួងសាធារណការ ស្រាវជ្រាវកំណត់អត្តសញ្ញាណម៉ូតូធំ ដែលបង្កសំឡេងរំខានដល់ប្រជាពលរដ្ឋ។
លោក សាន សុខសីហា អ្នកនាំពាក្យស្នងការនគរបាលរាជធានីភ្នំពេញបានប្រាប់កម្ពុជាថ្មី នារសៀល ថ្ងៃទី១១ ខែមករានេះដែរថា រយៈពេលប៉ុន្មានថ្ងៃនេះ សមត្ថកិច្ចគនរបាលរាជធានីភ្នំពេញ បានចាប់ឃាត់ម៉ូតូកែច្នៃស៊ីម៉ាំង ឬម៉ូតូដែលមានសំឡេងបំពងខុសលក្ខណៈបច្ចេកទេស បង្កការរំខានដល់ដំណេករបស់ប្រជាពលរដ្ឋចំនួន៦៤ គ្រឿង ដើម្បីធ្វើការណែនាំ និងអប់រំ។
បើតាមលោក សាន សុខសីហា នេះមិនមែនជាយុទ្ធនាការថ្មីនោះទេ ពីព្រោះសកម្មភាពនេះសមត្ថកិច្ចរាជធានីភ្នំពេញបានធ្វើជាបន្តបន្ទាប់យូរហើយ ប៉ុន្តែចំនួន៦៤គ្រឿងនេះ គឺយើងគិតចាប់ពីថ្ងៃដែលសម្ដេចក្រឡាហោម ស ខេង បានអំពាវនាវជាថ្មីកាលពីប៉ុន្មានថ្ងៃមុននេះ។ លោកបញ្ជាក់ថា ម៉ូតូទាំងអស់ដែលបានចាប់ឃាត់នោះ ត្រូវបានរក្សាទុកនៅតាមខណ្ឌ ដែលជាអ្នកបង្ក្រាបនោះ ហើយហៅម្ចាស់មកណែនាំអប់រំ។ ប្រសិនបើម៉ូតូទាំងនោះ ជាម៉ូតូច្នៃបំពង់ស៊ីម៉ាំង គឺត្រូវឲ្យដោះចេញ ហើយយកបំពង់ស៊ីម៉ាំងដើមមកដាក់វិញ។
លោក សាន សុខសីហា បានបញ្ជាក់ដែរថា កន្លងមកសមត្ថកិច្ចមិនបានធ្វើការពិន័យអ្វីនោះទេ គឺគ្រាន់តែចាច់ឃាត់ និងធ្វើការណែនាំអប់រំ ហើយយកបំពង់ស៊ីម៉ាង់អូរីជីណល (Original) នោះ យកមកដាក់វិញប៉ុណ្ណោះ រួចហើយហៅឪពុកម្ដាយឲ្យមកធ្វើការធានា ដើម្បីយកត្រឡប់ទៅវិញ។ លោកអះអាងថា កន្លងមកបើទោះបីជាមិនមានការពិន័យធ្ងន់ធ្ងរអ្វីក៏ដោយ ក្រោយពីមានសកម្មភាពរបស់សមត្ថកិច្ចលើបញ្ហានេះ ក៏មានការកាត់បន្ថយច្រើនដែរ ទាក់ទងទៅនឹងក្មេងទំនើង ដែលតែងតែកែច្នៃម៉ូតូ បង្កការរំខានដល់ប្រជាពលរដ្ឋនោះ ដូច្នេះវាមានប្រសិទ្ធភាពច្រើនដែរ មិនបានរំខានទៅដល់ប្រជាពលរដ្ឋដែលសម្រាកនៅពេលយប់ និងថ្ងៃ។
សូមបញ្ជាក់ថា នៅក្នុងកិច្ចប្រជុំអន្ដរក្រសួង ដើម្បីកែសម្រួលលក្ខណៈសម្បត្តិ នៃគោលនយោបាយភូមិឃុំ មានសុវត្ថិភាព កាលពីព្រឹកថ្ងៃទី០៨ ខែមករា ឆ្នាំ២០២១ នៅទីស្ដីការក្រសួងមហាផ្ទៃ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានដាក់បទបញ្ជាឲ្យកម្លាំងនគរបាល ពិសេសនៅក្នុងរាជធានីភ្នំពេញ ត្រូវសហការជាមួយក្រសួងសាធារណការ និងដឹកជញ្ជូន ដើម្បីស្រាវជ្រាវកំណត់អត្តសញ្ញាណម៉ូតូធំ ដែលបង្កសំឡេងរំខានដល់ប្រជាពលរដ្ឋ ដែលការដាក់បទបញ្ជារបស់ សម្ដេចក្រឡាហោម ស ខេង បានធ្វើឡើងបន្ទាប់ពីសម្ដេចសង្កេតឃើញថា មានករណីក្មេងទំនើងមួយចំនួនជិះម៉ូតូធំ កែច្នៃបំពង់ស៊ីម៉ាំង ខុសលក្ខណៈបច្ចេកទេស នៃទ្រង់ទ្រាយដើម ហើយមានសំឡេងលឺខ្លាំង បង្កការរំខានដល់ប្រជាពលរដ្ឋ។
សម្ដេចក្រឡាហោម ស ខេង បានកត់សម្គាល់ដែរថា កន្លងទៅអ្នកជិះម៉ូតូធំៗនេះ គឺជិះលឿនៗ ហើយខ្លះបានបង្កការរំខានដល់ប្រជាពលរដ្ឋក្នុងមូលដ្ឋាន និងពេលខ្លះរំខានដល់ដំណេករបស់ថ្នាក់ដឹកនាំថែមទៀតផង ដូច្នេះមន្ដ្រីនគរបាល ត្រូវឃ្លាំមើលសហការជាមួយក្រសួងសាធារណការ និងដឹកជញ្ជូន ដើម្បីកំណត់អត្តសញ្ញាណ និងអសយដ្ឋានអ្នកជិះម៉ូតូទាំងអស់នេះ។ សម្ដេចក្រឡាហោម ស ខេង សង្កត់ធ្ងន់ថា ករណីម៉ូតូធំបង្កជាសំឡេងរំខាន នេះត្រូវតែលុបបំបាត់ ដោយមិនត្រូវឲ្យមានបន្ដទៀតនៅក្នុងសង្គមឡើយ៕
ដោយ ៖ កោះកែវ
សូមចុចអាន ៖ បន្ទាន់! ផ្ទុះជំងឺផ្តាសាយបក្សី (H5N1) បណ្ដាលឲ្យមាន់ជាង១ពាន់ក្បាលងាប់
សូមចុចអាន ៖ ក្រុមសីដក់ក្រសួងការពារជាតិ នៅតែរក្សាតំណែងជើងឯកថ្នាក់ជាតិដដែល
កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង
មនុស្ស៣នាក់បានស្លាប់ និង២នាក់ទៀតកំពុងជួយសង្គ្រោះ សង្ស័យករណីពុលស្រា ស
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Selena ត្រូវគេគំរាមឲ្យចេញពីអាមេរិក ខណៈ Justin បែរបង្ហោះរូបសើចហាក់ឌឺដង
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២២ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ១ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង