ព័ត៌មានជាតិ

មានដឹងទេថាជនជាតិភាគតិចមានប៉ុន្មានអំបូរ និងរស់នៅខេត្តណាខ្លះនៃប្រទេសកម្ពុជា?

បានផុស

៤ years មុន

នៅ

ថ្ងៃពុធ ២០ មករា ២០២១

ដោយ

នៅក្នុងប្រទេសកម្ពុជាយើង មានជនជាតិដើមភាគតិចចំនួន២៤អំបូរ ដែលរស់នៅពីមុនប្រកបរបរធ្វើស្រែវិលជុំបែបបុរាណ តែឥឡូវបានប្រែក្លាយធ្វើកសិកម្មមួយកន្លែង រួមទាំងការរស់នៅ ស្លៀកពាក់ដូចជាអ្នកស្រុកកណ្តាលដែរ ព្រមទាំងធ្វើការដោះដូរទំនិញ ដោយប្រើប្រាស់ការចាយវាយប្រាក់រៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមសៀវភៅគោលនយោបាយអភិវឌ្ឍន៍ជនជាតិដើមភាគតិច ដោយក្រសួងអភិវឌ្ឍន៍ជនបទ ជនជាតិភាគតិចបច្ចុប្បន្ន នៅលើពិភពលោកមានចំនួនប្រមាណជាង៣៧០លាននាក់ ដែលរស់នៅជាង៧០ប្រទេស។ ចំណែកក្នុងប្រទេសកម្ពុជាយើងវិញ មានជនជាតិដើមភាគតិចរស់នៅក្នុង១៥ខេត្តក្រុងដូចជា ខេត្តរតនគិរី មណ្ឌលគិរី ព្រះវិហារ កំពង់ធំ ក្រចេះ ស្ទឹងត្រែង ពោធិ៍សាត់ បាត់ដំបង កំពង់ស្ពឺ ព្រះសីហនុ កោះកុង កំពង់ចាម សៀមរាប បន្ទាយមានជ័យ និងឧត្តរមានជ័យ និងមាន២៤អំបូរជនជាតិភាគតិចផ្សេងៗគ្នាដូចជា គួយ ព្នង ទំពួន ច្រាយ កាចក់ គ្រឹង ព្រៅ កាវែត លុន ស្នៀង ក្រោល មិល សួយ ព័រ ខោញ ជង ស្អូច ថ្មូន ខិ រអង ស្ពុង ល្អឺន រដែ និងសំរែ៕