ព័ត៌មានជាតិ

រដ្ឋបាលស្រុកសំរោង សម្រុកជួសជុលផ្លូវលំប្រមាណ៥០គីឡូម៉ែត្រ

បានផុស

៤ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

លោក កេត ម៉ៅ អភិបាល នៃគណៈអភិបាលស្រុកសំរោង ប្រាប់ឲ្យដឹង នាព្រឹកថ្ងៃទី៦ ខែវិច្ឆិកា ឆ្នាំ២០២០ថា ស្រុកសំរោង គឺ មាន ១១ឃុំ ហើយនៅក្នុងមួយរយៈពេលកន្លងទៅថ្មីៗ នេះ ឥទ្ធិពល គ្រោះមហន្តរាយជំនន់ទឹកភ្លៀង បានបំផ្លិចបំផ្លាញផ្លូវលំតាមភូមិនានា សរុបប្រវែង ៥០គីឡូម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលស្រុកសំរោង ប្រាប់បន្តថា រដ្ឋបាលស្រុក បានស្ថាបនា ចាប់ពីថ្ងៃទី២ ខែវិច្ឆិកា ឆ្នាំ២០២០ បាន ៧ឃុំរួចមកហើយ សម្រេចបានសរុបប្រវែងជាង ២០គីឡូម៉ែត្រ ដោយប្រើប្រាស់គ្រឿងចក្រ ជាច្រើនគ្រឿង ដោយ ១គីឡូម៉ែត្រ ចំណាយទឹកប្រាក់ ១លានរៀល ហើយផ្លូវខូចខាតដែលនៅសេសសល់ ក្រុមការងារជំនាញ នឹងខិតខំប្រឹងប្រែងបន្តទៀត អាចនឹងបញ្ចប់នៅក្នុងអំឡុងសប្តាហ៍ក្រោយនេះហើយ ដោយមិនឲ្យហួសថ្ងៃទី១៥ ខែវិច្ឆិកា ឆ្នាំ២០២០ នោះទេ ។

ជាមួយគ្នានេះលោកអភិបាល បានថ្លែងអំណរអរគុណ ដល់ក្រុមការងារ អាជ្ញាធរគ្រប់ភូមិឃុំ ព្រះសង្ឃ សប្បុរសជន ប្រជាពលរដ្ឋ ដែលបានចូលរួមចំណែកជួយឧបត្ថម្ភថវិកា ក្នុងការជួសជុលផ្លូវនេះ។ ក្នុងនាមរដ្ឋបាលស្រុកសំរោង លោកសូមធ្វើការអភ័យទោសពីប្រជាពលរដ្ឋ ដែលកន្លងមកមានការលំបាកធ្វើដំណើរដោយសារផ្លូវលំជាច្រើន ក្នុងស្រុកសំរោង រងការខូចខាតដោយជំនន់ទឹកភ្លៀង ហើយរដ្ឋបាលស្រុក ឃុំ នឹងខិតខំ ជួសជុលផ្លូវដែលខូចខាតទាំងអស់ឡើងវិញ៕