អាជីព
ក្លាយជាអ្នកដឹកនាំ ដែលមានគេដើរតាមច្រើនដោយសុទ្ធចិត្ត
តើយើងស្ថិតនៅលើដំណើរការដឹកនាំនៅទីណា ហើយមកពីណា? សំណួរនេះមាននៅក្នុងបេះដូងអ្នកដឹកនាំជាច្រើន។ មនុស្សគ្រប់គ្នាចង់ដឹងពីកន្លែងដែលពួកគេឈរ និងវិធីឈានដល់កម្រិតបន្ទាប់ទៀត ជាពិសេសអ្នកដែលទើបទទួលបានមុខតំណែង ជាអ្នកដឹកនាំ។
ដើម្បីកំណត់អត្តសញ្ញាណខ្លួនឯង និងជំហានដែលត្រូវអនុវត្តឈានដល់កម្រិត ៥ នេះជាចំណុចកំពូលនៃភាពជាអ្នកដឹកនាំ ដែលគួរតែអនុវត្តតាម។
១. មុខតំណែង ៖ មនុស្សធ្វើតាមព្រោះពួកគេត្រូវធ្វើ
បើសិនយើងស្ថិតក្នុងចំណោមអ្នកដែលត្រូវគេតែងតាំងឱ្យមានមុខតំណែងថ្មីថ្មោង ដូចជាអ្នកដឹកនាំជាដើម។ យើងអាចនឹងភ័យ ហើយរិះរកវិធីធ្វើយ៉ាងម៉េច អាចដឹកនាំអ្នកក្រោមបង្គាប់ហើយគេស្ដាប់យើង។ រឿងទាំងនោះអាចដំណើរការទៅបាន លុះត្រាតែយើងមានអានុភាពលើខ្លួនឯងសិន។
អ្នកដឹកនាំគ្មានសមត្ថភាព មិនចាំចាំបាច់តម្រូវឱ្យមានសមត្ថភាពឬខិតខំដើម្បីសម្រេចបានផលអ្វីឡើយ។ តែអ្នកដឹកនាំដែលមានមុខតំណែងច្បាស់លាស់ ត្រូវតែខិតខំព្យាយាមត្រួសត្រាយផ្លូវ ហើយអោនលំទោនជានិច្ច សូម្បីតែជាមួយសន្តិសុខ។ នេះជាគន្លឹះសំខាន់សម្រាប់ចាប់ផ្ដើមវិនិយោគលើការរីកចម្រើននិងសក្ដានុពល ក្នុងនាមជាអ្នកដឹកនាំថ្មីមួយរូប។
ប្រើពេលវេលានៅកម្រិតនេះរៀនដឹកនាំខ្លួនឯង តាមរយៈអាទិភាពនិងការលត់ដំខ្លួន ដើម្បីត្រៀមខ្លួនឈានទៅមួយកម្រិតទៀត។
២. ស្គាល់កូនក្រុមឬសមាជិកច្បាស់ ៖ មនុស្សធ្វើតាមយើងបាន ព្រោះពួកគេចង់ធ្វើ
ដើម្បីរីកចម្រើននៅក្នុងកម្រិតនេះ អ្នកដឹកនាំត្រូវស្គាល់ក្រុមរបស់ខ្លួន និងភ្ជាប់ទំនាក់ទំនងជាមួយពួកគេជានិច្ច។ យើងមិនអាចដឹកនាំដោយគ្មានមនុស្សបានទេ ដែលមានន័យថា យើងត្រូវរៀនចូលចិត្តមនុស្សប្រសិនបើចង់ដឹកនាំបានល្អ។
ត្រូវចាត់ទុកពួកគេជាបុគ្គលដែលមានតម្លៃ ហើយចាប់ផ្ដើមអភិវឌ្ឍឥទ្ធិពលវិជ្ជមាន ដោយមានទំនាក់ទំនងរឹងមាំ និងយូរអង្វែង ដើម្បីបង្កើតជាគ្រឹះសម្រាប់កម្រិតបន្ទាប់។
៣. ផលិតកម្ម៖ មនុស្សធ្វើតាម ដោយសារតែអ្វីដែលយើងបានធ្វើគឺសម្រាប់ក្រុម
នៅកម្រិតនេះអ្នកដឹកនាំត្រូវតែបង្កើតលទ្ធផលឥទ្ធិពល និងភាពជឿជាក់។ កម្រិតផលិតកម្មគឺជាកន្លែងដែលអ្នកដឹកនាំអាចក្លាយជាភ្នាក់ងារផ្លាស់ប្ដូរ។ ពេលដែលផលិតកាន់តែច្រើន យើងអាចដោះស្រាយបញ្ហាលំបាកៗ ហើយប្រឈមមុខនឹងបញ្ហាដែលមានបន្លា។
ការនាំមុខនិងជះឥទ្ធិពលដល់អ្នកដទៃ ក្លាយជាភាពសប្បាយរីករាយ ព្រោះនៅពេលដែលមនុស្សគ្រប់គ្នាកំពុងឆ្ពោះទៅមុខជាមួយគ្នា ក្នុងក្រុមនឹងឈានដល់កម្រិតមួយផ្សេងទៀត នៃប្រសិទ្ធភាពមិនខាន។
៤. អភិវឌ្ឍមនុស្ស៖ មនុស្សធ្វើតាមយើងដោយសារតែយើងបានធ្វើសម្រាប់ពួកគេដូចគ្នា
គោលដៅរបស់យើងនៅកម្រិតនេះ គឺដើម្បីកំណត់អត្តសញ្ញាណនិងអភិវឌ្ឍអ្នកដឹកនាំឱ្យបានច្រើន តាមដែលអាចធ្វើបាន ដោយវិនិយោគលើពួកគេឱ្យរីកចម្រើនទាំងអស់គ្នា។
នៅពេលដែលមានអ្នកដឹកនាំកាន់តែច្រើន បេសកកម្មរបស់អង្គភាពក៏សម្រេចបានច្រើន។ មនុស្សដែលយើងជ្រើសរើស ដើម្បីអភិវឌ្ឍនឹងបង្ហាញពីសក្ដានុពលដ៏អស្ចារ្យសម្រាប់ភាពជាអ្នកដឹកនាំ ឬពួកគេអាចជាត្បូងពេជ្រក្នុងក្រុម។
៥. ភិនភាគ៖ មនុស្សធ្វើតាមដោយសារតែយើងជានរណា ហើយតំណាងអ្វី
ភាពជាអ្នកដឹកនាំកម្រិតខ្ពស់ គឺជាបញ្ហាប្រឈម វាទាមទារឱ្យមានអាយុច្រើន ក៏ដូចជាចេតនាក្នុងក្រុម។ យើងមិនអាចឈានដល់កម្រិត ៥ បានទេ លុះត្រាតែយើងបានវិនិយោគជីវិតរបស់យើង ទៅក្នុងជីវិតរបស់អ្នកដទៃក្នុងរយៈពេលយូរសិន។
អ្នកដឹកនាំក្នុងកម្រិតនេះ តែងតែបង្កើតឱកាសដែលអ្នកដឹកនាំផ្សេងទៀតមិនធ្វើ និងបង្កើតកេរ្តិ៍តំណែងនៅក្នុងអ្វីដែលពួកគេធ្វើ។
ប៉ុន្តែរឿងចាំបាច់ ដែលយើងអាចធ្វើបាន គឺអភិវឌ្ឍឥទ្ធិពលរបស់យើង នៅពេលឱកាសមកដល់ យើងអាចធ្វើបានល្អប្រសើរច្រើន៕
ប្រែសម្រួល៖ ស្រស់
ប្រភព៖ CNBC
ចុចអាន៖ ហេតុផលធំ ៦ យ៉ាងកូនចៅតែងរអាក្នុងការក្លាយខ្លួនជាអ្នកដឹកនាំដូចគេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ